'ಬಿಗ್ ಬಾಸ್'ಗೆ ಮತ್ತೆ ಬಂದ 'ಗೊಂಬೆ': ಹಲವು ಅನುಮಾನ, ಹಲವು ಚರ್ಚೆ.!

ಮೊದಲ ದಿನವೇ ಸುದೀಪ್ ಬಳಿ ಕೇಳಿದ್ರು ಗೊಂಬೆ

ಬಿಗ್ ಬಾಸ್ ಆರಂಭವಾದ ಮೊದಲ ದಿನ ನಿವೇದಿತಾ ಗೌಡ, ಅರುಣ್ ಸಾಗರ್ ಹಾಗೂ ಶ್ರುತಿ ಅತಿಥಿಯಾಗಿ ಬಂದಿದ್ದರು. ಈ ವೇಳೆ ಗೊಂಬೆ ಮಾತನಾಡುತ್ತಾ, 'ಸುದೀಪ್ ಬಳಿ ನಾನು ಮತ್ತೆ ಬಿಗ್ ಬಾಸ್ ಮನೆಗೆ ಹೋಗ್ಬೇಕು, ಚಾನ್ಸ್ ಸಿಕ್ಕರೇ ಖಂಡಿತಾ ಹೋಗ್ತೀನಿ' ಅಂತ ಹೇಳಿಕೊಂಡಿದ್ದರು. ಅದಕ್ಕೆ ಸುದೀಪ್ 'ಈ ಸಲ ಹೋದ್ರೆ ಏನ್ ಮಾಡ್ತೀರಾ' ಎಂದು ಪ್ರಶ್ನಿಸಿದ್ದರು. ಅದಕ್ಕೆ ಉತ್ತರಿಸಿದ್ದ ಗೊಂಬೆ, 'ಈ ಸಲ ಚೆನ್ನಾಗಿ ಎಂಜಾಯ್ ಮಾಡ್ತೀನಿ'' ಅಂತ ಹೇಳಿದ್ರು.

ಅಂದು ಹೇಳಿದ್ದರಿಂದಲೇ ಅವಕಾಶ ಸಿಕ್ತಾ?

ಅಂದು ನಿವೇದಿತಾ ಗೌಡ ತಮ್ಮ ಆಸೆಯನ್ನ ಹೇಳಿಕೊಂಡಿದ್ದರು. ಇಂದು ಬಿಗ್ ಬಾಸ್ ಆಯೋಜರಿಗೆ ಹಳೇ ಆವೃತ್ತಿಯ ಸ್ಪರ್ಧಿಯಲ್ಲಿ ಯಾರಾದರು ಒಬ್ಬರನ್ನ ಮನೆಯೊಳಗೆ ಮತ್ತೆ ಕಳುಹಿಸುವ ಯೋಚನೆ ಬಂದಿದೆ. ಆಗ ಫಟ್ ಅಂತ ನಿವೇದಿತಾ ಗೌಡ ನೆನಪಾಗಿರಬೇಕು. ಹಾಗಾಗಿಯೇ, ಅಂದು ಗೊಂಬೆ ಕೇಳಿದಂತೆ ಈಗ ಬಿಗ್ ಬಾಸ್ ಚಾನ್ಸ್ ಕೊಟ್ಟೇ ಬಿಟ್ಟರು. ಹೀಗಾಗಿ, ಸೆಕೆಂಡ್ ಚಾನ್ಸ್ ಪಡೆದುಕೊಂಡಿದ್ದಾರೆ.

ಎಷ್ಟ ದಿನ ಇರ್ತಾರೆ

ಅಂದ್ಹಾಗೆ, ನಿವೇದಿತಾ ಗೌಡ ಮತ್ತೆ ಬಗ್ ಬಾಸ್ ಮನೆಗೆ ವೈಲ್ಡ್ ಕಾರ್ಡ್ ಎಂಟ್ರಿ ಸ್ಪರ್ಧಿಗಳ ಜೊತೆ ಬಂದಾಗ, ಇವರು ಗೆಸ್ಟ್ ಇರಬಹುದು ಎಂದುಕೊಂಡಿದ್ದವರೇ ಹೆಚ್ಚು. ಆದ್ರೆ, ಸ್ವತಃ ನಿವೇದಿತಾ ಅವರೇ ''ನಾನು ವೈಲ್ಡ್ ಕಾರ್ಡ್ ಸ್ಪರ್ಧಿ'' ಎಂದಾಗಲೂ ಮನೆಯಲ್ಲಿದ್ದ ಕೆಲವರು ನಂಬಲಿಲ್ಲ. ಅದ್ಯಾವಾಗ ನಿವೇದಿತಾ ಲಗ್ಗೇಜ್ ಬಂತೋ ಆಗ ಫಿಕ್ಸ್ ಆದರು. ಈಗ ಕಾಡ್ತಿರುವುದು ಒಂದೇ, ನಿವೇದಿತಾ ಎಷ್ಟು ದಿನ ಇರ್ತಾರೆ ಅಂತ?

ಸುಮ್ಮನೆ ಕಳುಹಿಸಿರಬಹುದು

ಅಂದ್ಹಾಗೆ, ನಿವೇದಿತಾ ಗೌಡ ಅವರನ್ನ ಈ ಆವೃತ್ತಿಯಲ್ಲಿ ಸ್ಪರ್ಧಿಯಾಗಿ ಕಳುಹಿಸಿದ್ದರೂ, ಹೆಚ್ಚು ದಿನ ಉಳಿಯಲ್ಲ ಮತ್ತು ಸುಮ್ಮನೆ ಟೈಂ ಪಾಸ್ ಗೆ ಇರಲಿ ಎಂದು ನಿವೇದಿತಾ ಅವರನ್ನ ಆಯ್ಕೆ ಮಾಡಿದ್ದಾರೆ ಎಂಬ ಅಭಿಪ್ರಾಯವೇ ಜನಸಾಮನ್ಯರಲ್ಲಿ ಹೆಚ್ಚಾಗಿದೆ.

ಅಥವಾ ಸುಮ್ಮನೆ ಸ್ಪರ್ಧಿ ಅಂತ ಹೇಳಿ, ಒಂದೆರಡು ದಿನ ಇಟ್ಕೊಂಡು ವಾಪಸ್ ಕಳುಹಿಸಬಹುದಾ? ಎಂಬ ಅನುಮಾನ ಕಾಡ್ತಿದೆ.

ಬಿಗ್ ಬಾಸ್ ಇತಿಹಾಸದಲ್ಲಿ ಮೊದಲ ಸಲ

ಅಂದ್ಹಾಗೆ, ಬಿಗ್ ಬಾಸ್ 5 ಆವೃತ್ತಿಗಳು ಮುಗಿದು ಆರನೇ ಆವೃತ್ತಿ ನಡೆಯುತ್ತಿದೆ. ಇದುವರೆಗೂ ಈ ರೀತಿ ಹಳೇ ಆವೃತ್ತಿಯ ಸ್ಪರ್ಧಿಗಳು ಇನ್ನೊಂದು ಆವೃತ್ತಿಗೆ ಸ್ಪರ್ಧಿಯಾಗಿ ಬಂದಿಲ್ಲ. ಇನ್ನು ಅತಿಥಿಗಳಾಗಿ ಬಂದಿದ್ದಾರೆ. ಬಟ್, ಇದೊಂದು ಹೊಸ ಪ್ರಯತ್ನಕ್ಕೆ ಬಿಗ್ ಬಾಸ್ 6 ಸಾಕ್ಷಿಯಾಗಿದೆ.