ಎರಡನೇ ಸಲ ಮದುವೆಯಾದ ಲವ್ಲಿ ಸ್ಟಾರ್ ಪ್ರೇಮ್

ಲವ್ಲೀ ಸ್ಟಾರ್ ಪ್ರೇಮ್ ಸಕುಟುಂಬ ಸಮೇತರಾಗಿ ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ರಿಜಿಸ್ಟರ್ ಮ್ಯಾರೇಜ್ ಆಗಿದ್ದ ಪ್ರೇಮ್ ದಂಪತಿಗಳಿಗೆ ಸುವರ್ಣ ವೇದಿಕೆಯಲ್ಲಿ ಸಂಪ್ರದಾಯವಾಗಿ ಮದುವೆಯನ್ನೇ ಮಾಡಲಾಯಿತು. ಅವರ ಮಕ್ಕಳ ಸಮಕ್ಷಮದಲ್ಲಿ ಪ್ರೇಮ್, ತಮ್ಮ ಪತ್ನಿಗೆ ತಾಳಿ ಕಟ್ಟಿಸಿ ಸಪ್ತಪದಿ ಕೂಡ ತುಳಿದರು.

ಲವ್ಲಿಸ್ಟಾರ್ ಪ್ರೇಮ್ ದಂಪತಿಗೆ ವಿವಾಹ ವಾರ್ಷಿಕೋತ್ಸವದ ಸಂಭ್ರಮ

'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಮತ್ತೋರ್ವ ತೀರ್ಪುಗಾರರಾದ ಸಲ್ಮಾನ್ ಯೂಸಫ್ ಖಾನ್, ತನ್ನ ಅಪ್ಪ-ಅಮ್ಮನೊಂದಿಗೆ ಹೆಜ್ಜೆ ಹಾಕಿ ತಂದೆಯ ತ್ಯಾಗದ ಬಗ್ಗೆ ಕಣ್ಣೀರಿಟ್ಟರು.

ನಟಿ ರಾಧಿಕಾ ಕುಮಾರಸ್ವಾಮಿ ಅವರ ತಂದೆ, ತಾಯಿ, ಸಹೋದರ 'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ವೇದಿಕೆಗೆ ಆಗಮಿಸಿದ್ದರು. ಇವರ ಜೊತೆ ನಿರೂಪಕಿ ಶ್ವೇತಾ ಚೆಂಗಪ್ಪ ತಮ್ಮ ತಾಯಿಯೊಂದಿಗೆ ಕಣ್ಣೀರಾಗಿ ಕೊಡಗಿನ ನೃತ್ಯ ಮಾಡಿ ಅಮ್ಮನನ್ನು ಖುಷಿ ಪಡಿಸಿದರು.

ಈ ವಾರ 'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಕಾರ್ಯಕ್ರಮ ಸಂಪೂರ್ಣವಾಗಿ ಭಾವನಾತ್ಮಕವಾಗಿ ಇರಲಿದೆ. ಪ್ರತಿಯೊಬ್ಬ ವೀಕ್ಷಕರ ಮನಸ್ಸು ಮುಟ್ಟುವಂತಹ ಎಪಿಸೋಡ್ ಆಗಲಿದೆ. ಕೈತುತ್ತು ಕೊಡುವ ಅಮ್ಮ, ಜೀವನಕ್ಕೆ ಬೆಂಗಾವಲಾಗಿ ನಿಲ್ಲುವ ಅಪ್ಪ, ಅಜ್ಜ, ಅಜ್ಜಿ, ಗಂಡ, ಸ್ನೇಹಿತ-ಹೀಗೆ ಬದುಕು, ಸಂಬಂಧಗಳ ಸರಮಾಲೆಯೇ ಈ ವಾರ ವೇದಿಕೆಯಲ್ಲಿ ಅನಾವರಣವಾಗಲಿದೆ.

ಇದೇ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಕ್ಕೆ ನಿಮ್ಮ ಸುವರ್ಣ ವಾಹಿನಿಯಲ್ಲಿ 'ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್ಸ್' ಪ್ರಸಾರವಾಗಲಿದೆ. ಎಲ್ಲ ಪುಟಾಣಿಗಳು ಮತ್ತು ಅವರ ಕುಟುಂಬದವರು ವೇದಿಕೆಯಲ್ಲಿ ಕುಣಿಯಲಿದ್ದಾರೆ. ಅಮ್ಮನಿಗೆ, ಅಪ್ಪನಿಗೆ, ಸಹೋದರ, ಸಹೋದರಿಯರಿಗೆ - ಹೆಜ್ಜೆಗಳ ನಮನ ಸಲ್ಲಿಸಲಿದ್ದಾರೆ. ಮಿಸ್ ಮಾಡ್ದೆ ನೋಡಿ.....