ಅಪ್ಪ-ಅಮ್ಮನ ಆಸೆಯಂತೆ ಕಿರುತೆರೆ ನಟಿಯಾದ ಭವ್ಯಾ ಈಗ ದೊಡ್ಡ ಪರದೆಯತ್ತ!

ಮೊದಲ ಆಡಿಷನ್‌ನಲ್ಲಿಯೇ ಸೆಲೆಕ್ಟ್

ಭವ್ಯಾ, 'ಗೀತಾ' ಸೀರಿಯಲ್ ಗೆ ಮೊದಲು ಸೆಲೆಕ್ಟ್ ಆದಾಗ ಹಲವರು ಇವರು ಟಿಕ್ ಟಾಕ್ ಮೂಲಕ ಧಾರಾವಾಹಿಗೆ ಎಂಟ್ರಿ ಕೊಟ್ಟಿದ್ದಾರೆ ಎಂದು ಬಿಂಬಿಸಿದರು. ಆದರೆ ಈ ಕಾರಣಕ್ಕೆ ತುಂಬಾ ಬೇಜಾರಾದರು ಏಕೆಂದರೆ ಅವರ ಪ್ರಕಾರ ಟಿಕ್ ಟಾಕ್ ನಲ್ಲಿ ನಟಿಸುವುದೆ ಬೇರೆ ಮತ್ತು ಧಾರಾವಾಹಿಯಲ್ಲಿ ನಟಿಸುವುದೆ ಬೇರೆ ಎನ್ನುತ್ತಾರೆ. ಅದಾಗಿಯೋ ಇವರು ತಾವೇ ಹೋಗಿ ಆಡಿಷನ್ ಕೊಟ್ಟು ಗೀತಾ ಸೀರಿಯಲ್ ಗೆ ಸೆಲೆಕ್ಟ್ ಆಗಿದ್ದರು. ಮೊದಲ ಧಾರಾವಾಹಿಯಲ್ಲಿಯೆ ನಾಯಕಿಯಾಗಿ ನಟಿಸುತ್ತಿರುವ ಸಂತೋಷದಲ್ಲಿದ್ದಾರೆ ಭವ್ಯ ಗೌಡ.

ಕಿರುತೆರೆಯಿಂದ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟ ಭವ್ಯಾ

ಕಿರುತೆರೆಯಲ್ಲಿ ಫೇಮಸ್ ಆದವರಿಗೆ ಬಿಗ್ ಸ್ಕ್ರೀನ್‌ನಲ್ಲಿ ಅವಕಾಶ ಸಿಗುವುದು ಹೊಸತೇನಲ್ಲ. ಇದೀಗ ಗೀತಾ ಧಾರಾವಾಹಿ ಮೂಲಕ ಕಿರುತೆರೆಯಲ್ಲಿ ಸದ್ದು ಮಾಡಿರುವ ನಟಿ ಭವ್ಯಾ ಗೌಡಗೆ ಸಿನಿಮಾ ಆಫರ್ ಸಿಕ್ಕಿದೆ. ಅವರೀಗ ಬೆಳ್ಳಿತೆರೆ ಮೇಲೆ ಕಾಣಿಸಿಕೊಳ್ಳುವುದಕ್ಕೆ ಸಜ್ಜಾಗಿದ್ದಾರೆ. ದಿವ್ಯಾ ನಟಿಸುತ್ತಿರುವ ಸಿನಿಮಾ ಹೆಸರು 'ಡಿಯರ್ ಕಣ್ಮಣಿ'. ಕೆಲ ದಿನಗಳ ಹಿಂದಷ್ಟೇ ವಿಸ್ಮಯಾ ಗೌಡ ನಿರ್ದೇಶನದಲ್ಲಿ ಸೆಟ್ಟೇರಿದ ಈ ಸಿನಿಮಾದಲ್ಲಿ ನಾಯಕರಾಗಿ ಬಿಗ್ ಬಾಸ್ ಕಿಶನ್ ನಟಿಸುತ್ತಿದ್ದಾರೆ. ಇದೇ ಸಿನಿಮಾಕ್ಕೆ ಈಗ ಭವ್ಯಾ ಕೂಡ ಸೆಲೆಕ್ಟ್ ಆಗಿದ್ದಾರೆ.

