ಮೇಘಶ್ರೀ ಮೂತಿಗೆ ಬೆರಣಿ ತಟ್ಟಿದ 'ಬಿಗ್ ಬಾಸ್' ಸ್ಪರ್ಧಿಗಳು.!

ವಿಶಿಷ್ಟವಾಗಿ ನಡೆದ ನಾಮಿನೇಷನ್ ಪ್ರಕ್ರಿಯೆ

ಈ ಬಾರಿಯ ನಾಮಿನೇಷನ್ ಪ್ರಕ್ರಿಯೆ ಕೊಂಚ ವಿಶಿಷ್ಟವಾಗಿತ್ತು. ಎಲ್ಲರ ಮುಂದೆ ಪ್ರತಿ ಸ್ಪರ್ಧಿಯೂ, ತಾವು ನಾಮಿನೇಟ್ ಮಾಡುವ ಇಬ್ಬರು ಸ್ಪರ್ಧಿಗಳ ಭಾವಚಿತ್ರಕ್ಕೆ ಬೆರಣಿ ತಟ್ಟಬೇಕಿತ್ತು.

ಮೇಘಶ್ರೀಗೆ ಅತಿ ಹೆಚ್ಚು ವೋಟ್ಸ್

ಒಂದಲ್ಲಾ ಒಂದು ಕಾರಣ ನೀಡಿ ಕವಿತಾ, ಮುರಳಿ, ಧನರಾಜ್ ಸೇರಿದಂತೆ ಒಟ್ಟು ಏಳು ಮಂದಿ ಮೇಘಶ್ರೀ ರನ್ನ ನಾಮಿನೇಟ್ ಮಾಡಿದರು. ಅತಿ ಹೆಚ್ಚು ಮತಗಳನ್ನು ಪಡೆದ ಮೇಘಶ್ರೀ ಈ ವಾರ ಡೇಂಜರ್ ಝೋನ್ ನಲ್ಲಿದ್ದಾರೆ.

ಮಿಸ್ ಆಗದ ನಿವೇದಿತಾ ಗೌಡ

'ಬಿಗ್ ಬಾಸ್' ಮನೆಗೆ ನಿವೇದಿತಾ ಗೌಡ ಅತಿಥಿಯಾಗಿ ಬಂದಿದ್ದಾರೆ. ಈ ಸತ್ಯ ತಿಳಿಯದ ಸ್ಪರ್ಧಿಗಳು ನಿವೇದಿತಾ ಗೌಡರನ್ನ ನಾಮಿನೇಟ್ ಮಾಡಿದ್ದಾರೆ.

ಟಾರ್ಗೆಟ್ ರಿಮೋಟ್ ಗ್ಯಾಂಗ್

ರಿಮೋಟ್ ಗ್ಯಾಂಗ್ ನ ಸದಸ್ಯರಾಗಿರುವ ಶಶಿ, ಧನರಾಜ್ ಮತ್ತು ಕವಿತಾ ಈ ವಾರ ನಾಮಿನೇಟ್ ಆಗಿದ್ದಾರೆ. ಕಳೆದ ವಾರ ಇದೇ ರಿಮೋಟ್ ಗ್ಯಾಂಗ್ ನಿಂದ ಜಯಶ್ರೀ ಔಟ್ ಆದರು. ಈ ವಾರ ಏನಾಗುತ್ತೋ.?

ಮಾತಿನ ಮಲ್ಲ ಆಂಡಿ

ಪದೇ ಪದೇ ರಿಮೋಟ್ ಗ್ಯಾಂಗ್ ನ ಟಾರ್ಗೆಟ್ ಮಾಡಿದ ಆಂಡಿ ನಾಮಿನೇಷನ್ ಪ್ರಕ್ರಿಯೆಯಲ್ಲಿ ಮಿಸ್ ಆಗಲಿಲ್ಲ. ರಿಮೋಟ್ ಗ್ಯಾಂಗ್ ನವರೇ ಆಂಡಿಯನ್ನ ಡೇಂಜರ್ ಝೋನ್ ಗೆ ತಳ್ಳಿದರು.

ಕ್ಯಾಪ್ಟನ್ ಗೆ ಅಧಿಕಾರ

'ಬಿಗ್ ಬಾಸ್' ಮನೆಯ ಕ್ಯಾಪ್ಟನ್ ಜೀವಿತಾಗೆ ಸಿಕ್ಕ ವಿಶೇಷ ಅಧಿಕಾರದ ಅನ್ವಯ, ರಾಕೇಶ್ ಮತ್ತು ರಶ್ಮಿ ನಾಮಿನೇಟ್ ಆದರು. ಹಾಗ್ನೋಡಿದ್ರೆ, ರಾಕೇಶ್ ಹೆಚ್ಚು ಕ್ಲೋಸ್ ಆಗಿದ್ದದ್ದು ಜೀವಿತಾ ಜೊತೆ. ಆದರೆ, ಅದೇ ಜೀವಿತಾ ಇದೀಗ ರಾಕೇಶ್ ಗೆ ಬಿಸಿ ಮುಟ್ಟಿಸಿದ್ದಾರೆ.

ಒಂದು ವೋಟ್ ನಲ್ಲಿ ಮಿಸ್ ಆದವರು..

ಮುರಳಿ ಮತ್ತು ನವೀನ್ ಮೂತಿಗೆ ನಿವೇದಿತಾ ಗೌಡ ಮಾತ್ರ ಬೆರಣಿ ತಟ್ಟಿದರು. ಬೇರೆ ಯಾರೂ ಇವರಿಬ್ಬರನ್ನು ನಾಮಿನೇಟ್ ಮಾಡಲಿಲ್ಲ. ಹೀಗಾಗಿ ಮುರಳಿ ಮತ್ತು ನವೀನ್ ಜಸ್ಟ್ ಮಿಸ್ ಆದರು.

ಏಳು ಮಂದಿ ಪೈಕಿ ನಿಮ್ಮ ಮತ ಯಾರಿಗೆ.?

ಮೇಘಶ್ರೀ, ಕವಿತಾ ಗೌಡ, ಆಂಡಿ, ಧನರಾಜ್, ಶಶಿ, ರಾಕೇಶ್ ಮತ್ತು ರಶ್ಮಿ... ಈ ಏಳು ಮಂದಿ ಪೈಕಿ ನಿಮ್ಮ ಮತ ಯಾರಿಗೆ.? ನಿವೇದಿತಾ ಗೌಡ ಅತಿಥಿಯಾಗಿ ಬಂದಿರುವ ಕಾರಣ, ಅವರಿಗೆ ನೀವು ವೋಟ್ ಮಾಡುವ ಅವಶ್ಯಕತೆ ಇಲ್ಲ. ಉಳಿದವರಲ್ಲಿ ಯಾರು ಔಟ್ ಆಗಬೇಕು.? ನಿಮ್ಮ ಅಭಿಪ್ರಾಯವನ್ನು ನಮಗೆ ತಿಳಿಸಿ.. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.