ಲಿಪ್ ಲಾಕ್ ನಂತರ 'ಬಾತ್ ರೂಂ'ನಲ್ಲಿ ಲಾಕ್ ಆದ ಬಿಗ್ ಬಾಸ್ ಜೋಡಿ

ಲಿಪ್ ಲಾಕ್ ಆಯ್ತು ಈಗ ಬಾತ್ ರೂಂನಲ್ಲಿ ಲಾಕ್.!

ಕಳೆದ ವಾರ ಲಿಪ್ ಲಾಕ್ ಮಾಡಿ ಸುದ್ದಿಯಾಗಿದ್ದ ಹಿಂದಿ 'ಬಿಗ್ ಬಾಸ್ 11' ಸ್ಪರ್ಧಿಗಳಾದ ಪುನೀಶ್ ಶರ್ಮಾ ಮತ್ತು ಬಂದಗಿ ಕಲ್ರಾ ಈಗ ಬಾತ್ ರೂಂನಲ್ಲಿ ಲಾಕ್ ಆಗಿದ್ದಾರೆ.

ಬಂದಗಿ ಹಿಂದೆ ಹೋದ ಪುನೀಶ್.!

43ನೇ ದಿನದ ಬಿಗ್ ಬಾಸ್ ನಲ್ಲಿ ರಾತ್ರಿ 1.40ಕ್ಕೆ ನಟಿ ಬಂದಗಿ ಕಲ್ರಾ ಬಟ್ಟೆ ತೆಗೆದುಕೊಂಡು ಬಾತ್ ರೂಂಗೆ ಹೋಗ್ತಾರೆ. ಈ ವೇಳೆ ಪುನೀಶ್ ಶರ್ಮಾ, ಬಂದಗಿ ಅವರನ್ನ ಹಿಂಬಾಲಿಸಿ ಬಾತ್ ರೂಂ ಸೇರಿಕೊಳ್ಳುತ್ತಾರೆ.

ಯಾರಿಗೂ ಗೊತ್ತಿಲ್ಲ

ಈಗಾಗಲೇ ಬಿಗ್ ಬಾಸ್ ಮನೆಯಲ್ಲಿ ಪುನೀಶ್ ಶರ್ಮಾ ಮತ್ತು ಬಂದಗಿ ಕಲ್ರಾ ಅವರ ಬಗ್ಗೆ ಗಾಸಿಪ್ ಗಳು, ಚರ್ಚೆಗಳು ಆಗುತ್ತಿವೆ. ಆದ್ರೆ, ಬಾತ್ ರೂಂನಲ್ಲಿ ಇಬ್ಬರೂ ಒಟ್ಟಿಗೆ ಇದ್ದ ವಿಷ್ಯ ಯಾರಿಗೂ ಗೊತ್ತಿಲ್ಲ. ಬಹುಶಃ ಇದು ಗೊತ್ತಾದ್ರೆ, ಹಿಂದಿಯ ಬಿಗ್ ಬಾಸ್ ಮತ್ತಷ್ಟು ತಿರುವು ಪಡೆದುಕೊಳ್ಳುತ್ತೆ.

ಇದು ರೀಲ್ ಅಥವಾ ರಿಯಲ್.?

ಬಿಗ್ ಬಾಸ್ ನಲ್ಲಿ ಈ ರೀತಿಯ ರೊಮ್ಯಾನ್ಸ್, ಕಿಸ್ಸಿಂಗ್ ಎಲ್ಲವೂ ಕೇವಲ ಪಬ್ಲಿಸಿಟಿಗೋಸ್ಕರ ಮಾಡ್ತಿದ್ದಾರೆ ಎಂಬ ವಾದವೂ ಹಲವರದ್ದು. ಇದೆಲ್ಲವೂ ಗೇಮ್ ಪ್ಲಾನಿಂಗ್ ಅಷ್ಟೆ. ಅವರೆಲ್ಲಾ ಪ್ಲಾನ್ ಮಾಡಿಕೊಂಡು ಗೇಮ್ ಆಡ್ತಿದ್ದಾರೆ ಎನ್ನುವುದು ಕೆಲವರ ವಾದ.

ತೀವ್ರ ಚರ್ಚೆಯಾಗಿದೆ ಇವರಿಬ್ಬರ ಸಂಭಾಷಣೆ

ಪುನೀಶ್ ಶರ್ಮಾ ಅವರ ಜೊತೆಗಿನ ಸಂಬಂಧದ ಬಗ್ಗೆ ಮಾತನಾಡಿದ ಬಂದಗಿ, ಇದನ್ನೆಲ್ಲ ನಮ್ಮ ಮನೆಯವರು ಒಪ್ಪಿಕೊಳ್ಳುವುದಿಲ್ಲ. ನನ್ನನ್ನು ಮನೆಯಿಂದ ಹೊರ ಹಾಕುತ್ತಾರೆ ಎನ್ನುತ್ತಾರೆ. ಇದಕ್ಕೆ ಪ್ರತಿಯಾಗಿ ಮಾತನಾಡಿದ ಪುನೀಶ್ ''ಯೋಚನೆ ಮಾಡಬೇಡ, ನಿಮ್ಮ ಮನೆಯವರು ಒಪ್ಪಿಕೊಂಡಿಲ್ಲ ಅಂದ್ರೆ ನಾನು ನಿನ್ನನ್ನು ಸ್ವೀಕರಿಸುತ್ತೇನೆ'' ಎಂದು ಸಂಭಾಷಣೆ ನಡೆಸಿದ್ದಾರೆ. ಇದು ಮತ್ತಷ್ಟು ಚರ್ಚೆಗೆ ಗ್ರಾಸವಾಗಿದೆ.

ಸಲ್ಮಾನ್ ಕಡೆ ಎಲ್ಲರ ಗಮನ?

''ಬಿಗ್ ಬಾಸ್' ಕಾರ್ಯಕ್ರಮವನ್ನ ಮಕ್ಕಳೂ ಸೇರಿದಂತೆ ಇಡೀ ಕುಟುಂಬ ನೋಡುತ್ತಾರೆ. ಹೀಗಾಗಿ ಎಚ್ಚರಿಕೆಯಿಂದಿರಿ'' ಎಂದು ಕಳೆದ ವಾರ ಬಂದಗಿ ಹಾಗೂ ಪುನೀಶ್ ರವರಿಗೆ ಸಲ್ಮಾನ್ ಹೇಳಿದ್ದರು. ಆದರೂ, ಇವರಿಬ್ಬರು ಒಂದು ಹೆಜ್ಜೆ ಮುಂದಕ್ಕೆ ಹೋಗಿ, ಕ್ಯಾಮರಾ ಇಲ್ಲದ ಬಾತ್ ರೂಂ ಸೇರಿಕೊಂಡಿದ್ದಾರೆ. ಇದಕ್ಕೆ ಬರುವ ಶನಿವಾರ ಸಲ್ಮಾನ್ ಖಾನ್ ಹೇಗೆ ಪ್ರತಿಕ್ರಿಯಿಸುತ್ತಾರೋ, ನೋಡೋಣ.