Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತುನಿಶಾ ಶರ್ಮಾ ಆತ್ಮಹತ್ಯೆ: ತನಿಖೆ ವೇಳೆ ಕುತೂಹಲಕಾರಿ ಮಾಹಿತಿ ಬಿಚ್ಚಟ್ಟ ಬಾಯ್ಫ್ರೆಂಡ್
ಜನಪ್ರಿಯ ಟಿವಿ ನಟಿ ತುನಿಶಾ ಶರ್ಮಾ (20) ಶೂಟಿಂಗ್ ಸೆಟ್ನಲ್ಲೇ ಆತ್ಮಹತ್ಯೆ ಮಾಡಿಕೊಂಡಿರುವ ಪ್ರಕರಣ ಸದ್ದು ಮಾಡುತ್ತಿದ್ದು, ನಟಿಯ ಡೆತ್ನೋಟ್ ಆಧರಿಸಿ ನಟಿಯ ಬಾಯ್ಫ್ರೆಂಡ್ ಶೀಜಾನ್ ಖಾನ್ ಅನ್ನು ನಿನ್ನೆಯೇ ಪೊಲೀಸರು ಬಂಧಿಸಿದ್ದಾರೆ.
ತುನಿಶಾ ಶರ್ಮಾರ ಬಾಯ್ಫ್ರೆಂಡ್ ಶೀಜಾನ್ ಸಹ ನಟನೇ ಆಗಿದ್ದು, ಆತನನ್ನು ಪೊಲೀಸರು ವಿಚಾರಣೆ ನಡೆಸಿದಾಗ ಕೆಲವು ಆಸಕ್ತಿಕರ ವಿಷಯಗಳು ಹೊರಬಿದ್ದಿವೆ.
ಶೀಜಾನ್ ತನಿಖೆ ವೇಳೆ ಇಬ್ಬರ ನಡುವಿನ ಬ್ರೇಕ್ಅಪ್ಗೆ ಏನು ಕಾರಣ ಎಂಬ ವಿಷಯ ತಿಳಿಸಿರುವುದಲ್ಲದೆ, ಈ ಹಿಂದೆ ಇಬ್ಬರ ನಡುವೆ ಆಗಿದ್ದ ಜಗಳ ಹಾಗೂ ಅದಕ್ಕೆ ಕಾರಣಗಳನ್ನು ವಿವರಿಸಿದ್ದಾರೆ.
ಟೈಮ್ಸ್ ನೌ ವರದಿ ಮಾಡಿರುವಂತೆ, ಶೀಜಾನ್ ಹಾಗೂ ತುನಿಶಾ ನಡುವೆ ವಯಸ್ಸಿನ ಅಂತರದ ಕಾರಣಕ್ಕೆ ತುಸು ಭಿನ್ನಾಭಿಪ್ರಾಯಗಳಿದ್ದವಂತೆ. ಶೀಜಾನ್ ವಯಸ್ಸು 28 ಆಗಿದ್ದರೆ, ತುನಿಶಾ ವಯಸ್ಸು ಕೇವಲ 20 ಆಗಿತ್ತು. ಜೊತೆಗೆ ಇವರ ನಡುವೆ ಧರ್ಮದ ಕಾರಣಕ್ಕೂ ಕೆಲವು ಭಿನ್ನಾಭಿಪ್ರಾಯಗಳಿದ್ದವಂತೆ.
ಈ ಹಿಂದೆಯೂ ಒಮ್ಮೆ ಇವರಿಬ್ಬರ ನಡುವೆ ಜಗಳವಾಗಿ ತುನಿಶಾ ಆತ್ಮಹತ್ಯೆಗೆ ಯತ್ನಿಸಿದ್ದರಂತೆ. ಆದರೆ ಆಗ ಶೀಜಾನ್ರೇ ಆಕೆಯನ್ನು ರಕ್ಷಿಸಿದ್ದರಂತೆ. ಆ ವಿಷಯವನ್ನು ಶೀಜಾನ್ರ ತಾಯಿಯ ಗಮನಕ್ಕೂ ತಂದಿದ್ದರಂತೆ. ಈ ಬಗ್ಗೆ ಕೆಲವು ಮೊಬೈಲ್ ಸಂದೇಶಗಳ ದಾಖಲೆಗಳನ್ನೂ ಶೀಜಾನ್ ಒದಗಿಸಿರುವುದಾಗಿ ಹೇಳಲಾಗಿದೆ.
ಆದರೆ ತುನಿಶಾರ ಪೋಷಕರು ತಮ್ಮ ಪುತ್ರಿಯ ಸಾವಿಗೆ ಶೀಜಾನ್ ಕಾರಣ, ಆಕೆಯನ್ನು ಬಳಸಿಕೊಂಡು ಮೋಸ ಮಾಡಿದ್ದಾನೆ ಎಂದು ಆರೋಪ ಮಾಡಿದ್ದಾರೆ. ಪೊಲೀಸರು ಸಹ ಶೀಜಾನ್ ನ ವಿಚಾರಣೆ ಬಳಿಕ ತುನಿಶಾರ ಪೋಷಕರು ಹಾಗೂ ಕೆಲವು ಗೆಳೆಯರ ವಿಚಾರಣೆ ನಡೆಸಲಿದ್ದಾರೆ.
ನೇಣು ಬಿಗಿದುಕೊಂಡ ಕಾರಣಕ್ಕೆ ಉಸಿರಾಡಲು ಸಾಧ್ಯವಾಗದೇ ಆಕೆ ಕೊನೆಯುಸಿರೆಳೆದಿರುವುದಾಗಿ ಹೇಳಿದ್ದಾರೆ. ಆಕೆಯ ದೇಹದ ಮೇಲೆ ಯಾವುದೇ ಗಾಯದ ಗುರುತು ಇಲ್ಲ. ತುನಿಷಾ ಶರ್ಮಾ ಆತ್ಮಹತ್ಯೆಯ ಹಿಂದೆ ಯಾವುದೇ ಲವ್ ಜಿಹಾದ್ ಅಂಶ ಕಂಡುಬಂದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಕೆಲವರು ಆಕೆ ಗರ್ಭಿಣಿ ಆಗಿದ್ದಳು ಎಂದು ಅನುಮಾನ ವ್ಯಕ್ತಪಡಿಸಿದ್ದರು. ಆದರೆ ಇದು ಸುಳ್ಳು ಎನ್ನುವುದು ಮರಣೋತ್ತರ ಪರೀಕ್ಷೆ ವರದಿಯಲ್ಲಿ ಗೊತ್ತಾಗಿದೆ. ಈಗಾಗಲೇ ಆಕೆಯ ಮಾಜಿ ಪ್ರಿಯಕರ ಷಿಜಾನ್ ಅಹ್ಮದ್ ಖಾನ್ನ ಪೊಲೀಸರು ಬಂಧಿಸಿದ್ದಾರೆ. ಆತನನ್ನು 4 ದಿನಗಳ ಕಾಲ ಜ್ಯುಡಿಷಿಯಲ್ ಕಸ್ಟಡಿಗೆ ನೀಡಲಾಗಿದೆ.
COOJ Mental Health Foundation (COOJ)- 0832-2252525, ಪರಿವರ್ತನ್- +91 7676 602 602, Connecting Trust- +91 992 200 1122/+91-992 200 4305 or Sahai- 080-25497777/ [email protected]