For Quick Alerts
    ALLOW NOTIFICATIONS  
    For Daily Alerts

    'ಕೋಟ್ಯಾಧಿಪತಿ' ಶೀರ್ಷಿಕೆಯಲ್ಲಿ ವ್ಯಾಕರಣ ದೋಷ

    By * ರಾಘವೇಂದ್ರ, ಮೈಸೂರು
    |

    ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ನಡೆಸಿಕೊಡುತ್ತಿರುವ ಸುವರ್ಣ ವಾಹಿನಿಯ 'ಕನ್ನಡದ ಕೋಟ್ಯಾಧಿಪತಿ' ಗೇಮ್ ಶೋ ಯಶಸ್ವಿಯಾಗಿ ಮುನ್ನುಗ್ಗುತ್ತಿದೆ. ಪುನೀತ್ ಅವರ ಮಾತುಗಾರಿಕೆ, ಅವರ ನಯ ವಿನಯ ನಡತೆ ನಡೆಸಿಕೊಡುತ್ತಿರುವ ಶೈಲಿ ನಮಗೆಲ್ಲಾ ತುಂಬಾ ಇಷ್ಟವಾಗಿದೆ. ಆದರೆ ಶೀರ್ಷಿಕೆಯಲ್ಲೊಂದು ಸಣ್ಣ ವ್ಯಾಕರಣ ದೋಷ ನುಸುಳಿ ಬಿಟ್ಟಿದೆ.

    'ಕೋಟ್ಯಾಧಿಪತಿ' ಎಂಬ ಶಬ್ದವನ್ನು ಹುಡುಕಿದರೆ ಯಾವುದೇ ನಿಘಂಟಿನಲ್ಲಿ ಕಾಣಸಿಗುವುದಿಲ್ಲ. 'ಕೋಟಿ' ಮತ್ತು 'ಅಧಿಪತಿ' ಎಂಬ ಎರಡು ಪದಗಳನ್ನು ಕೂಡಿಸಿ ಬರೆದರೆ 'ಕೋಟ್ಯಧಿಪತಿ' ಎಂದಾಗುತ್ತದೆಯೇ ಹೊರತು 'ಕೋಟ್ಯಾಧಿಪತಿ' ಅಲ್ಲ. ಇನ್ನು 'ಕೋಟ್ಯಧಿಪತಿ' ಪದವನ್ನು ಸಂಧಿ ಮಾಡಿದಾಗ ಯಣ್ ಸಂಧಿಯಾಗುತ್ತದೆ.

    ಇದಕ್ಕೆ ಇನ್ನೊಂದೆರಡು ಉದಾಹರಣೆಗಳನ್ನೂ ಕೊಡಬಹುದು. ಅತಿ + ಅಂತ್ಯ =ಅತ್ಯಂತ ಹಾಗೆಯೇ ಮನು + ಅಂತರ= ಮನ್ವಂತರ. ಆದರೆ 'ಲಕ್ಷಾಧಿಪತಿ' ಪದವನ್ನು ಬಿಡಿಸಿ ಬರೆದಾಗ ಲಕ್ಷ + ಅಧಿಪತಿ = ಲಕ್ಷಾಧಿಪತಿ (ಸವರ್ಣದೀರ್ಘ ಸಂಧಿ) ಆಗುತ್ತದೆ. ಹಾಗಾಗಿ ಕೋಟ್ಯಂತರ ವೀಕ್ಷಕರು ನೋಡುವ ಕೋಟ್ಯಧಿಪತಿ ಶೀರ್ಷಿಕೆಯಲ್ಲಿನ ವ್ಯಾಕರಣ ದೋಷವನ್ನು ಸರಿಪಡಿಸಬೇಕು ಎಂಬುದಷ್ಟೇ ನನ್ನ ವಿನಂತಿ. ನನ್ನ ಅಭಿಪ್ರಾಯದಲ್ಲಿ ಏನಾದರೂ ತಪ್ಪಿದ್ದರೆ ದಯವಿಟ್ಟು ತಿಳಿಸಿ.

    ಕನ್ನಡದ ವ್ಯಾಕರಣವನ್ನು ಇಂದು ಮತ್ತೊಮ್ಮೆ ವಿಶದವಾಗಿ ತಿಳಿದುಕೊಳ್ಳಬೇಕಾದ ಅಗತ್ಯ ತುಂಬಾ ಇದೆ. ಏನಂತೀರಾ ಸ್ವಾಮಿ. ನನ್ನ ಈ ವಾದಕ್ಕೆ ಶತಾಯುಷಿಯಾಗುತ್ತಿರುವ ನಡೆದಾಡುವ ನಿಘಂಟು ಎಂದೇ ಖ್ಯಾತರಾಗಿರುವ ಪ್ರೊ. ಜಿ. ವೆಂಕಟಸುಬ್ಬಯ್ಯನವರ ಕೃಪೆ ಇದೆ ಅಂದುಕೊಳ್ಳುತ್ತೇನೆ.

    English summary
    Asianet Suvarna channels game show Kannadada Kotyadhipati title is grammatically incorrect, it should be 'ಕೋಟ್ಯಧಿಪತಿ' not 'ಕೋಟ್ಯಾಧಿಪತಿ'. The game show is hosted by Puneet Rajkumar. It gives the common man an opportunity to win Rs 1 crore.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X