ಮಾಸ್ಟರ್ ಚೆಫ್ ಇಂಡಿಯಾ 2 ಟೈಟಲ್ ಗೆದ್ದ ಶಿಪ್ರ ಖನ್ನಾ

ಬಾಲಿವುಡ್ ಆಕ್ಷನ್ ಹೀರೋ ಅಕ್ಷಯ್ ಕುಮಾರ್ ನಡೆಸಿಕೊಡುವ ಈ ಕಾರ್ಯಕ್ರಮ ಭಾರತದಲ್ಲಿ ಅತ್ಯಧಿಕ ವೀಕ್ಷಕರನ್ನು ಹೊಂದಿರುವುದು ವಿಶೇಷ. ಶಿಮ್ಲಾದ ಶಿಪ್ರ ಖನ್ನಾ (29) ಎಂಬ ಗೃಹಿಣಿ 'ಮಾಸ್ಟರ್ ಚೆಫ್ ಇಂಡಿಯಾ 2' ಟೈಟಲನ್ನು ತನ್ನ ಕೈವಶ ಮಾಡಿಕೊಂಡಿದ್ದಾರೆ. ಇವರು ತಮ್ಮ ಸಮೀಪದ ಪ್ರತಿಸ್ಪರ್ಧಿಗಳಾದ ಜೋಸೆಫ್ ರೋಝಾರಿಯೋ (ಸಿಲಿಗುರಿ) ಹಾಗೂ ಶಾಜಿಯಾ ಫಾತಿಮಾ (ಬೆಂಗಳೂರು)ಎಂಬುವವನ್ನು ಹಿಂದಿಕ್ಕಿ ಮುನ್ನುಗ್ಗಿದ್ದಾರೆ.

ಭಾನುವಾರ (ಜ.1) ನಡೆದ ಗ್ರಾಂಡ್ ಫಿನಾಲೆಯಲ್ಲಿ ಸಲ್ಮಾ ಮತ್ತು ಶಿಪ್ರಾ ಒಟ್ಟು 100 ಮಂದಿಗೆ ಅಡುಗೆ ರೆಡಿ ಮಾಡಿಕೊಡಬೇಕಾಗಿತ್ತು. ರಸವತ್ತಾದ ಭೋಜನವನ್ನು ಸವಿದವರು ನೀಡಿದ ಓಟಿನ ಆಧಾರವಾಗಿ ಶಿಫ್ರಾರನ್ನು ವಿನ್ನರ್ ಎಂದು ನಿರ್ಧರಿಸಲಾಯಿತು.

ಶಿಪ್ರ ಅವರಿಗೆ ರು.1 ಕೋಟಿ ನಗದು ಬಹುಮಾನ, ಸ್ಟಾರ್ ಪ್ಲಸ್ ವಾಹಿನಿಯಲ್ಲಿ ತನ್ನದೇ ಆದ ಕಾರ್ಯಕ್ರವನ್ನು ಆಯೋಜಿಸುವ ಅವಕಾಶ ಹಾಗೂ ಮೂರು ರಾತ್ರಿ ಮತ್ತು ನಾಲ್ಕು ಹಗಲುಗಳನ್ನು ಲಂಡನ್‌ನಲ್ಲಿ ಕಳೆಯುವ ಚಾನ್ಸ್ ಸಿಕ್ಕಿದೆ.

ಶಿಪ್ರ ಖನ್ನಾ ಅವರು ಸದ್ಯಕ್ಕೆ ತಮ್ಮ ಗಂಡನಿಂದ ದೂರವಾಗಿದ್ದು ವಿವಾಹ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ತನ್ನ ಗಂಡನೊಂದಿಗೆ ಇರುವ ಮಕ್ಕಳನ್ನು ತನ್ನ ಸುಪರ್ದಿಗೆ ಒಪ್ಪಿಸುವಂತೆ ಕೋರ್ಟ್ ಮೆಟ್ಟಿಲೇರಿದ್ದಾರೆ. ಈ ರಿಯಾಲಿಟಿ ಶೋನಲ್ಲಿ ಗೆಲ್ಲುವ ಮೂಲಕ ಆಕೆಯ ಬಾಳು ಬಂಗಾರವಾಗಿದೆ. (ಏಜೆನ್ಸೀಸ್)