'ಅಯ್ಯಪ್ಪನುಂ ಕೋಶಿಯುಂ' ರೀಮೇಕ್‌ಗೆ ಪವನ್ ಕಲ್ಯಾಣ್ ಪಡೆಯುತ್ತಿದ್ದಾರೆ ಭಾರಿ ಮೊತ್ತ

ಭಾರಿ ಸಂಭಾವನೆ ಪಡೆಯುತ್ತಿರುವ ಪವನ್ ಕಲ್ಯಾಣ್

ಇನ್ನು ಈ ಸಿನಿಮಾಕ್ಕೆ ಭಾರಿ ಮೊತ್ತದ ಸಂಭಾವನೆ ಪಡೆಯುತ್ತಿದ್ದಾರೆ ಪವನ್ ಕಲ್ಯಾಣ್. ಈ ಸಿನಿಮಾಕ್ಕಾಗಿ ಬರೋಬ್ಬರಿ 50 ಕೋಟಿ ರುಪಾಯಿ ಸಂಭಾವನೆ ನೀಡಲಾಗುತ್ತಿದೆ ಪವನ್ ಕಲ್ಯಾಣ್ ಗೆ. ಒಪ್ಪಂದಕ್ಕೆ ಈಗಾಗಲೇ ಸಹಿ ಬಿದ್ದಿದೆ ಎಂದು ವರದಿ ಮಾಡಿವೆ ತೆಲುಗು ಪತ್ರಿಕೆಗಳು.

ರಾಣಾ ದಗ್ಗುಬಾಟಿಗೆ ಎಷ್ಟು ಸಂಭಾವನೆ

ಇನ್ನು ಪವನ್ ಕಲ್ಯಾಣ್ ಅಷ್ಟೆ ಪ್ರಮುಖ ಪಾತ್ರ ನಿರ್ವಹಿಸುತ್ತಿರುವ ರಾಣಾ ದಗ್ಗುಬಾಟಿಗೆ ಈ ಸಿನಿಮಾಕ್ಕೆ 5 ಕೋಟಿ ಹಣ ಸಿಗುತ್ತಿದೆಯಂತೆ. ರಾಣಾ ದಗ್ಗುಬಾಟಿಗೆ ಈ ಸಂಭಾವನೆ ಕಡಿಮೆಯೆಂದೇ ಹೇಳಲಾಗುತ್ತಿದೆ. ಆದರೆ ನಟ ಪವನ್‌ ರ ಸ್ಟಾರ್ ವ್ಯಾಲ್ಯೂ ರಾಣಾ ಗೆ ಹೋಲಿಸಿದರೆ ಬಹಳವಿದೆ.

30 ದಿನದ ಡೇಟ್ಸ್ ಅಷ್ಟೇ ನೀಡಲಾಗಿದೆ

ಅಯ್ಯಪ್ಪನುಂ ಕೋಶಿಯುಂ ರೀಮೇಕ್‌ಗೆ ಪವನ್ ಕಲ್ಯಾಣ್ ನೀಡಿರುವುದು ಕೇವಲ 30 ದಿವಸದ ಡೇಟ್ಸ್ ಅಷ್ಟೇ. ಮೂವತ್ತು ದಿನಗಳ ಒಳಗಾಗಿ ತಮ್ಮ ಭಾಗದ ಸಂಪೂರ್ಣ ಚಿತ್ರೀಕರಣ ಮುಗಿಸಿಕೊಡುವುದಾಗಿ ಹೇಳಿದ್ದಾರೆ ಪವನ್. ರಾಣಾ ದಗ್ಗುಬಾಟಿ ಸಹ 30 ದಿನದ ಡೇಟ್ಸ್ ಅಷ್ಟೇ ಕೊಟ್ಟಿದ್ದಾರಂತೆ.

Recommended Video

ವೈರಲ್ ಆಯ್ತು ರಶ್ಮಿಕಾ ಮಂದಣ್ಣ ಬಾಲಿವುಡ್ ಫೋಟೋ | Filmibeat Kannada

ಜನವರಿಯಿಂದ ಚಿತ್ರೀಕರಣ ಪ್ರಾರಂಭ

ಜನವರಿಯಿಂದ ಸಿನಿಮಾದ ಚಿತ್ರೀಕರಣ ಪ್ರಾರಂಭವಾಗಲಿದ್ದು, ಸಿನಿಮಾದ ನಿರ್ದೇಶನವನ್ನು ಸಾಗರ್ ಕೆ ಚಂದ್ರ ಮಾಡಲಿದ್ದಾರೆ. ಸಿನಿಮಾಕ್ಕೆ ಬಂಡವಾಳ ಹೂಡಿರುವುದು ಸಿತಾರಾ ಎಂಟರ್ಟೈನ್‌ಮೆಂಟ್ ಸಿನಿಮಾದ ಮುಹೂರ್ತ ಎರಡು ದಿನದ ಹಿಂದಷ್ಟೆ ಮುಗಿದಿದ್ದು, ನಾಯಕಿಯರ ಆಯ್ಕೆ ಇನ್ನಷ್ಟೆ ಆಗಬೇಕಿದೆ.