ಪ್ರಭಾಸ್21, ಆದಿಪುರುಷ್ ಯಾವುದಾಗಲಿದೆ ಪ್ರಭಾಸ್ ಮುಂದಿನ ಸಿನಿಮಾ?

ಆದಿಪುರುಷ್ ಸಿನಿಮಾದಲ್ಲಿ ಮೊದಲು ನಟನೆ

ದೀಪಿಕಾ ನಾಯಕಿಯಾಗಿ ನಟಿಸುತ್ತಿರುವ ನಾಗಚೈತನ್ಯ ನಿರ್ದೇಶಿಸುತ್ತಿರುವ ಪ್ರಭಾಸ್ 21 ಸಿನಿಮಾದಲ್ಲಿ ಪ್ರಭಾಸ್ ನಟಿಸಲಿದ್ದಾರೆ ಎನ್ನಲಾಗಿತ್ತು. ಆದರೆ ಅದನ್ನು ಸುಳ್ಳು ಮಾಡಿ ಆದಿಪುರುಷ್ ಸಿನಿಮಾವನ್ನು ಮೊದಲು ಕೈಗೆತ್ತಿಕೊಂಡಿದ್ದಾರಂತೆ ಪ್ರಭಾಸ್.

ಅಬ್ಬಾ.! ಪ್ರಭಾಸ್ 'ರಾಧೆ ಶ್ಯಾಮ್' ಚಿತ್ರದ ಕ್ಲೈಮ್ಯಾಕ್ಸ್ ಗೆ ಇಷ್ಟೊಂದು ಕೋಟಿ ಖರ್ಚು ಮಾಡುತ್ತಿದ್ದಾರಾ?

ಡಯಟ್ ಆರಂಭಿಸಿರುವ ಪ್ರಭಾಸ್

ಆದಿಪುರುಷ್ ಸಿನಿಮಾ ನಿರ್ದೇಶಿಸಲಿರುವ ಓಮ್ ರಾವತ್ ಅನ್ನು ಈಗಾಗಲೇ ಪ್ರಭಾಸ್ ಭೇಟಿಯಾಗಿದ್ದು, ರಾಮನ ಪಾತ್ರಕ್ಕಾಗಿ ದೇಹ ಆಕಾರ ಪಡೆದುಕೊಳ್ಳಲು ಈಗಾಗಲೇ ಡಯಟ್ ಪ್ರಾರಂಭಿಸಿದ್ದಾರಂತೆ. ಮುಂದಿನ ಜನವರಿ ತಿಂಗಳಿನಿಂದ ಚಿತ್ರೀಕರಣ ಪ್ರಾರಂಭವಾಗುವ ಸಾಧ್ಯತೆ ಇದೆ.

ಪ್ರಭಾಸ್ 21 ಗೆ ಇನ್ನಷ್ಟು ಸಮಯ ಬೇಕಿದೆ

ಪ್ರಭಾಸ್ 21 ಸಿನಿಮಾದ ನಾಯಕಿಯಾದ ದೀಪಿಕಾ ಪಡುಕೋಣೆ ಸಹ ಸಾಕಷ್ಟು ಸಿನಿಮಾಗಳಲ್ಲಿ ಬ್ಯುಸಿ ಇದ್ದು, ಡೇಟ್ಸ್‌ಗಳು ಸನಿಹದಲ್ಲಿಲ್ಲ, ಹಾಗೂ ಆ ಸಿನಿಮಾ ಚಿತ್ರೀಕರಣ ಸಂಪೂರ್ಣ ಸೆಟ್‌ಗಳಲ್ಲಿಯೇ ಆಗಬೇಕಿರುವ ಕಾರಣ ಯೋಜನೆಗೆ ಸಾಕಷ್ಟು ಕಾಲಾವಕಾಶ ಬೇಕಿದೆ ಎನ್ನಲಾಗಿದೆ.

Recommended Video

ಸಿನಿಮಾದಲ್ಲಿ ಇರುವುದು ಎಲ್ಲವೂ ಸತ್ಯ ಅಲ್ಲ ಅಂದ್ರು ರಿಯಲ್ ಲೈಫ್ ಹೀರೊ ಗೋಪಿನಾಥ್ | Filmibeat Kannada

400 ಕೋಟಿ ಬಜೆಟ್‌ನ ಸಿನಿಮಾ

ಪ್ರಭಾಸ್ ಅವರ ಆದಿಪುರುಷ್ ಸಿನಿಮಾ ರಾಮಾಯಣ ಕತೆ ಆಧರಿಸಿದ ಸಿನಿಮಾ ಆಗಿದ್ದು, ಪ್ರಭಾಸ್ ರಾಮನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಸೀತೆಯಾಗಿ ಕೀರ್ತಿ ಸುರೇಶ್ ನಟಿಸುವ ಸಾಧ್ಯತೆ ಇದೆ. ರಾವಣನಾಗಿ ಸೈಫ್ ಅಲಿ ಖಾನ್ ನಟಿಸಲಿದ್ದಾರೆ ಎನ್ನಲಾಗಿದೆ. ಸಿನಿಮಾದ ಬಜೆಟ್ ಬರೋಬ್ಬರಿ 400 ಕೋಟಿಯಂತೆ. ಸಿನಿಮಾದ ನಿರ್ಮಾಪಕ ಟಿ-ಸೀರೀಸ್‌ನ ಭೂಷಣ್ ಕುಮಾರ್