'ಬಿಗ್ ಬಾಸ್ ಕನ್ನಡ-5': ನಾಲ್ಕನೇ ವಾರ ಹೊರಬೀಳೋರು ಯಾರು.?

ಈ ನಾಲ್ವರನ್ನ ಮುಟ್ಟುವ ಹಾಗಿರಲಿಲ್ಲ.!

ಕಳೆದ ವಾರದ ಲಕ್ಷುರಿ ಬಜೆಟ್ ಟಾಸ್ಕ್ ನಲ್ಲಿ ಗೆದ್ದ ಆಶಿತಾ ಚಂದ್ರಪ್ಪ, ದಿವಾಕರ್, ಕೃಷಿ ತಾಪಂಡ ಹಾಗೂ ಶ್ರುತಿ ಪ್ರಕಾಶ್ ಈ ವಾರಕ್ಕೆ ಇಮ್ಯೂನಿಟಿ ಪಡೆದಿದ್ದರು. ಹೀಗಾಗಿ, ಈ ನಾಲ್ವರನ್ನ ಯಾರೂ ನಾಮಿನೇಟ್ ಮಾಡುವ ಹಾಗಿರಲಿಲ್ಲ.

ಅನುಪಮಾ, ಶ್ರುತಿ, ಸಮೀರಾಚಾರ್ಯ: ಮೂವರಲ್ಲಿ ಉತ್ತಮ ಯಾರು.? ಕಳಪೆ ಯಾರು.?

ಕ್ಯಾಪ್ಟನ್ ರಿಯಾಝ್

ನಾಲ್ಕನೇ ವಾರದ ಕ್ಯಾಪ್ಟನ್ ಆಗಿ ರಿಯಾಝ್ ಆಯ್ಕೆ ಆದರು. ಹೀಗಾಗಿ, ರಿಯಾಝ್ ಕೂಡ ಸೇಫ್ ಝೋನ್ ನಲ್ಲಿ ಇದ್ದರು.

ಹಾಲಿಗಾಗಿ ಕೋಲಾಹಲ: ಹಾಲು ಮುಚ್ಚಿಟ್ಟ ಮಹಾನುಭಾವರಿಗೆ ಸುದೀಪ್ ಚಾಟಿಯೇಟು.!

ಡೇಂಜರ್ ಝೋನ್ ನಲ್ಲಿ ಸಮೀರಾಚಾರ್ಯ

ಅನುಪಮಾ ಗೌಡ, ಆಶಿತಾ, ಸಿಹಿ ಕಹಿ ಚಂದ್ರು, ಕೃಷಿ ತಾಪಂಡ, ತೇಜಸ್ವಿನಿ ಹಾಗೂ ಶ್ರುತಿ ಪ್ರಕಾಶ್ ಮತ ಚಲಾಯಿಸಿದ್ದರಿಂದ ಸಮೀರಾಚಾರ್ಯ ಈ ವಾರ ಡೇಂಜರ್ ಝೋನ್ ನಲ್ಲಿ ಇದ್ದಾರೆ.

''ಹಾಲು ಕುಡಿದ ಮಕ್ಳೇ ಬದುಕಲ್ಲ, ಇನ್ನೂ ಹಾಲು ಕದ್ದವು ಬದುಕ್ತಾವಾ.?!''

ಜಯಶ್ರೀನಿವಾಸನ್ ಮಿಸ್ ಆಗಲಿಲ್ಲ

ಜೆಕೆ, ಆಶಿತಾ, ಜಗನ್, ಕೃಷಿ ತಾಪಂಡ ಮತ್ತು ತೇಜಸ್ವಿನಿ... ಜಯಶ್ರೀನಿವಾಸನ್ ರವರನ್ನ ನಾಮಿನೇಟ್ ಮಾಡಿದರು.

ಟಾರ್ಗೆಟ್ ಆದ ನಿವೇದಿತಾ ಗೌಡ

ಮನೆಯಲ್ಲಿ ಯಾವ ಕೆಲಸವನ್ನೂ ಮಾಡದ ಕಾರಣ ಈ ವಾರ ನಿವೇದಿತಾ ಗೌಡ ನಾಮಿನೇಟ್ ಆಗಿದ್ದಾರೆ. ಜೆಕೆ, ಜಗನ್, ಸಿಹಿ ಕಹಿ ಚಂದ್ರು ಹಾಗೂ ಶ್ರುತಿ ಪ್ರಕಾಶ್... ನಿವೇದಿತಾ ಗೌಡ ವಿರುದ್ಧ ವೋಟ್ ಮಾಡಿದರು.

