Click it and Unblock the Notifications
ಅಮೀರ್ 'ಸತ್ಯಮೇವ ಜಯತೆ ಸೀಸನ್-2' ಬರಲಿದೆಯೇ?
ಮೊದಲ ಸೀಸನ್ ಮೂಲಕ ದೇಶಾದ್ಯಂತ ಸಾಕಷ್ಟು ಪ್ರೇಕ್ಷಕರನ್ನು ಈ ಶೋ ತಲುಪಿದೆ. ಹಿಂದಿ, ತಮಿಳು, ತೆಲುಗು, ಮಲಯಾಳಂ ಸೇರಿ ಬಹಳಷ್ಟು ಭಾಷೆಗಳಲ್ಲಿ ಪ್ರಸಾರವಾಗುತ್ತಿರುವ ಇದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕೂಡ ಚರ್ಚೆಗೆ ವೇದಿಕೆಯಾಗಿದೆ. ಅಮೀರ್ ಖಾನ್ ಪ್ರಕಾಶಿಸುತ್ತಿದ್ದಾರೆ. ಸತ್ಯಮೇವ ಜಯತೆ ಮನೆಮನೆ ಮಾತಾಗಿದೆ.
ಈ ಮೊದಲು ಕೇವಲ 13 ಸಂಚಿಕೆ ಮಾಡಿ ಸತ್ಯಮೇವ ಜಯತೆ ಮುಗಿಸುವ ತಂಡದ ನಿರ್ಧಾರ ಈಗ ಬದಲಾಗಿದೆ. ಈಗಾಗಲೇ ಅರ್ಧಕ್ಕಿಂತ ಹೆಚ್ಚು ದಾರಿ ಕ್ರಮಿಸಿರುವ ಸತ್ಯಮೇವ ಜಯತೆ ತಂಡ, ಪ್ರೇಕ್ಷಕರು ಹಾಗೂ ಅಭಿಮಾನಿಗಳ ಅಮೋಘ ಪ್ರತಿಕ್ರಿಯೆಗೆ ದಂಗಾಗಿದೆ. ಹೀಗಾಗಿ 2 ನೇ ಆವೃತ್ತಿ ತರಲು ಸಿದ್ಧತೆಗೆ ತೊಡಗಿದೆ.
ಕೇವಲ 13 ಸಂಚಿಕೆಗಳನ್ನು ಮಾತ್ರ ನೋಡಿ ಅಮೀರ್ ಅಭಿಮಾನಿಗಳು ಸುಮ್ಮನಾಗಲು ಸಾಧ್ಯವಿಲ್ಲ. ಅಷ್ಟೇ ಅಲ್ಲ, ಈ ಮೊದಲು ಅಮೀರ್ ಅಭಿಮಾನಿಗಳಲ್ಲದವರೂ ಕೂಡ ಈಗ ಸತ್ಯಮೇವ ಜಯತೇ ನೋಡಿ ಅವರ ಅಭಿಮಾನಿಗಳಾಗಿದ್ದಾರೆ. ಹೀಗಾಗಿ ಕೇವಲ 13 ಸಂಚಿಕೆಗೆ ಸತ್ಯಮೇವ ಜಯತೆ ಮುಗಿಸಲು ಅಮೀರ್ ಖಾನ್ ಅವರಿಗೆ ಸಾಧ್ಯವಾಗಲಿಕ್ಕಿಲ್ಲ. ಈ ವಿಷಯ ಸ್ವತಃ ಅಮೀರ್ ಅವರಿಗೂ ಮನವರಿಕೆಯಾಗಿದೆ.
ಈ ಕುರಿತು ರೇಡಿಯೋ 92.7 ಬಿಗ್ ಎಫ್ ಎಂ ನಲ್ಲಿ ಮಾತನಾಡಿರುವ ಅಮೀರ್ "ಕನಸಿನಲ್ಲೂ ಕಾಣದ ಅತ್ಯುತ್ತಮ ಪ್ರತಿಕ್ರಿಯೆಯನ್ನು ನಾವು ಈ ಶೋಗೆ ಜನರಿಂದ ಪಡೆದಿದ್ದೇವೆ. ಈ ಶೋ ದೇಶಾದ್ಯಂತ ಸಾಕಷ್ಟು ಎಚ್ಚರಿಕೆಯ ಸಂದೇಶ ಹಾಗೂ ಜನಜಾಗೃತಿ ಮೂಡಿಸಿದೆ. ನಾವು ಆ ಗುಂಗಿನಿಂದ ಸದ್ಯಕ್ಕೆ ಹೊರಬರುವುದೇ ದುಸ್ತರವಾಗಿದೆ. ಖಂಡಿತ ಈ ಶೋದ 2ನೇ ಆವೃತ್ತಿಯನ್ನು ಮಾಡುವ ಬಗ್ಗೆ ಯೋಚಸಲಿದ್ದೇವೆ" ಎಂದಿದ್ದಾರೆ.
ಸದ್ಯಕ್ಕೆ ಅಮೀರ್ ಖಾನ್, 'ಧೂಮ್- 3' ಮತ್ತು ರಾಜ್ ಕುಮಾರ್ ಹಿರಾನಿಯವರ 'ಪಿಕೆ' ಚಿತ್ರೀಕರಣದಲ್ಲಿ ಬಿಜಿಯಾಗಿದ್ದಾರೆ. ಅದನ್ನು ಮುಗಿಸಿ ನಂತರ ಸೆಪ್ಟೆಂಬರ್ ತಿಂಗಳಲ್ಲಿ 'ಸತ್ಯಮೇವ ಜಯತೇ ಭಾಗ- 2' ವನ್ನು ಕಿರುತೆರೆಯ ಮೇಲೆ ತರಲು ಯೋಜಿಸಿದ್ದಾರೆ. ಒಟ್ಟಿನಲ್ಲಿ ಅಮೀರ್ ಖಾನ್ ಸತ್ಯಮೇವ ಜಯತೆ, ಬಹಳಷ್ಟು ಜನರು ಮೊದಲೇ ಅಭಿಪ್ರಾಯಪಟ್ಟಂತೆ ಸೂಪರ್ ಹಿಟ್ ಎನಿಸಿದೆ. (ಏಜೆನ್ಸೀಸ್)
Continue with Google