ಕನ್ನಡದ ಈ ನಟಿ ಜೊತೆಗೆ ಆರ್ಯ ಡೇಟಿಂಗ್ ಮಾಡ್ತಾರೆ

ಕಿಸ್. ಹಗ್. ಡೇಟ್

ನಟ ಆರ್ಯ ಅವರಿಗೆ 'ನಂ 1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ಶಿವರಾಜ್ ಕುಮಾರ್, ''ನೀವು ಶ್ರಿಯಾ, ಶ್ರದ್ಧಾ ಶ್ರೀನಾಥ್ ಮತ್ತು ರಮ್ಯಾ ಇವರಲ್ಲಿ ಯಾರಿಗೆ ಕಿಸ್ ಕೊಡುತ್ತೀರಾ?, ಯಾರ ಜೊತೆಗೆ ಡೇಟ್ ಹೋಗುತ್ತೀರಾ? ಹಾಗೂ ಯಾರಿಗೆ ಹಗ್ ಮಾಡುತ್ತೀರಾ? ಎಂದು ಕೇಳಿದರು.

ರಮ್ಯಾ ಜೊತೆಗೆ ಡೇಟಿಂಗ್

ಶಿವಣ್ಣನ 'ಕಿಸ್. ಹಗ್. ಡೇಟ್' ಪ್ರಶ್ನೆಗೆ ಉತ್ತರಿಸಿದ ಆರ್ಯ ''ನಾನು ಶ್ರಿಯಾಗೆ ಕಿಸ್ ಕೊಡುತ್ತೇನೆ, ಶ್ರದ್ಧಾ ಶ್ರೀನಾಥ್ ಅವರನ್ನು ಹಗ್ ಮಾಡಿಕೊಳ್ಳುತ್ತೇನೆ ಹಾಗೂ ರಮ್ಯಾ ಜೊತೆಗೆ ಡೇಟಿಂಗ್ ಹೋಗುತ್ತೇನೆ'' ಎಂದು ಹೇಳಿದರು.

ರಮ್ಯಾ ತುಂಬ ಹಾಟ್

ಕಾರ್ಯಕ್ರಮದಲ್ಲಿ ಆರ್ಯಗೆ ಶಿವಣ್ಣ ''ನಿಮಗೆ ಕನ್ನಡದಲ್ಲಿ ಫೇವರೇಟ್ ನಟಿ ಯಾರು?'' ಎಂದು ಮತ್ತೊಂದು ಪ್ರಶ್ನೆ ಕೇಳಿದರು. ಆಗ ಆರ್ಯ ರಮ್ಯಾ ಹೆಸರನ್ನು ತೆಗೆದುಕೊಂಡರು. ಜೊತೆಗೆ ''ರಮ್ಯಾ ಸಿನಿಮಾ ಮಾಡುವಾಗ ತುಂಬ ಹಾಟ್ ಆಗಿ ಇದ್ದರು. ಇದರೆ ಈಗ ಅವರು ಹೇಗಿದ್ದಾರೆ ಗೊತ್ತಿಲ್ಲ.'' ಎಂದು ಹೇಳಿ ನಕ್ಕರು. ಆಗ ಶಿವಣ್ಣ ರಮ್ಯಾ ಸದ್ಯ ಹಾಟ್ ಪೊಲಿಟಿಕ್ಸ್ ನಲ್ಲಿ ಇದ್ದಾರೆ ಎಂದರು.

'ರಮ್ಯಾ ಬಾಸ್' ಎಂದಿದ್ದ ಶ್ರದ್ಧಾ

ಇದೇ ಕಾರ್ಯಕ್ರಮದ ಕಳೆದ ಸಂಚಿಕೆಯಲ್ಲಿ ನಟಿ ಶ್ರದ್ಧಾ ಶ್ರೀನಾಥ್ ಕೂಡ ರಮ್ಯಾ ಬಗ್ಗೆ ಮಾತನಾಡಿದ್ದರು. ರಮ್ಯಾಗೆ ಬಾಸ್ ಎಂಬ ಬಿರುದು ನೀಡಿದ್ದ ಅವರು ಕನ್ನಡದಲ್ಲಿ ರಮ್ಯಾ ಅವರ ಮಟ್ಟದ ಸ್ಟಾರ್ ಪಟ್ಟ ಹೊಂದಿರುವ ಬೇರೆ ನಟಿ ಇಲ್ಲ ಎಂದು ಹೇಳಿದ್ದರು.

ಮನೋರಂಜನ್ ಮತ್ತು ವಿನಯ್ ರಾಜ್ ಕುಮಾರ್

ಇತ್ತೀಚಿಗಷ್ಟೆ ನಡೆದ ಸಂದರ್ಶನವೊಂದಲ್ಲಿ ಕೂಡ ನಟ ಮನೋರಂಜನ್ ಮತ್ತು ವಿನಯ್ ರಾಜ್ ಕುಮಾರ್ ಇಬ್ಬರು ರಮ್ಯಾ ಜೊತೆಗೆ ನಟಿಸುವ ಆಸೆಯನ್ನು ವ್ಯಕ್ತಪಡಿಸಿದ್ದರು. ಇದರ ಜೊತೆಗೆ ರಮ್ಯಾ ಮತ್ತೆ ಸಿನಿಮಾ ಮಾಡಬೇಕು, ಅವರ ನಟನೆ ತೆರೆ ಮೇಲೆ ನೋಡಬೇಕು ಎಂಬುದು ಕೂಡ ಅನೇಕ ಅಭಿಮಾನಿಗಳ ಆಸೆ ಆಗಿದೆ.