ಈ ಮೊದಲು ಸಿಕ್ಕಿತ್ತು ಅವಕಾಶ

ಗೀತಾ ಧಾರವಾಹಿಯಲ್ಲಿ ಸಾಂಪ್ರದಾಯಿಕ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಆದರೆ ಇಲ್ಲಿ ಅವರ ಪಾತ್ರ ಸ್ವಲ್ಪ ಮಾಡ್ರರ್ನ್ ಆಗಿರಲಿದೆಯಂತೆ. ಇಲ್ಲಿಯವರೆಗೂ ಸಿನಿಮಾದಲ್ಲಿ ನಟಿಸಲು ಅವಕಾಶ ಸಿಕ್ಕಿಲ್ಲ ಅಂತೇನಿಲ್ಲ. ಆದರೆ ನನಗೆ ಇಷ್ಟವಾಗುವ ಪಾತ್ರ ಸಿಕ್ಕಿರಲಿಲ್ಲ. ಇಲ್ಲಿ ತೂಕವಾದ ಪಾತ್ರ ಇದೆ. ತುಂಬ ಸವಾಲಿನಿಂದ ಕೂಡಿದೆ. ಈ ಪಾತ್ರದ ಬಗ್ಗೆ ಕೇಳಿದ ಮೇಲೆ, ಒಂದೆರೆಡು ದಿನ ನಾನು ಅದೇ ಗುಂಗಿನಲ್ಲೇ ಇದ್ದೆ. ಈ ಸಿನಿಮಾದ ನಿರ್ದೇಶಕಿ ಹಾಗೂ ನಿರ್ಮಾಪಕಿ ವಿಸ್ಮಯಾ ಅವರು ತುಂಬಾ ಇಷ್ಟ ಆದರು. ನಿರ್ದೇಶಕಿ ಜೊತೆ ಕೆಲಸ ಮಾಡುವ ಖುಷಿಯೇ ಬೇರೆ. ನನ್ನ ಧಾರಾವಾಹಿಯ ಕೆಲಸಕ್ಕೆ ಯಾವುದೇ ತೊಂದರೆಯಾಗದಂತೆ ಡೇಟ್ ಹೊಂದಿಸುವುದಾಗಿ ವಿಸ್ಮಯಾ ಹೇಳಿದ್ದು ನನಗೆ ತುಂಬಾ ಖುಷಿಯಾಯಿತು' ಎಂದು ಹೇಳಿಕೊಳ್ಳುತ್ತಾರೆ ಭವ್ಯಾ.

ಸಿನಿಮಾದ ಹೆಸರು 'ಡಿಯರ್ ಕಣ್ಮಣಿ'

ಸ್ವತಃ ಆಡಿಷನ್ ನೀಡುವ ಮೂಲಕ ಗೀತಾ ಎನ್ನುವ ಸೀರಿಯಲ್‌ನಲ್ಲಿ ಮುಖ್ಯ ಪಾತ್ರವನ್ನು ಪಡೆದುಕೊಂಡರು. ಗೀತಾ ಧಾರವಾಹಿ ಪ್ರಮುಖ ಪಾತ್ರದಲ್ಲಿ ಮಿಂಚುತ್ತಿರುವ ಭವ್ಯ ಗೌಡ ಅವರದ್ದು ಸ್ವಾಭಿಮಾನ ಹೊಂದಿರುವ ಪಾತ್ರವಾಗಿದೆ. ಇವರಿಗೆ ಸಾಕಷ್ಟು ಅಭಿಮಾನಿಗಳು ಕೂಡಾ ಹುಟ್ಟಿಕೊಂಡಿದ್ದು, ಗೀತಾ ಧಾರಾವಾಹಿ ಪ್ರಾರಂಭದಿಂದಲೇ ಜನರಿಂದ ಮೆಚ್ಚಿಕೊಂಡು ಉತ್ತಮ ರೀತಿಯಲ್ಲಿ ಮುಂದುವರೆದಿದೆ ಇದೀಗ ಸಿನಿಮಾದಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಈ ಸಿನಿಮಾಕ್ಕೆ 'ಡಿಯರ್ ಕಣ್ಮಣಿ' ಎಂದು ಹೆಸರು ಕೂಡ ಇಡಲಾಗಿದೆ.