ರೀಲ್ ಅಲ್ಲ ರಿಯಲ್: ಮೈಸೂರಲ್ಲಿ 2 ತಿಂಗಳು ಆಟೋ ಓಡಿಸಿದ್ದ ನವೀನ್ ಸಜ್ಜು.!

'ಬಿಗ್ ಬಾಸ್' ಮನೆಯಲ್ಲೂ 'ಆಟೋ ರಾಜ' ಆಗಿದ್ದ ನವೀನ್

'ಬಿಗ್ ಬಾಸ್ ಸಿಟಿ' ಎಂಬ ಲಕ್ಷುರಿ ಬಜೆಟ್ ಟಾಸ್ಕ್ ನ ಕಳೆದ ವಾರ ನೀಡಲಾಗಿತ್ತು. ಇದರಲ್ಲಿ ಆಟೋ ಚಾಲಕನ ಪಾತ್ರವನ್ನ ನವೀನ್ ಸಜ್ಜು ನಿಭಾಯಿಸಿದ್ದರು. ಆಗಲೇ ತಮ್ಮ ಹಳೇ ನೆನಪುಗಳಿಗೆ ನವೀನ್ ಜಾರಿದರು.

ಎರಡು ತಿಂಗಳು ಆಟೋ ಓಡಿಸಿದ್ದ ನವೀನ್

''ದಿನ ಬಾಡಿಗೆ ಓಡಿಸಿದರೆ, ಗಾಡಿ ಓನರ್ ಗೆ 90 ರೂಪಾಯಿ ಕೊಡುತ್ತಿದ್ದೆ. ನೂರು ರೂಪಾಯಿಗೆ ಗ್ಯಾಸ್ ಹಾಕಿ ಓಡಿಸುತ್ತಿದ್ದೆ. ಇನ್ನೂರು ರೂಪಾಯಿ ದುಡಿಯಬಹುದಿತ್ತು. ವರ್ಕೌಟ್ ಆಗ್ತಿರಲಿಲ್ಲ. ಆಮೇಲೆ, ಸಾಕಾಗಿ ಎಕ್ಸ್ ಟ್ರಾ ಡ್ಯೂಟಿ ಮಾಡಲು ಶುರು ಮಾಡಿದೆ'' ಎಂದು ನವೀನ್ ಸಜ್ಜು ಹೇಳಿಕೊಂಡಿದ್ದಾರೆ.

ಸುದೀಪ್ ಮುಂದೆ ನವೀನ್ ಹೇಳಿದ್ದು ಹೀಗೆ..

''ಮೈಸೂರಿನಲ್ಲಿ ಎರಡು ತಿಂಗಳು ಆಟೋ ಓಡಿಸಿದ್ದೆ. ಜೇಬಿನಲ್ಲಿ ದುಡ್ಡು ಇದ್ದರೂ, ಹತ್ತು ರೂಪಾಯಿ ಕೊಡುವುದಕ್ಕೂ ಜನ ಹಿಂದು-ಮುಂದು ನೋಡುತ್ತಾರೆ. ದೊಡ್ಡ ದೊಡ್ಡ ಅಂಗಡಿಗಳಿಗೆ ಹೋದರೆ, ಕೇಳಿದಷ್ಟು ದುಡ್ಡು ಕೊಡುತ್ತಾರೆ. ಆದ್ರೆ, ಆಟೋ ಓಡಿಸುವವರಿಗೆ ಕೊಡಲ್ಲ'' ಅಂತ ಬೇಸರ ಮಾಡಿಕೊಂಡರು ನವೀನ್ ಸಜ್ಜು.

ಜನ'ಪ್ರಿಯ' ಸ್ಪರ್ಧಿ

ಕಷ್ಟದಿಂದ ಬೆಳೆದು ಬಂದಿರುವ ನವೀನ್ ಸಜ್ಜು 'ಬಿಗ್ ಬಾಸ್' ಮನೆಯಲ್ಲಿ ಯಾವುದೇ ಜಗಳ, ವಿವಾದಕ್ಕೆ ಸಿಲುಕದೆ ಸೇಫ್ ಆಗಿ ಆಟ ಆಡುತ್ತಿದ್ದಾರೆ. ನವೀನ್ ಸಜ್ಜು ಮುಖದಲ್ಲಿ ಗೆಲುವಿನ ನಗೆ ತರಿಸುವುದು, ಬಿಡುವುದು ವೀಕ್ಷಕರ ಕೈಯಲ್ಲಿದೆ.