ಬ್ರೇಕಪ್ ವಿಚಾರವನ್ನ ಕ್ಯಾಮರಾ ಮುಂದೆ ಹೇಳಿದ ಅನುಪಮಾಗೆ ಜಗನ್ ಕ್ಲಾಸ್.!

ಅನುಪಮಾಗೆ ಜಗನ್ ಕ್ಲಾಸ್

''ಮಾತುಕತೆ ಮಾಡುವಾಗ, ಏನೋ ಒಂದು ಮಾತನಾಡಿದ್ದೀಯಾ... ಇಲ್ಲಿ ಮಾತನಾಡುವಾಗ ನನಗೆ ಕೇಳಿಸ್ತು. ಹೊರಗಡೆ ಏನು ಮಾತನಾಡಿದ್ದೀಯೋ, ಯಾರ ಹತ್ತಿರ ಏನು ಮಾತನಾಡಿದ್ದೀಯೋ, ನನಗೆ ಗೊತ್ತಿಲ್ಲ'' ಎಂದು ಜಗನ್ ಹೇಳುತ್ತಿದ್ದಂತೆಯೇ, ''ನಾನು ಯಾರ ಹತ್ತಿರವೂ, ಏನನ್ನೂ ಮಾತನಾಡಿಲ್ಲ'' ಎಂದು ಅನುಪಮಾ ವಾದ ಮಾಡಿದರು.

ಕ್ಯಾಮರಾ ಮೇಲೆ ಗಮನ

''ನೀನು ಒಂದನ್ನ ಅರ್ಥ ಮಾಡಿಕೊಳ್ಳಬೇಕು. ನೀನು ಕ್ಯಾಮರಾ ಮುಂದೆ ಇದ್ದೀಯಾ. ಇಡೀ ಕರ್ನಾಟಕ ನಿನ್ನನ್ನ ನೋಡ್ತಿದೆ. ಏನೇ ಮಾತನಾಡುವ ಮುನ್ನ ಯೋಚನೆ ಮಾಡಿ ಮಾತಾಡು. ಸುಮ್ಮನೆ ಮಾತನಾಡಿದರೆ, ಅದು ಎಲ್ಲೆಲ್ಲಿ ಲೀಡ್ ಆಗುತ್ತೋ ಗೊತ್ತಿಲ್ಲ. ನಾನು-ನೀನು ಮಾತನಾಡಿದಾಗ ತೊಂದರೆ ಆಗಲ್ಲ. ಈ ತರಹ ಮಾಡಿದಾಗ ತೊಂದರೆ ಆಗುತ್ತದೆ'' ಎಂದು ಅನುಪಮಾಗೆ ಜಗನ್ ಬುದ್ಧಿ ಮಾತು ಹೇಳಿದರು.

ಮಾತಾಡುವ ರೈಟ್ಸ್ ಇದೆ

''ನನಗೆ ಅರ್ಧಂಬರ್ಧ ಕೇಳಿಸಿದ್ದಕ್ಕೆ ಓಕೆ. ನನಗೆ ಗೊತ್ತಾಗದೆ ಇದ್ದಿದ್ರೆ...? ನನ್ನ ಬಗ್ಗೆ ಮಾತನಾಡು. ರೈಟ್ಸ್ ಇದೆ'' ಅಂತ ಜಗನ್ ಹೇಳುತ್ತಿದ್ದಂತೆಯೇ, ''ಅದನ್ನೇ ಇಪ್ಪತ್ತು ಬಾರಿ ಮಾತನಾಡಬೇಡ. ಆಗ್ಲಿಂದ ರೈಟ್ಸ್ ಬಗ್ಗೆ ಮಾತನಾಡುತ್ತಿದ್ದೀಯಾ'' ಎಂದು ಅನುಪಮಾ ಸ್ವಲ್ಪ ರಾಂಗ್ ಆದರು.

ಮತ್ತೆ ಜಗಳ

''ಅರ್ಥ ಮಾಡಿಸಲು ಟ್ರೈ ಮಾಡಿದೆ. ಓವರ್ ಆಗಿ ಆಡಿದರೆ, ಮಾತನಾಡಿಸುವುದನ್ನೇ ಬಿಟ್ಟುಬಿಡುತ್ತೇನೆ'' ಎಂದು ಜಗನ್ ಸಿಟ್ಟಾದರು.

ಕ್ಷಮೆ ಕೇಳಿದ ಅನುಪಮಾ

ಒಂದು ರೌಂಡ್ ಕಿತ್ತಾಟ ಆದ್ಮೇಲೆ, ತಿಂಡಿಯನ್ನು ತಿನಿಸುವ ಮೂಲಕ ಜಗನ್ ಗೆ ಅನುಪಮಾ ಕ್ಷಮೆ ಕೇಳಿದರು.