ಜಯಮಾಲಾ ನಿರೂಪಣೆಯಲ್ಲಿ 'ಕಥೆಯಲ್ಲ ಜೀವನ'

ಸುವರ್ಣ ವಾಹಿನಿ ತನ್ನ ವಿಭಿನ್ನ ರಿಯಾಲಿಟಿ ಶೋ 'ಕಥೆಯಲ್ಲ ಜೀವನ' ಕಾರ್ಯಕ್ರಮದ ಮೂಲಕ 2009 ರಲ್ಲಿ ಇಡೀ ದಕ್ಷಿಣ ಭಾರತದಲ್ಲೇ ಸಂಚಲನವನ್ನು ಸೃಷ್ಟಿ ಮಾಡಿತ್ತು. ಇಂತಹ ಅದ್ಭುತ ಕಾರ್ಯಕ್ರಮದ ದ್ವಿತೀಯ ಆವೃತ್ತಿ 'ಕಥೆಯಲ್ಲ ಜೀವನ ಸೀಸನ್-2' ಇದೇ ನವೆಂಬರ್ 1 ರಂದು ಪ್ರಸಾರ ಪ್ರಾರಂಭಿಸುತ್ತಿದೆ.

ನೊಂದವರ ಬಾಳಲ್ಲಿ ಆಶಾಕಿರಣ ಮೂಡಿಸುತ್ತಾ, ಸಮಸ್ಯೆಗಳಿಗೆ ನ್ಯಾಯಸಮ್ಮತವಾದ ಪರಿಹಾರ ಸೂಚಿಸುತ್ತಾ, ಗಂಡ ಹೆಂಡತಿಯರ ಮುನಿಸು, ಅಣ್ಣ ತಮ್ಮಂದಿರ ದಾಯಾದಿತನ, ತಂದೆಮಕ್ಕಳ ಜಗಳ ಹೀಗೆ ಸಂಬಂಧಗಳ ಬೆಲೆಯೇ ಗೊತ್ತಿಲ್ಲದವರಿಗೆ ಅವರುಗಳ ಮಹತ್ವವನ್ನು ತಿಳಿಪಡಿಸುವುದರ ಮೂಲಕ ಪ್ರೇಕ್ಷಕರ ಮನದಾಳಕ್ಕಿಳಿದ ಕಾರ್ಯಕ್ರಮ ಕಥೆಯಲ್ಲ ಜೀವನ.

ಹೊಸ ಆವೃತ್ತಿಯಲ್ಲೂ ಈ ಎಲ್ಲ ವಿಷಯಗಳನ್ನಾಧರಿಸಿ ಹಾಗೂ ಸಾಕಷ್ಟು ಸಾಧನೆಗೈದ ಸಾಧಕರುಗಳನ್ನು ಈ ವೇದಿಕೆಯ ಮೇಲೆ ಪ್ರಸ್ತುತಪಡಿಸುವುದರೊಂದಿಗೆ ಮತ್ತಷ್ಟು ವಿಶಿಷ್ಟತೆಗಳನ್ನು ಹೊತ್ತು ತರುತ್ತಿದೆ ಸೀಸನ್ 2. ಕಥೆಯಲ್ಲ ಜೀವನ ಕಾರ್ಯಕ್ರಮವು ಇದೇ ನವೆಂಬರ್ 1ರಿಂದ ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ಸುವರ್ಣವಾಹಿನಿಯಲ್ಲಿ ಪ್ರಸಾರವಾಗಲಿದೆ.

ಕಥೆಯಲ್ಲ ಜೀವನ ಕಾರ್ಯಕ್ರಮದ ದ್ವಿತೀಯ ಅವತರಣಿಕೆಯು ಖ್ಯಾತ ನಟಿ, ನಿರ್ಮಾಪಕಿ ಜಯಮಾಲಾರವರ ನಿರೂಪಣೆಯಲ್ಲಿ ಮೂಡಿಬರುತ್ತಿರುವುದು ವಿಶೇಷ. ಕನ್ನಡ ಚಲನಚಿತ್ರ ವಾಣಿಜ್ಯ ಮಂಡಳಿಯ ಪ್ರಥಮ ಮಹಿಳಾ ಅದ್ಯಕ್ಷರಾಗಿದ್ದ ಜಯಮಾಲಾ ಆ ಕಾಲದ ಬಹುತೇಕ ಪ್ರಮುಖ ನಾಯಕ ನಟರ ಜೊತೆ ಅಭಿನಯಿಸಿದ್ದಾರೆ.

