ಹಿಟ್ಲರ್ ಕಲ್ಯಾಣ: ಕುಸಿದು ಬಿದ್ದ ಏಜೆ ತಾಯಿ? ಲೀಲಾ ಮುನಿಸು ಕಡಿಮೆಯಾಗುತ್ತಾ?

ದೇವ್‌ನ ಕಳ್ಳಾಟ ಏಜೆ ಮುಂದೆ ಬಯಲು

ಏಜೆ, ಲೀಲಾಳ ಮನೆಯಿಂದ ತೆರಳಬೇಕಾದರೆ ದಾರಿ ಮಧ್ಯೆ ದೇವ್‌ನ ಬೈಕ್ ನೋಡುತ್ತಾನೆ. ದೇವ್ ಯಾಕೆ ಇಲ್ಲಿ ಬೈಕ್ ಪಾರ್ಕ್ ಮಾಡಿದ್ದಾನೆ ಎಂದು ನೋಡಲು ತೆರಳುತ್ತಾನೆ ಈ ವೇಳೆ ದೇವ್ ರೇವತಿಗೆ ಪ್ರೀತಿ ಹೇಳುತ್ತಿರುತ್ತಾನೆ. ನಾವು ಎಲ್ಲರಿಗೂ ಮಾದರಿಯಾಗುವ ಎಂದೆಲ್ಲ ಹೇಳಿ ರೇವತಿ ಮನಸ್ಸನ್ನು ಕದಲಿಸಿ ಆಕೆಯನ್ನು ತನ್ನ ಪ್ರೀತಿಯಲ್ಲಿ ಬೀಳಿಸಿಕೊಳ್ಳುತ್ತಾನೆ ದೇವ್, ಇನ್ನೇನೂ ರೇವತಿ ಕೈಗೆ ಮುತ್ತಿಕ್ಕಬೇಕು ಎನ್ನುವಷ್ಟರಲ್ಲಿ ಇತ್ತ ಅದನ್ನು ನೋಡಿದ ಏಜೆ ನೋಡಿ ಕುಪಿತನಾಗುತ್ತಾನೆ.

ಶಾಕ್ ಆದ ದೇವ್

ಅವರಿಬ್ಬರಲ್ಲಿಗೆ ಏಜೆ ನಡೆದು ಬರುತ್ತಿರುವುದನ್ನು ದೇವ್ ನೋಡಿ ಶಾಕ್ ಆಗುತ್ತಾನೆ. ಇನ್ನೂ ರೇವತಿ ಎಜೆನ ನೋಡಿ ಭಯಗೊಳ್ಳುತ್ತಾಳೆ. ಈ ವೇಳೆ ಏಜೆ ಹೇಳುತ್ತಾನೆ ಇಷ್ಟೆಲ್ಲ ವಾರ್ನಿಂಗ್ ಕೊಟ್ರು ಈ ರೀತಿ ನಡೆದುಕೊಳ್ಳುತ್ತಿರುವುದು ನಾಚಿಕೆಯಾಗುತ್ತಿಲ್ಲವೇ ಎಂದೆಲ್ಲ ಬಯ್ಯುತ್ತಾನೆ.

ಏಜೆ ಸ್ವಾಗತಿಸಲು ತಯಾರಿ ನಡೆಸಿದ ಅಮ್ಮ

ಎಜೆ ಹಾಗೂ ಲೀಲಾಳನ್ನು ಸ್ವಾಗತ ಮಾಡಬೇಕು ಎಂದು ಏಜೆ ತಾಯಿ ಎಲ್ಲಾ ತಯಾರಿಯನ್ನು ಮಾಡಿಕೊಂಡಿರುತ್ತಾರೆ. ಏಜೆ ಬಂದ ವೇಳೆ ನೀನ್ಯಾಕೆ ಒಳಗಡೆ ಬಂದೆ, ನಿಮ್ಮಬ್ಬರಿಗೂ ನಾನು ಸ್ವಾಗತ ಮಾಡಬೇಕು ಎನ್ನುತ್ತಾರೆ. ಆಗ ಏಜೆ, 'ಲೀಲಾ ನನ್ನ ಮೇಲೆ ತುಂಬಾ ಕೋಪಿಸಿಕೊಂಡಿದ್ದಾಳೆ. ಅವಳ ಕೋಪ ಏನು ತಪ್ಪಲ್ಲ, ಆ ರೀತಿಯ ಅವಮಾನವಾಗಿ ನಮ್ಮ ಮನೆಯಲ್ಲಿ ಆಕೆ ಮನೆಯವರಿಗೆ. ಆದ್ರೆ ಲೀಲಾಳನ್ನು ಈ ಮನೆಗೆ ಕರೆದು ತರುತ್ತೇನೆ' ಎಂದು ಹೇಳುತ್ತಾನೆ ಏಜೆ. ಇದನ್ನು ಕೇಳಿ ಏಜೆ ತಾಯಿ ಕಣ್ಣೀರು ಹಾಕುತ್ತಾರೆ.

ಲೀಲಾ ಮನೆಗೆ ಏಜೆ ತಾಯಿ ಭೇಟಿ

ಇನ್ನೂ ಲೀಲಾ ಮನೆಗೆ ಏಜೆ ತಾಯಿ ಬರುತ್ತಾರೆ. ಏಜೆ ತಾಯಿ ಬಂದಿರುವುದನ್ನು ಕಂಡು ಲೀಲಾ ರೂಮ್‌ಗೆ ಹೋಗಿ ಬಾಗಿಲು ಹಾಕಿಕೊಳ್ಳುತ್ತಾಳೆ. ಏಜೆ ತಾಯಿ ಏನೇ ಹೇಳಿದರು ಲೀಲಾ ಮಾತ್ರ ಬಾಗಿಲು ತೆರೆಯದ್ದನ್ನು ನೋಡಿ ದುಃಖ ತಡೆದುಕೊಳ್ಳದೇ ಮನೆಯಿಂದ ಹೊರ ನಡೆಯುವ ವೇಳೆ ಏಜೆ ತಾಯಿ ಕುಸಿದು ಬೀಳುತ್ತಾರೆ, ಮುಂದೇನಾಗುತ್ತದೆ ಎಂಬುವುದನ್ನು ಮುಂದಿನ ಸಂಚಿಕೆಯಲ್ಲಿ ನೋಡಬೇಕಾಗಿದೆ.