ಈ ವಾರ 'ಬಿಗ್ ಬಾಸ್' ಮನೆಯ ಅರ್ಧದಷ್ಟು ಸದಸ್ಯರು ನಾಮಿನೇಟ್.!

ದಿವಾಕರ್ ಮತ್ತೆ ಟಾರ್ಗೆಟ್.!

ಕಳೆದ ಬಾರಿ ಅತಿ ಹೆಚ್ಚು ವೋಟ್ ಪಡೆದು ನಾಮಿನೇಟ್ ಆಗಿದ್ದ ದಿವಾಕರ್ ಎರಡನೇ ವಾರವೂ ಅತಿ ಹೆಚ್ಚು ವೋಟ್ ಪಡೆದು ನಾಮಿನೇಟ್ ಆಗಿದ್ದಾರೆ. ಅನುಪಮಾ, ತೇಜಸ್ವಿನಿ, ಕೃಷಿ, ಜೆಕೆ, ನಿವೇದಿತಾ ಗೌಡ ಹಾಗೂ ಸಿಹಿ ಕಹಿ ಚಂದ್ರು ಅವರು ಕಳೆದ ವಾರ ಎಲಿಮಿನೇಟ್ ಆದ ಸುಮಾ ಅವರು ನೀಡಿರುವ ಸೂಪರ್ ಅಧಿಕಾರ ಬಳಸಿ 2 ಮತ ಚಲಾಯಿಸಿದ್ದಾರೆ.

ಮೇಘಗೂ ಕಷ್ಟ ತಪ್ಪಿದ್ದಲ್ಲ.!

ಕಳೆದ ವಾರ ನಾಮಿನೇಟ್ ಆಗಿದ್ದ ಕೊಡಗಿನ ಕುವರಿ ಮೇಘಗೆ ಈ ವಾರವೂ ಸಂಕಷ್ಟ ಎದುರಾಗಿದೆ. ಒಟ್ಟು 5 ಮತಗಳನ್ನ ಪಡೆಯುವುದರ ಮೂಲಕ ಬಿಗ್ ಮನೆಯಿಂದ ಹೊರಹೋಗಲು ನಾಮಿನೇಟ್ ಆಗಿದ್ದಾರೆ. ಜಗನ್, ತೇಜಸ್ವಿನಿ, ದಯಾಳ್, ಕೃಷಿ, ಸಿಹಿ ಕಹಿ ಚಂದ್ರು ಅವರು ಮೇಘ ರನ್ನ ನಾಮಿನೇಟ್ ಮಾಡಿದ್ದಾರೆ.

ಸಮೀರಾಚಾರ್ಯ

ಮೊದಲ ವಾರ ಸೇಫ್ ಝೂನ್ ನಲ್ಲಿದ್ದ ಸಮೀರಾಚಾರ್ಯ ಅವರು ಎರಡನೇ ವಾರ ನಾಮಿನೇಟ್ ಆಗಿದ್ದಾರೆ. ಆಶಿತಾ, ದಯಾಳ್, ಜೆಕೆ, ನಿವೇದಿತಾ ಗೌಡ ಅವರು ಸಮೀರಾಚಾರ್ಯ ವಿರುದ್ಧ ವೋಟ್ ಮಾಡಿದ್ದಾರೆ.

ಕೃಷಿ ತಾಪಂಡಗೆ 3 ವೋಟ್

ನಟಿ ಕೃಷಿ ತಾಪಂಡರನ್ನ ಚಂದನ್ ಶೆಟ್ಟಿ, ದಿವಾಕರ್, ರಿಯಾಜ್ ಅವರು ನಾಮಿನೇಟ್ ಮಾಡಿದ್ದಾರೆ.

ಜಗನ್ ಮಿಸ್ ಆಗಲಿಲ್ಲ

ಇನ್ನು ಕಳೆದ ವಾರ 4 ವೋಟ್ ಪಡೆದುಕೊಂಡಿದ್ದ ಜಗನ್ ಈ ವಾರ 2 ಪಡೆದು ನಾಮಿನೇಟ್ ಆಗಿದ್ದಾರೆ. ದಿವಾಕರ್ ಮತ್ತು ಜಯಶ್ರೀನಿವಾಸನ್ ಅವರು ಜಗನ್ ರನ್ನ ನಾಮಿನೇಟ್ ಮಾಡಿದ್ದಾರೆ.

ಡೈರೆಕ್ಟರ್ ದಯಾಳ್

ಕಳೆದ ವಾರ ಸೇಫ್ ಝೂನ್ ನಲ್ಲಿದ್ದ ನಿರ್ದೇಶಕ ದಯಾಳ್ ಪದ್ಮನಾಭನ್ ಅವರು ಮೇಘ ಮತ್ತು ರಿಯಾಜ್ ಮಾಡಿದ ವೋಟ್ ನಿಂದ ನಾಮಿನೇಟ್ ಆಗಿದ್ದಾರೆ.

ರಿಯಾಜ್ ಗೆ ವೋಟ್ ಮಾಡಿದವರು

ಕಾಮನ್ ಮ್ಯಾನ್ ಪಟ್ಟಿಯಲ್ಲಿ ಸ್ಪರ್ಧಿಯಾಗಿರುವ ರಿಯಾಜ್ ಗೆ ಜಗನ್ ಮತ್ತು ಆಶಿತಾ ನಾಮಿನೇಟ್ ಮಾಡಿದ್ದಾರೆ.

ಕೊನೆಯದಾಗಿ ಆಶಿತಾ

ಸೈಲೆಂಟ್ ಆಗಿರುವ ಆಶಿತಾ ಅವರ ವಿರುದ್ಧ ಸಮೀರಾಚಾರ್ಯ ಮತ್ತು ಜಯಶ್ರೀನಿವಾಸನ್ ಅವರು ವೋಟ್ ಮಾಡಿದ್ದಾರೆ.

8 ಜನರಲ್ಲಿ ಯಾರು ಎಲಿಮಿನೇಟ್?

ಒಟ್ಟು ಈ ವಾರ 8 ಜನರು ನಾಮಿನೇಟ್ ಆಗಿದ್ದಾರೆ. 4 ಜನ ಸೆಲೆಬ್ರಿಟಿಗಳು ಮತ್ತು 4 ಜನಸಾಮಾನ್ಯರು ಬಿಗ್ ಮನೆಯಿಂದ ಹೊರಹೋಗಲು ಟಾರ್ಗೆಟ್ ಆಗಿದ್ದಾರೆ. ಈ ಎಂಟು ಜನರ ಪೈಕಿ ಯಾರು 'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಉಳಿಯಬೇಕು..? ಕೆಳಗಿರುವ ಕಾಮೆಂಟ್ ಬಾಕ್ಸ್ ನಲ್ಲಿ ಕಾಮೆಂಟ್ ಮಾಡಿ.