ನಟಿ ನಯನತಾರಾಗೆ ನಿಗೂಢ ಕಾಯಿಲೆಯಂತೆ

ನಟಿ ನಯನತಾರಾ ಕುರಿತು ಇತ್ತೀಚೆಗೆ ಸದಾ ಒಂದಿಲ್ಲೊಂದು ಸುದ್ದಿಗಳು ಹರಿದಾಡುತ್ತಲೇ ಇವೆ. ಈಗ ಮತ್ತೊಂದು ಶಾಕಿಂಗ್ ಸುದ್ದಿ ಅವರ ಸುತ್ತ ಸುತ್ತುತ್ತಿದೆ. ಅದೇನೆಂದರೆ ಅವರಿಗೆ ಎಂಥದೋ ನಿಗೂಢ ಕಾಯಿಲೆ ಇದೆ ಎಂಬುದು.

ಆದರಿದು ಗುಪ್ತ ರೋಗ ಅಲ್ಲ ಎಂಬುದು ಸಮಾಧಾನದ ಸಂಗತಿ. ಏನು ಕಾಯಿಲೆ ಎಂಬುದು ಸ್ಪಷ್ಟವಾಗಿ ಗೊತ್ತಿಲ್ಲದಿದ್ದರೂ ಚರ್ಮ ಕಾಯಿಲೆಯಿಂದ ಅವರು ಬಳಲುತ್ತಿದ್ದಾರೆ ಎನ್ನುತ್ತವೆ ಮೂಲಗಳು. ಆ ಕಾಯಿಲೆ ಜಾಸ್ತಿಯಾಗಿ ಚಿತ್ರೀಕರಣಕ್ಕೂ ಸರಿಯಾಗಿ ಹಾಜರಾಗುತ್ತಿಲ್ಲವಂತೆ. ಇದಕ್ಕಾಗಿ ಕೇರಳದಲ್ಲಿ ಆಯುರ್ವೇದ ಚಿಕಿತ್ಸೆಗೆ ಮೊರೆಹೋಗಿದ್ದಾರೆ ನಯನಿ.

ನಯನತಾರಾ

ಇದೆಲ್ಲಾ ಯಾರೋ ಮಾಡಿಸಿದ ಮಾಟ ಮಂತ್ರದ ಫಲ ಎಂದು ಕಾಲಿವುಡ್ ಚಿತ್ರರಂಗದಲ್ಲಿ ಗುಸುಗುಸು ಮಾತುಗಳು ಕೇಳಿಬಂದಿದ್ದವು. ಇತ್ತೀಚೆಗೆ ನಯನತಾರಾ ಅವರು ತಮ್ಮ ಮೇಲೆ ಪ್ರಯೋಗಿಸಿರುವ ಕ್ಷುದ್ರ ಶಕ್ತಿಗಳ ಬಿಡುಗಡೆಯಾಗಿ ಕೇರಳದಲ್ಲಿ ಚಿಕಿತ್ಸೆ ಪಡೆದಿದ್ದಾರೆ ಎಂಬುದು ಇನ್ನೊಂದು ಮಜವಾದ ಗಾಸಿಪ್.

ವಾಮಾಚಾರದ ಬಗ್ಗೆ ಪ್ರತಿಕ್ರಿಯಿಸಿದ್ದ ನಯನಿ ಬಹುಶಃ ಅಲರ್ಜಿ ಕಾರಣ ತಮಗೆ ಹೀಗಾಗಿತ್ತು. ಇದಕ್ಕಾಗಿ ಆಂಟಿಬಯೋಟಿಕ್ಸ್ ತಗೊಂಡಿದ್ದೀನಿ. ವಾಮಾಚಾರ, ವಶೀಕರಣ, ಮಾಟ ಮಂತ್ರ, ನಿಂಬೆಕಾಯಿ, ಬದನೆಕಾಯಿ ಎಲ್ಲಾ ಸುಳ್ಳು ಎಂದಿದ್ದರು.