'ಪ್ರಥಮ್ ತಂಗಿ' ಎಂದು ಟ್ರೋಲ್ ಆಗುತ್ತಿರುವ 'ಮಾಸ್' ಮೇಘ ಯಾರು.?

ಕೊಡಗಿನ ಕುವರಿ ಮೇಘ

''ಹಲೋ ಅಣ್ತಮ್ಮಾಸ್, ಅಕ್ತಂಗೀಸ್'' ಎನ್ನುತ್ತಾ 'ಬಿಗ್ ಬಾಸ್' ಮನೆಯಲ್ಲಿ 'ಮಾಸ್' ಫೀಲ್ ಕೊಡುತ್ತಿರುವ ಮೇಘ ಮೂಲತಃ ಕೊಡಗು ಜಿಲ್ಲೆಯ ಶನಿವಾರ ಸಂತೆಯ ಹಾರೆಹೊಸೂರು ಗ್ರಾಮದ ಹುಡುಗಿ.

ಪಕ್ಕಾ ಲೋಕಲ್ ಹುಡುಗಿ

''ಡೆವಿಲ್ ಈಸ್ ಹಿಯರ್'' ಅಂತ ಹೇಳ್ತಾ 'ಬಿಗ್ ಬಾಸ್' ಗೃಹಪ್ರವೇಶ ಮಾಡಿದ ಮೇಘ ಪಿಝಾ-ಬರ್ಗರ್ ತಿನ್ನುವ ಹುಡುಗಿ ಅಲ್ಲ. ಪಾರ್ಕ್ ನಲ್ಲಿ ಕೂತ್ಕೊಂಡು ಕಿಲಕಿಲ ಅಂತ ಮಾತನಾಡುವ ಹುಡುಗಿಯೂ ಅಲ್ಲ. ಪಕ್ಕಾ ಲೋಕಲ್ ಹುಡುಗಿ.!

ಡಿಗ್ರಿ ಓದುತ್ತಿರುವ ಮೇಘ

ಸದ್ಯ ಅಂತಿಮ ವರ್ಷದ ಬಿ.ಎ ವ್ಯಾಸಂಗ ಮಾಡುತ್ತಿದ್ದಾರೆ ಮೇಘ.

ಮದುವೆಯಿಂದ ತಪ್ಪಿಸಿಕೊಳ್ಳಲು....

ಮದುವೆ ಆಗುವುದರಿಂದ ತಪ್ಪಿಸಿಕೊಳ್ಳಲು ವಿವಿಧ ರೀತಿಯಲ್ಲಿ ಹುಡುಗರನ್ನು ಓಡಿಸಿರುವ ಮೇಘ ಇದೀಗ 'ಬಿಗ್ ಬಾಸ್ ಕನ್ನಡ-5' ಸ್ಪರ್ಧಿ

ತಂಟೆಗೆ ಬಂದ್ರೆ ಸುಮ್ಮನೆ ಇರಲ್ಲ.!

ಎಲ್ಲರ ಜೊತೆ ಹೊಂದಿಕೊಳ್ಳುವ ಸೌಜನ್ಯ ಇರುವ ಮೇಘ ರವರಿಗೆ ತಪ್ಪನ್ನ ಎತ್ತಿ ತೋರಿಸುವ ಧೈರ್ಯ ಕೂಡ ಇದೆ. ಹೀಗಾಗಿ, 'ಬಿಗ್ ಬಾಸ್' ಮನೆಯೊಳಗೆ ಯಾರಾದರೂ ತಂಟೆಗೆ ಬಂದರೆ ತರಾಟೆಗೆ ತೆಗೆದುಕೊಳ್ಳದೆ ಮೇಘ ಸುಮ್ಮನೆ ಅಂತೂ ಕೂರಲ್ಲ.

ಮೂರೇ ಬಾರಿ ಬೆಂಗಳೂರಿಗೆ ಬಂದಿರೋದು.!

ಇಲ್ಲಿಯವರೆಗೂ ಮೇಘ ಬೆಂಗಳೂರಿಗೆ ಬಂದಿರುವುದು ಮೂರೇ ಬಾರಿ. ಒಮ್ಮೆ ಒಬ್ಬರ ಮದುವೆಗೆ, ಇನ್ನೊಮ್ಮೆ 'ಬಿಗ್ ಬಾಸ್' ಆಡಿಷನ್ ಗೆ ಅಂತ ಬೆಂಗಳೂರಿಗೆ ಬಂದಿದ್ದ ಮೇಘ ಈಗ ನೇರವಾಗಿ ಇನ್ನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಇರುವ 'ದೊಡ್ಮನೆ'ಯೊಳಗೆ ಕಾಲಿಟ್ಟಿದ್ದಾರೆ.

'ಬಿಗ್ ಬಾಸ್' ಗೆದ್ದರೆ ಕಾರು ಗಿಫ್ಟ್

''ಬಿಗ್ ಬಾಸ್ ಗೆದ್ದರೆ, ಕಾರು ಕೊಡಿಸುವೆ'' ಅಂತ ಮೇಘ ರವರ ಟೀಚರ್ ಹೇಳಿದ್ದಾರಂತೆ. ಹೀಗಾಗಿ, 'ಬಿಗ್ ಬಾಸ್' ಗೆಲ್ಲಲೇಬೇಕು ಎಂಬ ಛಲ ಮೇಘ ರವರಿಗಿದೆ.

ಪ್ಲಾನ್ ಮಾಡಿಕೊಂಡು ಬಂದಿಲ್ಲ

53 ಕೆ.ಜಿ ತೂಗುವ ಮೇಘ ಯಾವುದೇ ಪ್ಲಾನ್ನಿಂಗ್ ಇಲ್ಲದೆ, ಹೀಗೆ ಇರಬೇಕು ಅಂತ ಮೈಂಡ್ ನಲ್ಲಿ ಫಿಕ್ಸ್ ಮಾಡಿಕೊಳ್ಳದೇ 'ಬಿಗ್ ಬಾಸ್' ಮನೆಗೆ ಎಂಟ್ರಿಕೊಟ್ಟಿದ್ದಾರೆ. ವಾಪಸ್ ಬರುವ ಹೊತ್ತಿಗೆ ಸುದೀಪ್ ಕೈಯಲ್ಲಿ 'ಒಳ್ಳೆ ಹುಡುಗಿ' ಅಂತ ಎನಿಸಿಕೊಳ್ಳುವ ಇಚ್ಛೆ ಮೇಘ ರವರಿಗಿದೆ.

ಮೇಘ 'ಬಿಗ್ ಬಾಸ್' ಜರ್ನಿ ಹೇಗಿರುತ್ತೋ.?

ಸಾಮಾಜಿಕ ಜಾಲತಾಣಗಳಲ್ಲಿ ಸದ್ಯ 'ಪ್ರಥಮ್ ತಂಗಿ' ಅಂತಲೇ ಮೇಘ ರವರನ್ನ ಟ್ರೋಲ್ ಮಾಡಲಾಗುತ್ತಿದೆ. ''ಪಕ್ಕಾ ಲೋಕಲ್ ನಾನು'' ಎಂದಿರುವ ಮೇಘ ರವರ 'ಬಿಗ್ ಬಾಸ್' ಜರ್ನಿ ಹೇಗಿರುತ್ತೋ, ನೋಡೋಣ.