ನಿಯಮಗಳನ್ನ ಗಾಳಿಗೆ ತೂರುತ್ತಿರುವ ಸ್ಪರ್ಧಿಗಳಿಗೆ ಖಡಕ್ ವಾರ್ನಿಂಗ್ ಕೊಟ್ಟ 'ಬಿಗ್ ಬಾಸ್'!

'ಬಿಗ್ ಬಾಸ್' ಮನೆಯೊಳಗೆ ಟ್ರಾಫಿಕ್ ಸಿಗ್ನಲ್

ಮನೆಯ ಮುಖ್ಯ ನಿಯಮಗಳನ್ನು ಎಲ್ಲರೂ ಪದೇ ಪದೇ ಉಲ್ಲಂಘಿಸುತ್ತಿರುವುದರಿಂದ, ನಿಯಮ ಪಾಲನೆ ಬಗ್ಗೆ ಜವಾಬ್ದಾರಿ ಮೂಡಿಸಲು 'ಬಿಗ್ ಬಾಸ್' ಮನೆಯ ಲಿವಿಂಗ್ ಏರಿಯಾದಲ್ಲಿ ಟ್ರಾಫಿಕ್ ಸಿಗ್ನಲ್ ಇರಿಸಲಾಗಿದೆ.

ನಿಯಮ ಮೀರಿದಾಗ...

ಪ್ರತಿ ಬಾರಿ ಮನೆಯಲ್ಲಿ ಮುಖ್ಯ ನಿಯಮ ಮೀರಿದಾಗ, ಸೈರನ್ ಬಾರಿಸಲಿದೆ ಹಾಗೂ ಟ್ರಾಫಿಕ್ ಸಿಗ್ನಲ್ ನ ಒಂದು ದೀಪ ಬೆಳಗಲಿದೆ.

ಒಂದೊಂದು ನಿಯಮಕ್ಕೆ ಒಂದೊಂದು ದೀಪ

ಮನೆಯ ಯಾವುದೇ ಸದಸ್ಯ ನಿದ್ದೆ ಮಾಡುತ್ತಿದ್ದರೆ ಕೆಂಪು ಬಣ್ಣದ ದೀಪ ಬೆಳಗಲಿದೆ. ಕನ್ನಡದಲ್ಲಿ ಮಾತನಾಡದಿದ್ದರೆ ಕಿತ್ತಲೆ ಬಣ್ಣದ ದೀಪ ಬೆಳಗಲಿದೆ. ಮೈಕ್ ನ ಸರಿಯಾಗಿ ಧರಿಸದಿದ್ದರೆ, ಹಸಿರು ಬಣ್ಣದ ದೀಪ ಬೆಳಗಲಿದೆ.

ಶಿಕ್ಷೆ ಗ್ಯಾರೆಂಟಿ

ದಿನಕ್ಕೆ ಐದಕ್ಕಿಂತ ಹೆಚ್ಚು ಬಾರಿ ದೀಪ ಬೆಳಗಿದರೆ, 'ಬಿಗ್ ಬಾಸ್' ಕೊಡುವ ಕಠಿಣ ಶಿಕ್ಷೆಯನ್ನ ಎಲ್ಲರೂ ಎದುರಿಸಬೇಕು.

ಇದೇ ಮೊದಲು

ಬಿಗ್ ಬಾಸ್ ಕನ್ನಡದ ಐದು ಆವೃತ್ತಿಗಳಲ್ಲಿ, ಮನೆಯ ಮುಖ್ಯ ನಿಯಮಗಳ ಉಲ್ಲಂಘನೆ ಈ ಮಟ್ಟಕ್ಕೆ ಆಗುತ್ತಿರುವುದು ಇದೇ ಮೊದಲು. ಹೀಗಾಗಿ, ಇದೇ ಮೊದಲ ಬಾರಿಗೆ 'ಟ್ರಾಫಿಕ್ ಸಿಗ್ನಲ್' ಸಿಸ್ಟಮ್ ಪರಿಚಯಿಸಿದ್ದಾರೆ 'ಬಿಗ್ ಬಾಸ್'.