ತೆಲುಗಿನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿ ಯಾರು?

ಸಮಂತಾ ಸಂಭಾವನೆ ಎಷ್ಟು?

ಕಳೆದು ಎರಡು ವರ್ಷದಿಂದ ಸಮಂತಾ ಹಿಟ್ ಮೇಲೆ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಮದುವೆ ಬಳಿಕ ರಂಗಸ್ಥಲಂ, ಓ ಬೇಬಿ, ಯು ಟರ್ನ್, ಸೂಪರ್ ಡಿಲೆಕ್ಸ್, ಜಾನು, ಅಭಿಮನ್ಯುಡು ಚಿತ್ರಗಳಲ್ಲಿ ನಟಿಸಿದ್ದಾರೆ. ಹೀಗೆ ಸಕ್ಸಸ್ ಹಾದಿಯಲ್ಲಿ ಸಾಗುತ್ತಿರುವ ಸಮಂತಾ 1.5 ಕೋಟಿಯಿಂದ 2 ಕೋಟಿವರೆಗೂ ಸಂಭಾವನೆ ತೆಗೆದುಕೊಳ್ಳುತ್ತಿದ್ದಾರೆ ಟಾಕ್ ಇದೆ.

ನಯನತಾರಾ ಸಂಭಾವನೆ

ತೆಲುಗು ಮತ್ತು ತಮಿಳು ಇಂಡಸ್ಟ್ರಿ ಎರಡರಲ್ಲೂ ಗೆದ್ದು ಬೀಗುತ್ತಿರುವ ನಟಿ ನಯನತಾರಾ. ಚಿರಂಜೀವಿ ಜೊತೆ ಸೈರಾ ನರಸಿಂಹ ರೆಡ್ಡಿ ಸಿನಿಮಾ ಮಾಡಿದ್ದರು. ತಮಿಳಿನಲ್ಲಿ ಮಹಿಳಾ ಪ್ರಧಾನ ಚಿತ್ರಗಳಲ್ಲಿ ಹೆಚ್ಚು ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದಾರೆ. ಇಂಡಸ್ಟ್ರಿ ಟಾಕ್ ಪ್ರಕಾರ ನಯನತಾರಾ ಒಂದು ಚಿತ್ರಕ್ಕೆ 2 ಕೋಟಿ ಚಾರ್ಜ್ ಮಾಡ್ತಾರಂತೆ.

ರಶ್ಮಿಕಾ ಮಂದಣ್ಣ ಸಂಭಾವನೆ

ಚಲೋ ಸಿನಿಮಾ ಮೂಲಕ ಟಾಲಿವುಡ್ ಜರ್ನಿ ಆರಂಭಿಸಿದ ರಶ್ಮಿಕಾ ಮಂದಣ್ಣ ನಂತರ ಗೀತಾ ಗೋವಿಂದಂ, ಡಿಯರ್ ಕಾಮ್ರೇಡ್, ಸರಿಲೇರು ನೀಕೆವ್ವರು, ದೇವದಾಸ್, ಭೀಷ್ಮ ಅಂತಹ ಸಿನಿಮಾದಲ್ಲಿ ನಟಿಸಿದ್ದಾರೆ. ಜೂನಿಯರ್ ಎನ್ ಟಿ ಆರ್, ರಾಮ್ ಚರಣ್ ತೇಜ, ಅಲ್ಲು ಅರ್ಜುನ್ ಚಿತ್ರಗಳಲ್ಲೂ ರಶ್ಮಿಕಾ ನಟಿಸುತ್ತಿದ್ದಾರೆ. ಸದ್ಯದ ಮಾಹಿತಿ ಪ್ರಕಾರ ರಶ್ಮಿಕಾ ಮಂದಣ್ಣ ತೆಲುಗಿನಲ್ಲಿ ಒಂದು ಚಿತ್ರಕ್ಕೆ 1 ಕೋಟಿಯಿಂದ 1.5 ಕೋಟಿವರೆಗೂ ಪಡೆಯುತ್ತಾರೆ ಎನ್ನಲಾಗಿದೆ.

ಕಾಜಲ್ ಸಂಭಾವನೆ ಎಷ್ಟಿದೆ?

ಕಾಜಲ್ ಅಗರ್ ವಾಲ್ ಸಿನಿಮಾಗಳು ಈಗ ಕಮ್ಮಿ ಆಗಿದೆ. ಹತ್ತರಿಂದ ಹದಿನೈದು ದಿನ ಕಾಲ್ ಶೀಟ್ ನೀಡುವ ಚಿತ್ರಕ್ಕೆ 1 ಕೋಟಿ ಪಡೆದುಕೊಳ್ಳುತ್ತಾರಂತೆ. ಇನ್ನು ಮೆಹ್ರಿನ್ ಅಂತಹ ನಾಯಕಿಗಿಂತಲೂ ಕಾಜಲ್ ಸಂಭಾವನೆ ಕಡಿಮೆ ಇದೆ ಎಂಬ ಮಾತಿದೆ.

ಅನುಷ್ಕಾ ಶೆಟ್ಟಿ ಟಾಪ್ ಸಂಭಾವನೆ

ಬಾಹುಬಲಿ ಸಿನಿಮಾ ಬಳಿಕ ಯಶಸ್ಸು ಸಾಧಿಸಿದ ನಟಿ ಅನುಷ್ಕಾ ಶೆಟ್ಟಿ ಬೇಡಿಕೆ ಮತ್ತು ಸಂಭಾವನೆ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಈಗಲು ಅನುಷ್ಕಾ ಶೆಟ್ಟಿ ಟಾಪ್ ನಟಿ ಹಾಗು ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರಂತೆ. ನಿಶ್ಯಬ್ದಂ ಸಿನಿಮಾಗಾಗಿ 2.5 ಕೋಟಿ ಪಡೆದಿದ್ದಾರೆ ಎನ್ನಲಾಗಿದೆ.