ಖ್ಯಾತ ನಟರಾದ ಡಾ. ರಾಜಕುಮಾರ್, ಡಾ. ವಿಷ್ಣುವರ್ಧನ್, ಅಂಬರೀಶ್, ಶಂಕರ್ ನಾಗ್ ಹಾಗೂ ಪ್ರಭಾಕರ್ ಅವರೊಂದಿಗೆ ಅಭಿನಯಿಸಿದ ಹೆಗ್ಗಳಿಕೆ ಅವರದು. ಅವರ ನಿರ್ಮಾಣದ 'ತಾಯಿ ಸಾಹೇಬ' ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ಕೂಡಾ ಸಂದಿದೆ ಹಾಗೂ ಜಯಮಾಲಾ ವಿಶೇಷ ಜ್ಯೂರಿ ಅವಾರ್ಡ್ ಪಡೆದಿರುವುದು ಗೊತ್ತಿರುವ ವಿಚಾರ.

ಸ್ಟಾರ್ ನೆಟ್ ವರ್ಕ್ಸ್ ನ ಸುವರ್ಣ ವಾಹಿನಿಯ ಬಿಜಿನೆಸ್ ಹೆಡ್ ಅನುಪ್ ಚಂದ್ರಶೇಖರನ್ ಹೇಳುವಂತೆ, "ಕಥೆಯಲ್ಲ ಜೀವನ ಕಾರ್ಯಕ್ರಮದ ಮೊದಲ ಆವೃತ್ತಿಯು ಸುವರ್ಣ ವಾಹಿನಿಯನ್ನು ಎತ್ತರ ಮಟ್ಟಕ್ಕೆ ಕರೆದೊಯ್ದಿತ್ತು ಎಂದು ಹೇಳಲು ಹೆಮ್ಮೆ ಎನಿಸುತ್ತದೆ. ವೀಕ್ಷಕರಿಗೆ ಕೇವಲ ಮನೋರಂಜನೆಯನ್ನು ಕೊಡುವುದು ಮಾತ್ರವಲ್ಲದೇ ಸಾಮಾಜಿಕ ಕಳಕಳಿಯನ್ನು ಹೊತ್ತು, ನೈತಿಕ ಸಂದೇಶಗಳನ್ನು ನೀಡುವ ಉದ್ದೇಶವಾಗಿದೆ ಎಂದಿದ್ದಾರೆ.

ಸಾಕಷ್ಟು ವಿಶಿಷ್ಟತೆಗಳೊಂದಿಗೆ ಹೊರಬರುತ್ತಿರುವ 2ನೇ ಆವೃತ್ತಿಯು ಜನಸಾಮಾನ್ಯರ ಮನಗೆದ್ದು ವಾಹಿನಿಯನ್ನು ಉತ್ತುಂಗಕ್ಕೇರಿಸುತ್ತದೆಂಬ ನಂಬಿಕೆ ನಮ್ಮದು ಎಂಬ ಅಚಲ ವಿಶ್ವಾಸ ಅನೂಪ್ ಅವರದು. (ಫಿಲ್ಮಿಬೀಟ್ ಕನ್ನಡ)

