ರಕ್ಷಿತ್ ಶೆಟ್ಟಿ ನಿಜ ಬದುಕಿನಲ್ಲಿ ನಡೆದ ಘಟನೆಯೇ 'ಕಿರಿಕ್ ಪಾರ್ಟಿ'ಯ ಸಾನ್ವಿ ಕಥೆ.!

ಕಾಲೇಜು ದಿನಗಳ ಬಗ್ಗೆ ರಕ್ಷಿತ್ ಮಾತು

ಕಲರ್ಸ್ ಸೂಪರ್ ವಾಹಿನಿಯ 'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದಲ್ಲಿ ಭಾಗವಹಿಸಿದ ನಟ ರಕ್ಷಿತ್ ಶೆಟ್ಟಿ ತಮ್ಮ ಕಾಲೇಜು ದಿನಗಳನ್ನ ಮೆಲುಕು ಹಾಕಿದರು.

ಸೀನಿಯರ್ ಮೇಲೆ ರಕ್ಷಿತ್ ಗೆ ಆಕರ್ಷಣೆ

ಕಾಲೇಜಿನಲ್ಲಿ ಮೊದಲನೇ ವರ್ಷ ಓದುವಾಗ ಸೀನಿಯರ್ ಒಬ್ಬರ ಮೇಲೆ ರಕ್ಷಿತ್ ಗೆ ಕ್ರಷ್ ಆಗಿತ್ತಂತೆ. ಆ ಘಟನಾವಳಿಗಳನ್ನ ಇಟ್ಟುಕೊಂಡೇ 'ಕಿರಿಕ್ ಪಾರ್ಟಿ' ಸಿನಿಮಾ ಕಥೆ ರಚಿಸಿದರಂತೆ.

ರಕ್ಷಿತ್ ಶೆಟ್ಟಿ ಹೇಳಿದ್ದೇನು.?

''ನಾನು ಮೊದಲನೇ ವರ್ಷ ಓದುವಾಗ 'ಸಾನ್ವಿ' (ಹೆಸರು ಬದಲಾಯಿಸಿದೆ) ಮೇಲೆ ಕ್ರಷ್ ಆಗಿತ್ತು. ಅದೇ ಕ್ಯಾರೆಕ್ಟರ್ ಮೇಲೆ ನಾನು ಕಿರಿಕ್ ಪಾರ್ಟಿ ಸಿನಿಮಾ ಕಥೆ ಬರೆದಿದ್ದು. ಕಿರಿಕ್ ಪಾರ್ಟಿ ನನ್ನ ಕಾಲೇಜ್ ದಿನಗಳಿಂದ ಸ್ಫೂರ್ತಿ ಪಡೆದ ಸಿನಿಮಾ. ನಾನು ಫೈನಲ್ ಇಯರ್ ಓದುವಾಗ ಫಸ್ಟ್ ಇಯರ್ ಹುಡುಗಿ ಮೇಲೆ ಕ್ರಷ್ ಆಗಿತ್ತು'' ಎಂದು ಸೂಪರ್ ಟಾಕ್ ಟೈಮ್ ಕಾರ್ಯಕ್ರಮದಲ್ಲಿ ರಕ್ಷಿತ್ ಶೆಟ್ಟಿ ಹೇಳಿದರು.

ಸಾನ್ವಿ ಸಾವು ಆಗಿದ್ದು ಹೇಗೆ.?

'ಕಿರಿಕ್ ಪಾರ್ಟಿ' ಸಿನಿಮಾದಲ್ಲಿ ಸಾನ್ವಿ ಮೇಲಿಂದ ಬಿದ್ದು ಸತ್ತು ಹೋಗುತ್ತಾಳೆ. ಆದ್ರೆ, ನಿಜ ಜೀವನದಲ್ಲಿ ರಕ್ಷಿತ್ ಶೆಟ್ಟಿ ಸ್ನೇಹಿತೆಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡರಂತೆ.

ಸಾನ್ವಿ ಸತ್ತು ಹೋಗಿದ್ದು ಹೇಗೆ ಅಂದ್ರೆ...

''ಬೇರೆ ಫ್ರೆಂಡ್ ಒಬ್ಬರು ಸೂಸೈಡ್ ಮಾಡಿಕೊಂಡರು. ಸೂಸೈಡ್ ಮಾಡಿಕೊಳ್ಳುವ ಹಿಂದಿನ ದಿನ ನನ್ನ ಜೊತೆ ಮಾತನಾಡಬೇಕು ಅಂತ ಹೇಳಿದ್ದರು. ಆದ್ರೆ ಮಾತನಾಡಲು ಸಾಧ್ಯವಾಗಲಿಲ್ಲ. ಮಾರನೆಯ ದಿನ ಕಾಲೇಜಿಗೆ ಹೋದಾಗ ಸೂಸೈಡ್ ಮಾಡಿಕೊಂಡ ವಿಷಯ ಗೊತ್ತಾಯ್ತು. ಅವರ ತಂದೆಗೆ ಫೋನ್ ಮಾಡಿದಾಗ, ಆಕೆ ನನ್ನ ಮಗಳಲ್ಲ ಅಂತ ಫೋನ್ ಕಟ್ ಮಾಡಿದರು. ಅದನ್ನೆಲ್ಲ ನಾವು ಸಿನಿಮಾದಲ್ಲಿ ಹಾಕಿಕೊಂಡ್ವಿ'' - ರಕ್ಷಿತ್ ಶೆಟ್ಟಿ, ನಟ

ಸೂಸೈಡ್ ಗೆ ಕಾರಣ ಏನು.?

''ಯಾವ ವಿಚಾರಕ್ಕೆ ಸೂಸೈಡ್ ಮಾಡಿಕೊಂಡರು ಎಂಬ ಬಗ್ಗೆ ಗೊತ್ತಿಲ್ಲ. ನಾನು ಆಕೆಯೊಂದಿಗೆ ಮಾತನಾಡಿದ್ದರೆ, ಗೊತ್ತಾಗುತ್ತಿತ್ತೇನೋ... ಬಾಕಿಯವರೆಲ್ಲ ಏನೇನೋ ಮಾತನಾಡುತ್ತಿದ್ದರು. ಅವರೊಂದಿಗೆ ನಾನು ಜಗಳ, ವಾದ ಮಾಡಿದ್ದೂ ಉಂಟು. ಅದನ್ನೆಲ್ಲ ಸಿನಿಮಾದಲ್ಲಿ ಅಳವಡಿಸಿದ್ದೇವೆ'' - ರಕ್ಷಿತ್ ಶೆಟ್ಟಿ, ನಟ