ಜಗ್ಗೇಶ್ ಹೊಸ ಕಾರು ಎಗರಿಸಿಕೊಂಡು ಹೋಗಿದ್ದರಂತೆ ಖ್ಯಾತ ನಟ

ಎರಡು ದಿನ ಕಾರು ಪತ್ತೆ ಇಲ್ಲ

'ಗಂಡ ಹೆಂಡತಿ' ಸೆಟ್ ಮಾರುತಿ ಕಾರಿನಲ್ಲಿ ಬಂದ ಶಶಿ ಕುಮಾರ್ ಒಂದು ರೌಂಡು ಹೋಗಿ ಬರುತ್ತೇನೆ ಎಂದು ಹೇಳಿ ಕಾರು ತಗೊಂಡು ಹೋದರಂತೆ. ಎಷ್ಟೇ ಹೊತ್ತು ಆದ್ರೂ ವಾಪಸ್ ಬರಲೇ ಇಲ್ಲವಂತೆ. ಇದರಿಂದ ಗಾಬರಿಗೊಂಡು ಜಗ್ಗೇಶ್ ಬೈದುಕೊಂಡು ಎಲ್ಲಿ ಹೋದಾ ಎಂದು ಯೋಚನೆ ಮಾಡುತ್ತಾ ನಿಂತರಂತೆ. ಎರಡು ದಿನವಾದರೂ ಗೊತ್ತಾಗಲಿಲ್ಲವಂತೆ.

ಆತಂಕಗೊಂಡಿದ್ದರಂತೆ ಜಗ್ಗೇಶ್

ಆಗ ಫೋನ್ ಇರಲಿಲ್ಲ. ಒಂದು ರೌಂಡ್ ಹೋಗಿ ಬರುತ್ತೇನೆ ಎಂದು ಹೇಳಿ ಹೋದ ಶಶಿ ಕುಮಾರ್ ಪತ್ತೆ ಇಲ್ಲ. ಇದರಿಂದ ಗಾಬರಿಗೊಂಡು ಜಗ್ಗೇಶ್, ನಿರ್ದೇಶಕ ರಾಜ್ ಕಿಶೋರ್ ಅವರಿಗೆ ಸಾರ್ ಹೊಸ ಕಾರು, ಏನೋ ಮಾಡಬಿಟ್ಟ. ಎಲ್ಲೊದ್ನೋ ಹುಡುಕಿಸಿ ಸಾರ್'' ಎಂದು ಕೇಳಿಕೊಂಡಿದ್ದರಂತೆ.

ಮೈಸೂರಿನಲ್ಲಿ ಶಶಿ ಕುಮಾರ್ ಪತ್ತೆ

ಜಗ್ಗೇಶ್ ಅವರ ಹೊಸ ಕಾರು ತಗೊಂಡು ನಟ ಶಶಿ ಕುಮಾರ್ ಅವರು ನೇರವಾಗಿ ಮೈಸೂರಿಗೆ ಹೋದರಂತೆ. ಅಲ್ಲಿ ಸಿನಿಮಾದ ಚಿತ್ರೀಕರಣ ಇದ್ದ ಕಾರಣ ಹಾಗೇ ಜಾಲಿಯಾಗಿ ಹೋಗಿಬಿಟ್ಟರಂತೆ. ನಂತರ ಜಗ್ಗೇಶ್ ಅವರಿಗೆಗೆ ಯಾರೋ ಹೇಳಿದ್ರಂತೆ. ಶಶಿ ಕುಮಾರ್ ಮೈಸೂರಿನಲ್ಲಿ ಶೂಟಿಂಗ್ ಮಾಡ್ತಿದ್ದಾರೆ ಅಂತ. ಆಗ ಸ್ವಲ್ಪ ಸಮಾಧಾನವಾದರಂತೆ ಜಗ್ಗೇಶ್.

ವೀಕೆಂಡ್ ವಿತ್ ರಮೇಶ್ ನಲ್ಲಿ ಕಥೆ ಹೇಳಿದ ಶಶಿಕುಮಾರ್

ಈ ಕಥೆಯನ್ನ ಸ್ವತಃ ಜಗ್ಗೇಶ್ ಅವರು 'ಪ್ರೀಮಿಯರ್ ಪದ್ಮಿನಿ' ಚಿತ್ರದ ಪ್ರಚಾರದ ವೇಳೆ ಹೇಳಿಕೊಂಡಿದ್ದರು. ಈಗ ಅದೇ ಕಥೆಯನ್ನ ಶಶಿ ಕುಮಾರ್ ಅವರು ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ನೆನಪಿಸಿಕೊಂಡರು.