TRPಯಲ್ಲಿ 'ಜೊತೆ ಜೊತೆಯಲಿ' ಹಿಂದಿಕ್ಕಿ ಮತ್ತೆ ನಂಬರ್ 1 ಆದ 'ಮಂಗಳ ಗೌರಿ ಮದುವೆ'

ನಂಬರ್ 1 ಆದ 'ಮಂಗಳ ಗೌರಿ ಮದುವೆ'

'ಪುಟ್ಟಗೌರಿ ಮದುವೆ' ಧಾರಾವಾಹಿ ಕಿರುತೆರೆಯ ವೀಕ್ಷಕರಿಗೆ ಹುಚ್ಚು ಹಿಡಿಸಿದ್ದ ಧಾರಾವಾಹಿ. ಆ ಧಾರಾವಾಹಿ ಕೊನೆ ಆಗುತ್ತಿದ್ದಂತೆ ಅದೇ ಸಮಯಕ್ಕೆ 'ಮಂಗಳ ಗೌರಿ ಮದುವೆ' ಪ್ರಾರಂಭ ಆಯಿತು. ಕಥೆ, ಕಲಾವಿದರು ಎಲ್ಲ ಬದಲಾದರೂ, ವೀಕ್ಷಕ ಬಹಳ ಹಾಗೆಯೇ ಮುಂದುವರೆಯಿತು. ಪರಿಣಾಮ 'ಮಂಗಳಗೌರಿ ಮದುವೆ' ಟಿ ಆರ್ ಪಿ ಯಲ್ಲಿ ಅಗ್ರ ಸ್ಥಾನದಲ್ಲಿ ಇದೆ.

3ನೇ ಸ್ಥಾನದಲ್ಲಿ 'ಜೊತೆ ಜೊತೆಯಲಿ'

ಹೊಸತನದ ನಿರೂಪಣೆ, ಮೇಕಿಂಗ್ ಶೈಲಿ ಮೂಲಕ ದೊಡ್ಡ ಮಟ್ಟದ ಸಂಚಲನ ಸೃಷ್ಟಿ ಮಾಡಿದ್ದ ಧಾರಾವಾಹಿ 'ಜೊತೆ ಜೊತೆಯಲಿ'. ಅದೇನೇ ಹವಾ ಮಾಡಿದರೂ 'ಜೊತೆ ಜೊತೆಯಲಿ' ಟಿ ಆರ್ ಪಿ ಯಲ್ಲಿ 'ಮಂಗಳಗೌರಿ ಮದುವೆ'ಗಿಂತ ಹಿಂದೆ ಇದೆ. 'ಮಂಗಳಗೌರಿ ಮದುವೆ' 6829 ಪಾಯಿಂಟ್ಸ್ ಪಡೆದಿದ್ದು, 'ಜೊತೆ ಜೊತೆಯಲಿ'ಗೆ 5361 ಪಾಯಿಂಟ್ಸ್ ಸಿಕ್ಕಿದೆ.

ಟಾಪ್ ನಲ್ಲಿ ಜೀ ಕನ್ನಡದ ಕಾರ್ಯಕ್ರಮಗಳು

ಕಲರ್ಸ್ ಕನ್ನಡದ 'ಮಂಗಳಗೌರಿ ಮದುವೆ' ಮದುವೆ ಮೊದಲ ಸ್ಥಾನದಲ್ಲಿ ಇದೆ. ಆದರೆ, ಉಳಿದ ಸ್ಥಾನದಲ್ಲಿ ಜೀ ಕನ್ನಡದ ಕಾರ್ಯಕ್ರಮಗಳೇ ತುಂಬಿಕೊಂಡಿದೆ. 'ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್' (5562) ಎರಡನೇ ಸ್ಥಾನದಲ್ಲಿ, 'ನಾಗಿಣಿ' (4719) ಧಾರಾವಾಹಿ ನಾಲ್ಕನೇ ಸ್ಥಾನದಲ್ಲಿ, 'ಯಾರೇ ನೀ ಮೋಹಿನಿ' (4524) ಐದನೇ ಸ್ಥಾನದಲ್ಲಿ ಇದೆ.

'ಮಂಗಳಗೌರಿ ಮದುವೆ'ಯಲ್ಲಿ ತಿರುವು

'ಮಂಗಳಗೌರಿ ಮದುವೆ' ಧಾರಾವಾಹಿ ಈ ವಾರ ನಂಬರ್ ಸ್ಥಾನದಲ್ಲಿ ಇರಲು ಕಾರಣವೂ ಇದೆ. ಧಾರಾವಾಹಿ ಕಥೆ ಕುತೂಹಲಕಾರಿ ಹಂತಕ್ಕೆ ಬಂದಿದೆ. ಸತ್ತು ಹೋದ ಮಂಗಳ ಗೌರಿ ಮತ್ತೆ ಬದುಕುತ್ತಾಳಾ...?, ಇಲ್ವಾ...? ಎನ್ನುವ ಕುತೂಹಲ ಪ್ರೇಕ್ಷಕರಲ್ಲಿ ಇತ್ತು. ಆದರೆ, ಸಂಜೀವಿನಿ ಕುಡಿಸುವ ಮೂಲಕ, ಏನೇನೋ ಸರ್ಕಸ್ ಮಾಡಿ ನಿರ್ದೇಶಕರು ಆಕೆಯನ್ನು ಬದುಕಿಸಿದರು.

ಟಾಪ್ 5 ಚಾನೆಲ್ ಗಳು

ಕಾರ್ಯಕ್ರಮಗಳ ಪಟ್ಟಿಯಲ್ಲಿ 'ಮಂಗಳಗೌರಿ ಮದುವೆ' ಮೊದಲ ಸ್ಥಾನದಲ್ಲಿ ಇದೆ. ಆದರೆ, ವಾಹಿನಿಯ ಒಟ್ಟು ಪಿ ಆರ್ ಪಿ ಅಂತ ತೆಗೆದುಕೊಂಡರೆ, ಜೀ ಕನ್ನಡ ವಾಹಿನಿ ಮುಂದೆ ಇದೆ. ಜೀ ಕನ್ನಡ 476536 ಪಾಯಿಂಟ್ಸ್ ಪಡೆದಿದೆ. ಕಲರ್ಸ್ ಕನ್ನಡ 325540, ಉದಯ ಟಿವಿ 203444, ಸ್ಟಾರ್ ಸುವರ್ಣ 179468 ಹಾಗೂ ಉದಯ ಮೂವಿಸ್ 153283 ಪಾಯಿಂಟ್ಸ್ ಪಡೆದುಕೊಂಡಿದೆ.