More from Filmibeat

View More

• 
  ನೆಲದ ಮೇಲೆ ನಿದ್ರೆ, ಗಲೀಜು ಟಾಯ್ಲೆಟ್, ಆ 120 ದಿನ ; ಜೈಲಿನಲ್ಲಿ ನರಕಯಾತನೆ -ಕಣ್ಣೀರಾದ ಕನ್ನಡ ಸಿನಿಮಾ ನಟಿ
• 
  Hayagreeva Review: ಮಿಸ್ಟರಿ, ಥ್ರಿಲ್ಲರ್, ಸಸ್ಪೆನ್ಸ್.. ಧನ್ವೀರ್ ಸಿನಿಮಾ 'ಹಯಗ್ರೀವ'ದ ಪ್ಲಸ್ ಏನು? ಮೈನಸ್ ಏನು?
• 
  Amruthadhaare ; ಸುನಿ ಅವಾಜ್‌ಗೆ ಜೈದೇವ್‌ ಗಪ್‌ಚುಪ್ - ಮಲ್ಲಿಗೆ ಕೈ ಕೊಡ್ತಾನಾ ಕೇಡಿಯ ಪೈಲ್ವಾನ್?
• 
  ಹೊಕ್ಕಳು ತೋರಿಸೋಕೆ 'ವೀರ ಮದಕರಿ' ಚಿತ್ರಕ್ಕೆ ನನ್ನ ಆಯ್ಕೆ ಮಾಡಿದ್ರಾ ಗೊತ್ತಿಲ್ಲ; ರಾಗಿಣಿ
• 
  Exclusive:: ಜೈಲಿಂದ ಬರ್ತಿದ್ದಂತೆ ಚಿತ್ರದುರ್ಗದ ಕಡೆಗೆ ದರ್ಶನ್; 'ರಾಜ ವೀರ ಮದಕರಿ ನಾಯಕ' ಸಿನಿಮಾ ಆಗುತ್ತಾ?
• 
  ದಳಪತಿ ದಾಂಪತ್ಯದಲ್ಲಿ ಬಿರುಕು ; ತಾಯಿಯ ಹಿಂದೆ ನಿಂತ ಮಗ - ತಂದೆಯನ್ನೇ ಅನ್ ಫಾಲೋ ಮಾಡಿದ ಜೇಸನ್
• 
  ಮಲಯಾಳಂ ಸಿನಿರಸಿಕರಿಗಾಗಿ ಈ ವಾರ ಓಟಿಟಿಗೆ ಫ್ಯಾಮಿಲಿ ಎಂಟರ್‌ಟೈನರ್ ಸಿನಿಮಾಗಳು ಎಂಟ್ರಿ
• 
  Nayanthara-Toxic: 'ರಾಯ'ನ ಜೊತೆ ನಟಿಸಲು 'ಗಂಗಾ' ಒಪ್ಪಿದ್ದೇಗೆ? ನಯನತಾರಾ ಪಡೆದ ಸಂಭಾವನೆ ಎಷ್ಟು?
• 
  'ಟಾಕ್ಸಿಕ್' ಚಿತ್ರದಲ್ಲಿ ಕಿಯಾರಾ ಪಾತ್ರದ ಗುಟ್ಟು ರಟ್ಟು? ಪೋಸ್ಟರ್ ನೋಡಿ ಕಂಡುಹಿಡಿದುಬಿಟ್ರು ಫ್ಯಾನ್ಸ್
• 
  ದರ್ಶನ್ ವಿರುದ್ಧ ಸುಳ್ಳು ದಾಖಲೆ ? ಷಡ್ಯಂತ್ರದ ಅನುಮಾನ - ಮಾರ್ಚ್ 11ಕ್ಕೆ ಬೃಹತ್ ಪ್ರತಿಭಟನೆ
• 
  ಧನ್ವೀರ್ ಗೌಡ ನಟನೆಯ 'ಹಯಗ್ರೀವ' ಚಿತ್ರಕ್ಕೆ ಮೊದಲ ದಿನವೇ ಕೊಂಚ ಹಿನ್ನಡೆ
• 
  "ತ್ರಿಶಾಗೆ ವಿಜಯ್ ಮೇಲೆ ಲವ್ ಇಲ್ಲ.. ರಾಜಕೀಯ ಮುಖಂಡನ ಮನೆಯ ಸೊಸೆ ಆಗ್ಬೇಕಿತ್ತು"; ಬಾಂಬ್ ಸಿಡಿಸಿದ ಗಾಯಕಿ ಸುಚಿತ್ರಾ