ಬಿಗ್‌ಬಾಸ್‌ನಿಂದ ಶಿಲ್ಪಾ ಶೆಟ್ಟಿ ಸಹೋದರಿ ಶಮಿತಾಗೆ ಸಿಕ್ಕ ಸಂಭಾವನೆ ಮಾಹಿತಿ ಇಲ್ಲಿದೆ

ಟಾಪ್ ಸಂಭಾವನೆ ಪಡೆಯುವ ಸ್ಪರ್ಧಿ

ಕನ್ನಡದ ರೋಬೋ ಸೊಸೆ ಖ್ಯಾತಿಯ, 'ಬಹು ಹುಮರಿ ರಜನಿ-ಕಾಂತ್' ಶೋ ಮೂಲಕ ಮನೆ ಮಾತಾಗಿರುವ ನಟಿ ರಿಧಿಮಾ ಪಂಡಿತ್ ಪ್ರತಿವಾರಕ್ಕೆ 5 ಲಕ್ಷ ಸಂಭಾವನೆ ಚಾರ್ಜ್ ಮಾಡ್ತಿದ್ದಾರೆ ಎಂದು ವರದಿಯಾಗಿದೆ. ಈ ಸೀಸನ್‌ನಲ್ಲಿ ಅತಿ ಹೆಚ್ಚು ವೇತನಕ್ಕೆ ಒಪ್ಪಂದ ಹಾಕಿರುವ ನಟಿ ರಿಧಿಮಾ. ಎರಡನೇ ಸ್ಥಾನದಲ್ಲಿ ನಟಿ ಶಮಿತಾ ಶೆಟ್ಟಿ ಇದ್ದಾರೆ. ಶಿಲ್ಪಾ ಶೆಟ್ಟಿ ಸಹೋದರಿ ಪ್ರತಿವಾರಕ್ಕೆ 3.75 ಲಕ್ಷ ಸಂಭಾವನೆ ಪಡೆಯುತ್ತಿದ್ದಾರೆ ಎನ್ನಲಾಗಿದೆ.

ಉರ್ಫಿ ಜಾವೇದ್ ಸಂಭಾವನೆ ಎಷ್ಟಿದೆ?

ಸಾಮಾಜಿಕ ಜಾಲತಾಣದ ಸೆನ್ಸೇಷನ್ ಹಾಗೂ 'ಕಸೌಟಿ ಜಿಂದಗಿ ಕೇ 2' ಮತ್ತು 'ಪಂಚ್ ಬೀಟ್ 2'ನಲ್ಲಿ ಕೆಲಸ ಮಾಡಿರುವ ಉರ್ಫಿ ಜಾವೇದ್ ವಾರಕ್ಕೆ ರೂ 2.75 ಲಕ್ಷ ಪಡೆಯುತ್ತಿದ್ದಾರೆ. ಇನ್ನು ಉರ್ಫಿ ಜಾವೇದ್ ಮಾಜಿ ಗೆಳೆಯ ಜೀಶನ್ ಖಾನ್ ವಾರಕ್ಕೆ 2.5 ಲಕ್ಷ ರೂ ಸಂಭಾವನೆಗೆ ಒಪ್ಪಂದ ಮಾಡಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ. ಜೀಶನ್ ಖಾನ್ 'ಕುಂಕುಮ್ ಭಾಗ್ಯ' ಧಾರಾವಾಹಿಯಲ್ಲಿ ನಟಿಸಿದ್ದರು.

Array

'ರಾಗಿಣಿ ಎಂಎಂಎಸ್ ರಿಟರ್ನ್ಸ್-2' ಖ್ಯಾತಿಯ ನಟಿ ದಿವ್ಯಾ ಅಗರ್ವಾಲ್ ಅದಾಗಲೇ ಬಿಗ್ ಬಾಸ್ ಮನೆಯಲ್ಲಿ ಇತರೆ ಸದಸ್ಯರೊಂದಿಗೆ ಪದೇ ಪದೇ ಜಗಳ ಮಾಡಿಕೊಳ್ಳುತ್ತಿದ್ದಾರೆ. ಅದರಲ್ಲೂ ಪ್ರತೀಕ್ ಸೆಹಜಪಾಲ್ ಜೊತೆ ದಿವ್ಯಾ ಅಗರ್ವಾಲ್ ಸ್ನೇಹವೇ ಕೂಡಿ ಬರ್ತಿಲ್ಲ. ಇನ್ನು 'ಚಾಶ್ನಿ', 'ಜಗ್ ಘೂಮೇಯಾ' ಹಾಡುಗಳಿಂದ ಗುರುತಿಸಿಕೊಂಡಿರುವ ಜನಪ್ರಿಯ ಗಾಯಕಿ ನೇಹಾ ಭಾಸಿನ್ ಸಹ ಶೋನಲ್ಲಿ ಗಮನ ಸೆಳೆಯುತ್ತಿದ್ದಾರೆ. ಇವರಿಬ್ಬರು ವಾರಕ್ಕೆ ತಲಾ 2 ಲಕ್ಷ ಸಂಭಾವನೆ ಪಡೆಯುತ್ತಿದ್ದಾರೆ.

Array

ಭೋಜ್‌ಪುರಿ ಸೆನ್ಸೇಷನ್ ಅಕ್ಷರ ಸಿಂಗ್ ಮತ್ತು ಜನಪ್ರಿಯ ಪಂಜಾಬಿ ಗಾಯಕ ಮಿಲ್ಲಿಂಡ್ ಗಬಾ ವಾರಕ್ಕೆ 1.75 ಲಕ್ಷ ರೂ ವೇತನ ಪಡೆಯಲಿದ್ದಾರೆ. ಮೂಸ್ ಜತ್ನಾ ಅಕ್ ಮಸ್ಕನ್ ಮತ್ತು 'ಯೇ ದಿಲ್ ಆಶಿಕಾ'ನ ನಟ ಕರಣ್ ನಾಥ್ ವಾರಕ್ಕೆ 1.5 ಲಕ್ಷ ಪಡೆಯುತ್ತಿದ್ದಾರೆ. ಜನಪ್ರಿಯ ನೃತ್ಯ ಸಂಯೋಜಕ ನಿಶಾಂತ್ ಭಟ್ ಮತ್ತು ಪ್ರಸಿದ್ಧ ನಟ ರಾಕೇಶ್ ಬಾಪಟ್ ವಾರಕ್ಕೆ 1.2 ಲಕ್ಷ ಪಡೆಯುತ್ತಿದ್ದಾರೆ. ಈ ಸೀಸನ್‌ನಲ್ಲಿರುವ ವಿವಾದಾತ್ಮಕ ಸ್ಪರ್ಧಿ, ಪ್ರತೀಕ್ ಸೆಹಾಜ್ಪಾಲ್ ವಾರಕ್ಕೆ 1 ಲಕ್ಷ ರೂ ಪಡೆಯುವ ಮೂಲಕ ಕಡಿಮೆ ಸಂಭಾವನೆ ಹೊಂದಿದ್ದಾರೆ.