ಫೆಬ್ರವರಿ 23ರಿಂದ ಹೊಸ ಟಾಕ್ ಶೋ, ತೀರ್ಪುಗಾರರು ಸೂಪರ್

ಫೆಬ್ರವರಿ 23ರಿಂದ ಕನ್ನಡದ ಕಣ್ಮಣಿ

ಇದು ಕನ್ನಡದ ಧ್ವನಿ, ನಮ್ಮ ಭಾಷಾಭಿಮಾನದ ಧ್ವನಿ! ಕನ್ನಡ ಕೀರ್ತಿ ಮೊಳಗಿಸೋ ಕಣ್ಮಣಿಗಳ ಪಾಂಚಜನ್ಯದ ಧ್ವನಿ! ಹೌದು, 'ಕನ್ನಡದ ಕಣ್ಮಣಿ' ಎಂಬ ಹೊಸ ರಿಯಾಲಿಟಿ ಶೋ ಫೆಬ್ರವರಿ 23ರಿಂದ ಆರಂಭವಾಗ್ತಿದ್ದು, ಶನಿವಾರ ಸಂಜೆ 5 ಗಂಟೆಗೆ ಚಾಲನೆ ದೊರೆಯಲಿದೆ.

ತ್ರಿಮೂರ್ತಿಗಳು ತೀರ್ಪುಗಾರರು

'ಕನ್ನಡದ ಕಣ್ಮಣಿ' ಟಾಕ್ ಶೋ ಆಗಿದ್ದು, ಅದಕ್ಕೆ ತಕ್ಕಂತೆ ತೀರ್ಪುಗಾರರನ್ನ ಆಯ್ಕೆ ಮಾಡಿ ಕರೆತರಲಾಗಿದೆ. ಮಾತಿನ ಮಲ್ಲ, ಹಾಸ್ಯದ ಚತುರ ಪ್ರಾಣೇಶ್ ಈ ಶೋಗೆ ಜಡ್ಜ್ ಆಗಿದ್ದಾರೆ. ಇವರ ಜೊತೆ ನವರಸ ನಾಯಕ ಜಗ್ಗೇಶ್ ಕೂಡ ಇದ್ದಾರೆ. ಇನ್ನು ಭಾಷಾಭಿಮಾನದ ಧ್ವನಿ ಅಂದ್ಮೇಲೆ ಅದಕ್ಕೊಬ್ಬರು ಸಾರಥಿ ಬೇಕು ಎಂದು ಖ್ಯಾತ ಚಿತ್ರ ಸಾಹಿತಿ ಜಯಂತ್ ಕಾಯ್ಕಿಣಿ ಅವರು ಇರಲಿದ್ದಾರೆ.

ಕಿರಿಕ್ ಕೀರ್ತಿ ಶೋ

ಮಾತು....ಮಾತು....ಮಾತು....ಈ ಶೋನ ಮುಖ್ಯ ಅಂಶವೇ ಮಾತು. ಹಾಗಾಗಿ, ಫಟಾಫಟ್ ಅಂತ ಮಾತಾಡ್ಕೊಂಡು ಶೋ ಮಾಡೋಕೆ ಬಿಗ್ ಬಾಸ್ ಖ್ಯಾತಿಯ ಕಿರಿಕ್ ಕೀರ್ತಿ ಕೂಡ ಈ ಶೋನಲ್ಲಿ ಇರಲಿದ್ದು, ನಿರೂಪಕರಾಗಿ ಕೆಲಸ ಮಾಡಲಿದ್ದಾರೆ.

ವೀಕೆಂಡ್ ನಲ್ಲಿ ಫುಲ್ ಮಜಾ

ಮುಂದಿನ ವಾರದಿಂದ ಜೀ ಕನ್ನಡದಲ್ಲಿ ಮನರಂಜನೆಯ ಮಜಾ ಹೆಚ್ಚಾಗುತ್ತಿದೆ. ಐದು ಗಂಟೆಯಿಂದಲೇ ರಿಯಾಲಿಟಿ ಶೋ ಆರಂಭವಾಗಲಿದೆ. ಈ ಮೂಲಕ 'ಡ್ರಾಮಾ ಜೂನಿಯರ್ಸ್' ಮತ್ತು 'ಕನ್ನಡದ ಕಣ್ಮಣಿ' ಎರಡು ಮಕ್ಕಳ ಶೋ ನೋಡಬಹುದು.