ರಾಕೇಶ್-ಅಕ್ಷತಾ ಟಾರ್ಗೆಟ್ ಆಗಲು ಕಾರಣ ಆಂಡ್ರ್ಯೂ ಅಂತೆ.!

ಆಂಡ್ರ್ಯೂ ವಿರುದ್ಧ ರಾಕೇಶ್ ಆರೋಪ.!

''ಟಾಸ್ಕ್ ನಲ್ಲಿ ಪೂರ್ತಿ 'ಗಂಡ-ಹೆಂಡತಿ' ಬಗ್ಗೆ ಮಾತು ಬಂತು. ನೀನು (ಆಂಡ್ರ್ಯೂ) ಹಾಗೆ ಮಾತನಾಡಿದ್ದಕ್ಕೆ, ಬೇರೆಯವರು ಅದನ್ನ ಟಾಸ್ಕ್ ನಲ್ಲಿ ಬಳಸಿಕೊಂಡರು. ಅಕ್ಷತಾ ಬಿಟ್ಟರೆ ನಾನು ಜಾಸ್ತಿ ಕಾಲ ಕಳೆಯುವುದು ನಿನ್ನ ಜೊತೆಗೆ. ನೀನೇ ಈ ತರಹ ಮಾತನಾಡಿದ್ದಕ್ಕೆ ನನಗೆ ಬೇಸರ ಆಯ್ತು'' ಎಂದು ಆಂಡ್ರ್ಯೂಗೆ ಹೇಳಿದರು ರಾಕೇಶ್.

ಪ್ರಶ್ನೆ ಮಾಡಿದ ಆಂಡ್ರ್ಯೂ

''ಬಿಗ್ ಬಾಸ್' ಮನೆಯಿಂದ ಹೊರಗೆ ಹೋದ ಮೇಲೆಯೂ ಅಕ್ಷತಾ ಜೊತೆಗೆ ಆತ್ಮೀಯವಾಗಿ ಇರುತ್ತೀಯಾ'' ಅಂತ ಆಂಡ್ರ್ಯೂ ಪ್ರಶ್ನೆ ಮಾಡಿದಾಗ, ''ಹೊರಗೆ ಹೋದ ಮೇಲೆ ಅವರ ಜೀವನ, ಅವರ ಇಷ್ಟ. ಇಲ್ಲಿ ನಾವು ಸ್ನೇಹಿತರಾಗಿ ಒಬ್ಬರನ್ನೊಬ್ಬರು ಸಪೋರ್ಟ್ ಮಾಡುತ್ತಿದ್ದೇವೆ ಅಷ್ಟೇ'' ಎಂದು ಉತ್ತರಿಸಿದರು ರಾಕೇಶ್.

ಎಲ್ಲರೂ ಟಾರ್ಗೆಟ್ ಮಾಡಲು ಕಾರಣ.?

'ಕಾಲ್ ಸೆಂಟರ್' ಟಾಸ್ಕ್ ನಲ್ಲಿ ಮೊದಲ ದಿನ ಗ್ರಾಹಕರಾಗಿದ್ದ ರಾಕೇಶ್... ಗ್ರಾಹಕ ಸೇವಾ ಪ್ರತಿನಿಧಿಯ ಸ್ಥಾನದಲ್ಲಿ ಕುಳಿತಿದ್ದ ಜಯಶ್ರೀ, ಸೋನು ಪಾಟೀಲ್ ಮತ್ತು ಧನರಾಜ್ ಗೆ ಬೇಡದ ಪ್ರಶ್ನೆಗಳನ್ನು ಕೇಳಿ ಬೆಂಡೆತ್ತಿದ್ದರು. ''ತಮ್ಮ ಹೆಂಡತಿಯನ್ನು ಧನರಾಜ್ ಬೇರೆಯವರಲ್ಲಿ ಕಾಣುತ್ತಿದ್ದಾರೆ'' ಅಂತ ರಾಕೇಶ್ ದೂರಿದ್ದರು. ಇದರಿಂದ ಸಿಟ್ಟಿಗೆದ್ದ ಧನರಾಜ್, ರಾಕೇಶ್ ಗ್ರಾಹಕ ಸೇವಾ ಪ್ರತಿನಿಧಿಯಾಗಿ ಕುಳಿತಾಗ ರಾಕೇಶ್-ಅಕ್ಷತಾ ನಡುವಿನ ಸಂಬಂಧದ ಬಗ್ಗೆ ಪ್ರಶ್ನಿಸಿದರು.

ಕೆಟ್ಟ ಹೆಸರು ಬರುತ್ತಿದೆ ಎಂದು ಕಣ್ಣೀರಿಟ್ಟ ಅಕ್ಷತಾ

''ನನಗೆ ಕೆಟ್ಟ ಹೆಸರು ಬರುತ್ತಿದೆ'' ಎಂದು ಅಕ್ಷತಾ ಕಣ್ಣೀರಿಟ್ಟಾಗ, ''ಹೆಸರು ಹಾಳಾಗುತ್ತಿದೆ ಅಂತ ಹೇಗೆ ಗೊತ್ತು.? ಎಂದು ರಾಕೇಶ್ ವಾದ ಮಾಡಿ ಸಮಾಧಾನ ಪಡಿಸಿದರು.