ಅಮೀರ್ ಖಾನ್ ಗಿಂತ ಸತ್ಯಮೇವ ಜಯತೇ ಹಿಟ್

ಅಮೀರ್ ಖಾನ್

ಸಾಮಾಜಿಕ ಸಮಸ್ಯೆಗಳನ್ನು ಸರಿಯಾದ ಅಂಕಿ-ಅಂಶಗಳ ಆಧಾರದ ಮೂಲಕ ಚರ್ಚಿಸುತ್ತಿರುವ ಅಮೀರ್ ಖಾನ್ ಎಲ್ಲಾ ವರ್ಗದ ಜನರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಅದರಲ್ಲೂ ಕಾರ್ಯಕ್ರಮ ನಡೆಸಿಕೊಡುವ ಅಮೀರ್ ಖಾನ್ ಶೈಲಿ ಜಗತ್ತಿನಾದ್ಯಂತ ಜನರ ಕುತೂಹಲ ಹಾಗೂ ಅದ್ಭುತ ಪ್ರತಿಕ್ರಿಯೆಗೆ ಕಾರಣವಾಗಿದೆ.

ಅಂತರ್ಜಾಲ ಬಳಕೆದಾರರು ಅಮೀರ್ ಬದಲಾಗಿ ಸತ್ಯಮೇವ ಜಯತೇ ಕಾರ್ಯಕ್ರಮದ ಹುಡುಕಾಟದಲ್ಲಿ ತೊಡಗಿದ್ದಾರೆ. ಕಳೆದ ಏಳು ದಿನಗಳಿಂದ ಸತ್ಯಮೇವ ಜಯತೇ ಶೋ ಬಗ್ಗೆ ಹುಡುಕಾಟ ನಿರಂತರವಾಗಿ ನಡೆದಿದೆ. ಕಾರ್ಯಕ್ರಮದ ಜನಪ್ರಿಯತೆಯಲ್ಲಿ ಮಧ್ಯಪ್ರದೇಶ ಮೊದಲ ಸ್ಥಾನದಲ್ಲಿದ್ದರೆ ರಾಜಸ್ಥಾನ ದ್ವಿತೀಯ ಹಾಗೂ ಗುಜರಾತ್ ತೃತೀಯ ಸ್ಥಾನದಲ್ಲಿದೆ ಎಂದು ಗೂಗಲ್ ಸಮೀಕ್ಷೆ ತಿಳಿಸಿದೆ. (ಒನ್ ಇಂಡಿಯಾ ಕನ್ನಡ)