ಚುನಾವಣೆ ಪ್ರಚಾರಕ್ಕೆ ಐಶಾರಾಮಿ ಕ್ಯಾರವ್ಯಾನ್ ಖರೀದಿಸಿದ ಪವನ್ ಕಲ್ಯಾಣ್: ಬೆಲೆ ಎಷ್ಟು ಕೋಟಿ?

ವಾಹನದ ಹೆಸರೇನು?

ಚುನಾವಣೆ ಪ್ರಚಾರಕ್ಕೆಂದೇ ವಿಶೇಷವಾಗಿ ವಾಹನವನ್ನು ತಯಾರು ಮಾಡಲಾಗಿದ್ದು, ಈ ಭರ್ಜರಿ ವಾಹನವನ್ನು ಖರೀದಿಸಿ ಅದನ್ನು ತಮ್ಮ ಅನುಕೂಲಕ್ಕೆ ತಕ್ಕಂತೆ ಮಾಡಿಫೈ ಮಾಡಿಸಿಕೊಂಡಿದ್ದಾರೆ ಪವನ್ ಕಲ್ಯಾಣ್. ಈ ವಿಶೇಷ ವಾಹನಕ್ಕೆ 'ವರಾಹಿ' ಎಂದು ಪವನ್ ಹೆಸರಿಟ್ಟಿದ್ದು, ಇದೇ ವಾಹನದಲ್ಲಿ ಆಂಧ್ರ ಪ್ರದೇಶದಾದ್ಯಂತ ಸಂಚರಿಸಿ ತಮ್ಮ ಅಭ್ಯರ್ಥಿಗಳ ಪರವಾಗಿ ಪ್ರಚಾರ ಮಾಡಲಿದ್ದಾರೆ.

ದೈತ್ಯಾಕಾರದ ವಾಹನ

ವಾಹನವು ಭಾರಿ ದೈತ್ಯಾಕಾರದಲ್ಲಿದ್ದು, ವಾಹನದ ಸುತ್ತಾ ದೊಡ್ಡ-ದೊಡ್ಡ ಲೈಟ್‌ಗಳನ್ನು ಹಾಕಲಾಗಿದೆ. ವಾಹನದ ಮೇಲೆ ಕಬ್ಬಿಣದ ತಾತ್ಕಾಲಿಕ ವೇದಿಕೆ ಮಾದರಿಯ ಸೆಟ್‌ ಅಪ್ ಸಹ ಇದೆ. ವಾಹನಕ್ಕೆ ಸ್ಪೀಕರ್ ಸಹ ಅಳವಡಿಸಲಾಗಿದೆ. ವಾಹನ ಏರಲು, ಇಳಿಯಲು ಪ್ರತ್ಯೇಕ ಮೆಟ್ಟಿಲುಗಳ ಮಾದರಿ ವ್ಯವಸ್ಥೆ ಇದೆ. ವಾಹನಕ್ಕೆ ಮಿಲಿಟರಿಯ ಹಸಿರು ಬಣ್ಣ ಹಚ್ಚಲಾಗಿದೆ. ವಾಹನದ ಕಿಟಕಿಗಳಿಗೆ ಗ್ರಿಲ್‌ಗಳನ್ನು ಕಲ್ಲೆಸೆತದಂಥಹಾ ಅವಘಡಗಳಿಂದ ಭದ್ರತೆ ನೀಡಲಾಗಿದೆ.

ವಾಹನದ ಸುತ್ತಲೂ ಕ್ಯಾಮೆರಾ

ವಾಹದ ಸುತ್ತಲೂ ಕ್ಯಾಮೆರಾ ಸಹ ಅಳವಡಿಸಲಾಗಿದ್ದು, ಡ್ರೈವರ್ ಸೇರಿದಂತೆ ವಾಹನದ ಹಿಂಬದಿ ಕೂತವರು ಸಹ ವಾಹನದ ಮುಂದೆ ಹಿಂದೆ ಏನು ನಡೆಯುತ್ತಿದೆ ಎಂಬುದನ್ನು ನೋಡುವ ವ್ಯವಸ್ಥೆ ಇರಲಿದೆ. ವಾಹನದ ಒಳಗೆ ಟಿವಿ, ಸೋಫಾ, ಮೀಟಿಂಗ್‌ ಮಾಡಲು ಅನುಕೂಲಕರವಾಗುವ ಸಲಕರಣೆ, ಬೆಡ್, ಟಾಯ್ಕೆಟ್, ಮೇಕಪ್‌ ರೂಂ, ಎಸಿ ವ್ಯವಸ್ಥೆ, ಅಂತರ್ಜಾಲ ಸಂಪರ್ಕ ಇನ್ನಿತರೆ ಸೌಕರ್ಯಗಳ ಲಭ್ಯತೆ ಇದೆ.

ವಾಹನದ ಬೆಲೆ ಎಷ್ಟು?

ಭಾರಿ ದುಬಾರಿಯಾದ ಈ ವಾಹನಕ್ಕೆ ಸುಮಾರು 6 ಕೋಟಿ ಹಣವನ್ನು ಪವನ್ ಕಲ್ಯಾಣ್ ವ್ಯಯಿಸಿದ್ದಾರೆ ಎನ್ನಲಾಗುತ್ತಿದೆ. ಈ ವಾಸಹ ಒಂದು ದೊಡ್ಡ ಟೆಂಪೋದಷ್ಟು ದೈತ್ಯಾಕಾರದಲ್ಲಿದೆ. ಕೆಲವು ತಿಂಗಳ ಹಿಂದೆ ಎಂಟು ಕಪ್ಪು ಬಣ್ಣದ ಸ್ಕಾರ್ಪಿಯೋ ಕಾರುಗಳನ್ನು ಸಹ ಪವನ್ ಕಲ್ಯಾಣ್ ಖರೀದಿಸಿದ್ದರು. ಚುನಾವಣೆಗೆ ಪವನ್ ಕಲ್ಯಾಣ್ ಅದ್ಧೂರಿಯಾಗಿಯೇ ತಯಾರಾಗುತ್ತಿದ್ದಾರೆ. ಹೊಸದಾಗಿ ಪಕ್ಷ ಕಟ್ಟಿರುವ ಪವನ್ ಕಲ್ಯಾಣ್‌ಗೆ ಗೆಲುವು ಅಷ್ಟು ಸುಲಭವೇನಲ್ಲ. ಆದರೆ ಆಂಧ್ರ ರಾಜಕೀಯದ ಮೇಲೆ ಪ್ರಭಾವ ಬೀರಲು ಈ ಚುನಾವಣೆ ಪವನ್‌ಗೆ ನೆರವಾಗಲಿದೆ.