ಯುವತಿಯರ ಆರೋಪ ಶುದ್ಧ ಸುಳ್ಳು ಎಂದ 'ಪ್ಯಾಟೆ ಹುಡ್ಗೀರ್' ಶೋ ಆಯೋಜಕರು.!

ಕಾರ್ಯಕ್ರಮದ ಆಯೋಜಕರು ಏನಂತಾರೆ.?

''ಸುಮಾರು ಸಾವಿರಕ್ಕೂ ಹೆಚ್ಚು ಜನ ಆಡಿಷನ್ ಗೆ ಬಂದಿದ್ದರು. ಹತ್ತು ರೂಮ್ ನಲ್ಲಿ ಆಡಿಷನ್ ಮಾಡ್ತಿದ್ವಿ. ಕಾರ್ಯಕ್ರಮದ ಕಂಟೆಂಟ್ ಗೆ ನಮಗೇನು ಬೇಕೋ, ಅದರ ಮೇಲೆ ನಾವು ಪ್ರಶ್ನೆ ಕೇಳ್ತಿದ್ವಿ'' - ಉಷಾ ಗೌಡ, ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು ಆಯೋಜಕರು

ಏನೇನೋ ಪ್ರಶ್ನೆ ಕೇಳಿಲ್ಲ

''ಕೇಳುವ ಎಲ್ಲ ಪ್ರಶ್ನೆಗಳಿಗೂ ಉತ್ತರ ಕೊಡಬೇಕು ಎನ್ನುವ ಅವಶ್ಯಕತೆ ಇಲ್ಲ. ಇದು ಇಡೀ ಕುಟುಂಬ ಕೂತು ನೋಡುವಂತಹ ಶೋ. ಇಲ್ಲಿ ಬೇರೆ ಇನ್ನೇನೋ ಮಾಡ್ತಿಲ್ಲ. ಹೀಗಿರುವಾಗ, ಏನೇನೋ ಪ್ರಶ್ನೆಗಳನ್ನು ಖಂಡಿತ ಕೇಳಿರಲ್ಲ'' - ಉಷಾ ಗೌಡ, ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು ಆಯೋಜಕರು

ಪ್ರಶ್ನೆ ಹುಟ್ಟಿರಬಹುದು!

''ವೀ ಆರ್ ರೆಡಿ ಟು ಡು ಎನಿಥಿಂಗ್ ಅಂತ ಹೇಳಿದಾಗ, ಖಂಡಿತ ಕೆಲವು ಪ್ರಶ್ನೆಗಳು ಹುಟ್ಟಿರಬಹುದೇ ಹೊರತಾಗಿ ಅಶ್ಲೀಲ ಪದಬಳಕೆ ಮಾಡಿಲ್ಲ'' - ಉಷಾ ಗೌಡ, ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು ಆಯೋಜಕರು

ಸೆಲೆಕ್ಟ್ ಆಗಿಲ್ಲ ಅಂತ ಹೀಗೆ ಮಾಡುವುದು ತಪ್ಪು

''ಕಾಂಪಿಟೇಶನ್ ಅನ್ನೋದು ಪ್ರತಿಯೊಬ್ಬರಲ್ಲಿಯೂ ಇರುತ್ತದೆ. ಕೆಲವರಿಗೆ ಅವಕಾಶ ಸಿಗುತ್ತೆ, ಕೆಲವರಿಗೆ ಅವಕಾಶ ಸಿಗಲ್ಲ. ಅದೇ ತರಹ ಕೆಲ ಹುಡುಗಿಯರಿಗೆ ಆಗಿರಬಹುದು. ಅದಕ್ಕೆ ಆಡಿಷನ್ ನಲ್ಲಿ 'ಹೀಗೆ' ಆಗಿದೆ ಅಂತ ಹೇಳುವುದು ತಪ್ಪು. ಆಡಿಷನ್ ನಲ್ಲಿ ಅಶ್ಲೀಲ ಪ್ರಶ್ನೆಗಳನ್ನು ಖಂಡಿತ ಕೇಳಿಲ್ಲ. ಎಷ್ಟೋ ಜನ ಸೆಕೆಂಡ್ ಲೆವೆಲ್ ಆಡಿಷನ್ ಗೆ ಸೆಲೆಕ್ಟ್ ಆಗಿದ್ದಾರೆ. ದಯವಿಟ್ಟು ಅವರನ್ನೂ ಮಾತನಾಡಿಸಿ'' - ಉಷಾ ಗೌಡ, ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು ಆಯೋಜಕರು

ಜವಾಬ್ದಾರಿ ಇದೆ

''ಕೆಲವರು ಆಡಿಷನ್ ಕೊಟ್ಟಿಲ್ಲ. ಆದರೂ, ಮಾಧ್ಯಮಗಳ ಮುಂದೆ ಬಂದು ಮಾತನಾಡುತ್ತಿದ್ದಾರೆ. ನಾವು ಆಶ್ಲೀಲ ಪದಗಳನ್ನು ಕೇಳಿಲ್ಲ. ಕೇಳಲು ಸಾಧ್ಯ ಇಲ್ಲ. ಸ್ಟಾರ್ ಸುವರ್ಣ ಎಷ್ಟೋ ರಿಯಾಲಿಟಿ ಶೋ ಮಾಡಿದೆ. ನಮಗೂ ಕೂಡ ಜವಾಬ್ದಾರಿ ಇದೆ. ರಿಯಾಲಿಟಿ ಶೋಗಳಿಂದ ಎಷ್ಟೋ ಜನರಿಗೆ ಲೈಫ್ ಸಿಕ್ಕಿದೆ. ಎಷ್ಟೋ ಜನ ಬದುಕು ಕಂಡುಕೊಂಡಿದ್ದಾರೆ'' - ಉಷಾ ಗೌಡ, ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು ಆಯೋಜಕರು