ತೆಲುಗಿನ ನಂಬರ್ 1 ನಟಿ ಯಾರು? ರಶ್ಮಿಕಾಗೆ ಎಷ್ಟನೇ ಸ್ಥಾನ?

ಮೊದಲ ಸ್ಥಾನದಲ್ಲಿ ನಟಿ ಸಮಂತಾ

ನಟಿ ಸಮಂತಾ ಮೊದಲ ಸ್ಥಾನದಲ್ಲಿದ್ದರೆ ಇತ್ತೀಚೆಗಷ್ಟೆ ಮದುವೆಯಾದ ನಟಿ ಕಾಜಲ್ ಅಗರ್ವಾಲ್ ಎರಡನೇ ಸ್ಥಾನದಲ್ಲಿದ್ದಾರೆ. ಸಿನಿಮಾಗಳಿಂದ ದೂರ ಉಳಿದಿದ್ದರೂ ಸಹ ನಟಿ ಅನುಷ್ಕಾ ಶೆಟ್ಟಿ ಮೂರನೇ ಸ್ಥಾನದಲ್ಲಿದ್ದಾರೆ. ತೆಲುಗಿನಲ್ಲೂ ಕೆಲವು ಸಿನಿಮಾಗಳಲ್ಲಿ ನಟಿಸಿರುವ ಮಲಯಾಳಂನ ಕೀರ್ತಿ ಸುರೇಶ್‌ಗೆ ನಾಲ್ಕನೇ ಸ್ಥಾನ.

ರಶ್ಮಿಕಾ ಮಂದಣ್ಣಗೆ ಎಷ್ಟನೇ ಸ್ಥಾನ?

ತೆಲುಗು ಸಿನಿಮಾರಂಗದ ಅತ್ಯಂತ ದುಬಾರಿ ನಟಿ ಎನಿಸಿಕೊಂಡಿರುವ ಕರ್ನಾಟಕ ಮೂಲದ ನಟಿ ಪೂಜಾ ಹೆಗ್ಡೆ ಐದನೇ ಸ್ಥಾನದಲ್ಲಿದ್ದಾರೆ. ಪ್ರಮುಖ ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದರೂ ಕನ್ನಡತಿ ರಶ್ಮಿಕಾ ಮಂದಣ್ಣ ಆರನೇ ಸ್ಥಾನದಲ್ಲಿದ್ದಾರೆ. ಇನ್ನು ತೆಲುಗು, ತಮಿಳು, ಹಿಂದಿಯಲ್ಲಿ ನಟಿಸುತ್ತಿರುವ ತಮನ್ನಾಗೆ ಏಳನೇ ಸ್ಥಾನ.

ಸಾಯಿ ಪಲ್ಲವಿಗೆ ಎಂಟನೇ ಸ್ಥಾನ

ತಮ್ಮ ಅದ್ಭುತ ನಟನಾ ಪ್ರತಿಭೆ, ನೃತ್ಯದಿಂದ ಗುರುತಾಗಿರುವ ನಟಿ ಸಾಯಿ ಪಲ್ಲವಿಗೆ ಎಂಟನೇ ಸ್ಥಾನ ನೀಡಲಾಗಿದೆ. ಏಳು ವರ್ಷಗಳಿಂದಲೂ ತೆಲುಗು ಸಿನಿಮಾಗಳಲ್ಲಿ ನಟಿಸುತ್ತಿರುವ ರಾಶಿ ಖನ್ನಾಗೆ ಒಂಬತ್ತನೇ ಸ್ಥಾನ ನೀಡಲಾಗಿದೆ. ತೆಲುಗಿನ ಮತ್ತೊಬ್ಬ ಬ್ಯುಸಿ ನಟಿ ರಾಕುಲ್ ಪ್ರೀತ್‌ ಸಿಂಗ್ ಹತ್ತನೇ ಸ್ಥಾನಲ್ಲಿದ್ದಾರೆ.

Recommended Video

ಸಿನಿಮಾ ಆಫರ್ ಕಮ್ಮಿಯಾಗುವುದಕ್ಕೆ ಆ ಘಟನೆಯೇ ಕಾರಣ ಅಂದ್ರು ಶೃತಿ ಹರಿಹರನ್ | Filmibeat Kannada

ಟೀಕೆಗಳು ಸಹ ವ್ಯಕ್ತವಾಗಿವೆ

ಓರ್ಮ್ಯಾಕ್ಸ್‌ ನೀಡಿರುವ ಈ ಪಟ್ಟಿಯ ಬಗ್ಗೆ ಹಲವರು ಆಕ್ಷೇಪವನ್ನು ವ್ಯಕ್ತಪಡಿಸಿದ್ದಾರೆ. ಸಂಮತಾಗೆ ಏಕೆ ಮೊದಲ ಸ್ಥಾನ? ಸಿನಿಮಾದಿಂದ ದೂರವಿದ್ದರೂ ಅನುಷ್ಕಾಗೆ ಏಕೆ ಮೂರನೇ ಸ್ಥಾನ. ಶ್ರುತಿ ಹಾಸನ್ ಏಕೆ ಪಟ್ಟಿಯಲ್ಲಿಲ್ಲ? ಬೇರೆ ಭಾಷೆಗಳ ನಟಿಯರಿಗೆ ಹೆಚ್ಚು ಪ್ರಾಶಸ್ತ್ಯ ನೀಡಿದ್ದೀರಿ ಇನ್ನೂ ಹಲವು ಟೀಕೆಗಳು ಪಟ್ಟಿಯ ಬಗ್ಗೆ ವ್ಯಕ್ತವಾಗಿವೆ.