ನಾಮಿನೇಟ್ ಆದ ಜಗನ್ನಾಥ್

ಇದ್ದಕ್ಕಿದ್ದಂತೆ ಉಗ್ರ ಪ್ರತಾಪ ತೋರುವ ಜಗನ್ನಾಥ್ ಈ ವಾರ ನಾಮಿನೇಟ್ ಆಗಿದ್ದಾರೆ. ಅದು ಜಯಶ್ರೀನಿವಾಸನ್, ನಿವೇದಿತಾ ಹಾಗೂ ದಿವಾಕರ್ ವೋಟ್ ಮಾಡಿದ್ರಿಂದಾಗಿ.!

ಮೊದಲ ಬಾರಿ ನಾಮಿನೇಟ್ ಆದ ತೇಜಸ್ವಿನಿ

ನಾಲ್ಕು ವಾರಗಳಲ್ಲಿ ಇದೇ ಮೊದಲ ಬಾರಿಗೆ ತೇಜಸ್ವಿನಿ ನಾಮಿನೇಟ್ ಆಗಿದ್ದಾರೆ. ಸಮೀರಾಚಾರ್ಯ ಹಾಗೂ ದಿವಾಕರ್, ತೇಜಸ್ವಿನಿ ರನ್ನ ಮನೆಯಿಂದ ಹೊರಗೆ ಕಳುಹಿಸಲು ಇಚ್ಛಿಸಿದರು.

ಹೊರಗೆ ಹೋಗ್ತಾರಾ ಸಿಹಿ ಕಹಿ ಚಂದ್ರು?

ಸಿಹಿ ಕಹಿ ಚಂದ್ರು ವಿರುದ್ಧ ಸಮೀರಾಚಾರ್ಯ, ಜಯಶ್ರೀನಿವಾಸನ್ ಹಾಗೂ ಚಂದನ್ ಶೆಟ್ಟಿ ಮತ ಚಲಾಯಿಸಿದರು.

ಮತ್ತೆ ನಾಮಿನೇಟ್ ಆದ ಅನುಪಮಾ ಗೌಡ

ಅನುಪಮಾ ಗೌಡ ವಿರುದ್ಧ ವೋಟ್ ಮಾಡಿದ್ದು ಇಬ್ಬರೇ (ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ). ಆದರೂ ಅನುಪಮಾ ಡೇಂಜರ್ ಝೋನ್ ನಲ್ಲಿ ಇದ್ದಾರೆ.

ನೇರವಾಗಿ ನಾಮಿನೇಟ್ ಆದ ಜೆಕೆ

ಜೆಕೆ ಹೆಸರನ್ನ ಕ್ಯಾಪ್ಟನ್ ರಿಯಾಝ್ ಹೇಳಿದ್ದರಿಂದ, ಜೆಕೆ ಕೂಡ ಈ ವಾರ ನೇರವಾಗಿ ನಾಮಿನೇಟ್ ಆಗಿದ್ದಾರೆ.

ಹೊರ ಹೋಗೋದು ಯಾರು.?

ಸಮೀರಾಚಾರ್ಯ, ಜಯಶ್ರೀನಿವಾಸನ್, ನಿವೇದಿತಾ ಗೌಡ, ಜಗನ್ನಾಥ್, ಸಿಹಿ ಕಹಿ ಚಂದ್ರು, ತೇಜಸ್ವಿನಿ, ಅನುಪಮಾ ಗೌಡ... ಈ ಎಂಟು ಜನರ ಪೈಕಿ ಈ ವಾರ 'ಬಿಗ್ ಬಾಸ್' ಮನೆಯಿಂದ ಯಾರು ಹೊರ ಹೋಗಬೇಕು.? ನಿಮ್ಮ ಅಭಿಪ್ರಾಯವನ್ನ ನಮಗೆ ತಿಳಿಸಿ, ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.