ಕಸ್ತೂರಿ ವಾಹಿನಿಯಲ್ಲಿ ವಿನೂತನ ಕಾರ್ಯಕ್ರಮ

ಈಗ ಮತ್ತೊಂದು ವಿನೂತನ ಕಾರ್ಯಕ್ರಮವನ್ನು ಪ್ರಸಾರ ಮಾಡಲು ಮುಂದಾಗಿದೆ. ಈ ಕಾರ್ಯಕ್ರಮದ ಮೂಲಕ ಹೆಣ್ಣು ಮಕ್ಕಳ ಸಂಕಷ್ಟಗಳಿಗೆ ಸಾಂತ್ವನ ನೀಡಲಿದೆ. ಕಾರ್ಯಕ್ರಮದ ಹೆಸರು 'ಮೌನ ಮಾತಾದಾಗ'. ಇದೇ ಜನವರಿ 28ರಿಂದ ಸೋಮವಾರದಿಂದ ಶುಕ್ರವಾರದ ತನಕ ರಾತ್ರಿ 10 ರಿಂದ 11 ಗಂಟೆಗೆ ಕಾರ್ಯಕ್ರಮ ಪ್ರಸಾರವಾಗಲಿದೆ.

ತಮ್ಮದಲ್ಲದ ತಪ್ಪಿಗೆ ಹಲವಾರು ಹೆಣ್ಣುಮಕ್ಕಳು ನಿರಂತರ ಕಣ್ಣೀರು ಹಾಕುತ್ತಿರುತ್ತಾರೆ. ತಮ್ಮ ಸಮಸ್ಯೆಗಳನ್ನು ಯಾರಲ್ಲೂ ಹೇಳಿಕೊಳ್ಳಲಾಗದೆ ಕೊರಗುತ್ತಿರುವ ಇಂಥಹವರ ಮನದಾಳದ ಮಾತುಗಳಿಗೆ ಮೌನ ಮಾತಾದಾಗ ಕಾರ್ಯಕ್ರಮ ವೇದಿಕೆಯಾಗಲಿದೆ.

ದೃಶ್ಯರೂಪದೊಂದಿಗೆ ನಿರೂಪಿಸಲಾಗುವ ಈ ಕಾರ್ಯಕ್ರಮದಲ್ಲಿ ನೊಂದವರ ಹೆಸರು, ವಿಳಾಸಗಳನ್ನು ಬಹಿರಂಗಪಡಿಸದೆ ಗೌಪ್ಯವಾಗಿ ಇಡಲಾಗುತ್ತದೆ. ಈ ಮೂಲಕ ನೊಂದ ಮನಸ್ಸುಗಳಿಗೆ ಸಾಂತ್ವನ ನೀಡುವ ಪುಟ್ಟ ಪ್ರಯತ್ನ ನಮ್ಮದು ಎನ್ನುತ್ತಾರೆ ಕಸ್ತೂರಿ ವಾಹಿನಿಯ ಕ್ರಿಯೇಟಿವ್ ಹೆಡ್ ರಾಜೇಶ್. (ಒನ್ಇಂಡಿಯಾ ಕನ್ನಡ)