ದೊಡ್ಮನೆಯಲ್ಲಿ ದಿಢೀರ್ ಬೆಳವಣಿಗೆ: ಇಂದೇ ಹೊರಹೋಗ್ತಾರಾ ಆಂಡಿ.?

ಬಿಗ್ ಬಾಸ್ ಮನೆಗೆ ಬಂದ ಅಂಡಿ ತಂದೆ

ಈ ವಾರ ಬಿಗ್ ಬಾಸ್ ಮನೆಗೆ ಸ್ಪರ್ಧಿಗಳ ಕುಟುಂಬಸ್ಥರು ಬರ್ತಿದ್ದಾರೆ. ಮುಂದಿನ ಸರದಿ ಆಂಡ್ರ್ಯೂ ಅವರದ್ದು. ಆಂಡಿಯನ್ನ ನೋಡಲು ಅವರ ತಂದೆ ಮನೆಯೊಳಗೆ ಬಂದಿದ್ದಾರೆ. ಮನೆಗೆ ಬಂದವರು ಮಗನ ಬಗ್ಗೆ ಪ್ರೀತಿ ವ್ಯಕ್ತಪಡಿಸುತ್ತಾರೆ ಅಂದುಕೊಂಡಿದ್ದರೇ, ಮಗನ ನಡವಳಿಕೆ ಬಗ್ಗೆ ಕೋಪಗೊಂಡಿದ್ದಾರೆ.

ಎಲ್ಲರನ್ನ ಕ್ಷಮೆ ಕೇಳಿದ ಆಂಡಿ ತಂದೆ

ಮನೆಯಲ್ಲಿದ್ದ ಇತರೆ ಸದಸ್ಯರ ಬಳಿ ಆಂಡಿ ಅವರ ತಂದೆ ಕ್ಷಮೆ ಕೇಳಿದ್ದಾರೆ. ''ನಿಮಗೆಲ್ಲಾ ಇವನು ಎಷ್ಟು ತೊಂದರೆ ಕೊಟ್ಟಿದ್ದಾನೆ. ಅದಕ್ಕೆ ನಾನು ಕ್ಷಮೆ ಕೇಳುತ್ತೇನೆ'' ಎಂದು ಬೇಸರದಿಂದ ಹೇಳಿದರು. ಇದನ್ನ ಕಂಡು ಮನೆಯಲ್ಲಿದ್ದ ಸದಸ್ಯರು ಒಂದು ಕ್ಷಣ ಆಶ್ಚರ್ಯಕ್ಕೆ ಒಳಗಾದರು.

ಮನೆಗೆ ಕರೆದುಕೊಂಡು ಹೋಗ್ತೀನಿ

ಮನೆಯಲ್ಲಿ ಎಲ್ಲರಿಗೂ ತೊಂದರೆ ಕೊಟ್ಟಿದ್ದಾನೆ, ಸರಿಯಾಗಿ ಆಟವಾಡುತ್ತಿಲ್ಲ ಎಂಬ ಕಾರಣಕ್ಕೆ ಆಂಡಿ ಅವರ ತಂದೆ, ತಮ್ಮ ಮಗನನ್ನು ಮನೆಯಿಂದ ಕರೆದುಕೊಂಡು ಹೋಗುವುದಾಗಿ ಬಿಗ್ ಬಾಸ್ ಗೆ ಮನವಿ ಮಾಡಿಕೊಂಡಿದ್ದಾರೆ.

ನಾನು ಕಷ್ಟ ಪಟ್ಟು ಆಡಿದ್ದೀನಿ

ನೀನು ಇಲ್ಲಿ ಬೇಡ, ನಾನು ಮನೆಗೆ ಕರೆದುಕೊಂಡು ಹೋಗ್ತೀನಿ ಎಂದು ಆಂಡಿ ಅವರ ತಂದೆ ಬಿಗ್ ಬಾಸ್ ಬಳಿ ಮನವಿ ಮಾಡಿಕೊಂಡಿದ್ದಾರೆ. ಮಧ್ಯ ಪ್ರವೇಶ ಮಾಡಿದ ಅಂಡಿ ''ಅಪ್ಪ ನಾನು ಕಷ್ಟಪಟ್ಟು ಆಡಿದ್ದೀನಿ'' ಎಂದು ಕೇಳಿಕೊಂಡಿದ್ದಾರೆ. ಆದ್ರೆ, ಅವರ ತಂದೆ ಆಂಡಿಯ ಮಾತಿಗೆ ಬೆಲೆ ನೀಡಿಲ್ಲ. ''ಸುಮ್ಮನಿರು, ನೀನು ಎಲ್ಲರ ಬಳಿ ಪ್ರೀತಿ ಸಂಪಾದನೆ ಮಾಡ್ಬೇಕು'' ಎಂದು ಹೇಳಿದ್ದಾರೆ.

ಬಿಗ್ ಬಾಸ್ ದ್ವಾರದ ಬಳಿ ಆಂಡಿ.?

ಸದ್ಯ, ಆಂಡಿಯ ತಂದೆ ಬಿಗ್ ಮನೆಗೆ ಬಂದು ಮಗನನ್ನು ಕರೆದುಕೊಂಡು ಹೋಗಲು ನಿರ್ಧರಿಸಿದ್ದಾರೆ. ಮಗನನ್ನು ಕರೆದುಕೊಂಡು ಹೋಗಿ ಬಿಗ್ ಬಾಸ್ ದ್ವಾರದ ಬಳಿ ನಿಂತಿರುವ ಪ್ರೋಮೋ ಬಿಡುಗಡೆಯಾಗಿದೆ. ನಿಜಕ್ಕೂ ಆಂಡಿಯನ್ನ ಅವರ ತಂದೆ ಬಿಗ ಮನೆಯಿಂದ ವಾಪಸ್ ಕರೆದುಕೊಂಡು ಹೋಗ್ತಾರಾ ಅಥವಾ ಒಂದು ಎಚ್ಚರಿಕೆ ನೀಡಿ ಅಲ್ಲೇ ಬಿಟ್ಟು ಹೋಗ್ತಾರಾ ಎಂಬುದು ಈಗ ಕುತೂಹಲ ಮೂಡಿಸಿದೆ.