ಹಾರ್ವರ್ಡ್ ವಿವಿಗೆ ಹೊರಟುನಿಂತ Lecturer ಶಾರೂಕ್‌

ಇತ್ತೀಚೆಗೆ ಒಂದಲ್ಲ ಒಂದು ವಿವಾದದಲ್ಲಿ ಸುಖಾಸುಮ್ಮನೆ ಸಿಲುಕುತ್ತಿರುವ ಬಾಲಿವುಡ್‌ ಬಾದ್ ಷಾ ಶಾರೂಕ್ ಖಾನ್‌ ಅವರನ್ನು ದೂರದ ಅಮೆರಿಕದಿಂದ ಸಂತಸದ ಸುದ್ದಿಯೊಂದು ಹುಡುಕಿಕೊಂಡು ಬಂದಿದೆ.

'ನಮ್ಮ ವಿಶ್ವ ವಿದ್ಯಾಲಯದಲ್ಲಿ ವಿದ್ಯಾರ್ಥಿಗಳಿಗೆ ಅತಿಥಿ ಉಪನ್ಯಾಸ ನೀಡಲು ಬನ್ನಿ' ಎಂದು ಖ್ಯಾತ ನಟ ಶಾರೂಕ್ ಅವರಿಗೆ ಅಮೆರಿಕದ ಪ್ರತಿಷ್ಠಿತ Harvard ವಿವಿ ಆಹ್ವಾನ ನೀಡಿದೆ.

ಈ ಮಧ್ಯೆ, ಮುಂದಿನ ಮಾರ್ಚ್‌ ತಿಂಗಳಲ್ಲಿ ತನ್ನ ಕ್ಯಾಂಪಸ್‌ ಗೆ ಬಂದು ವಿದ್ಯಾರ್ಥಿಗಳಿಗೆ ಉಪನ್ಯಾಸ ನೀಡುವಂತೆ ಹಾರ್ವರ್ಡ್ ವಿವಿ ಶಾರೂಕ್‌ಗೆ ಮನವಿ ಮಾಡಿಕೊಂಡಿದೆ.

ಇಷ್ಟಕ್ಕೂ ಶಾರೂಕ್ ಏನಪ್ಪಾ ಓದಿದ್ದಾರೆ ಅಂದರೆ ಅವರು economics ವಿಷಯದಲ್ಲಿ ಪದವಿ ಪಡೆದಿದ್ದಾರೆ. ಚಿತ್ರ ನಿರ್ಮಾಣದ ಜತೆಗೆ VFX ಎಂಬ ಕಂಪನಿಯನ್ನು ಯಶಸ್ವಿಯಾಗಿ ಮುನ್ನಡೆಸುತ್ತಿದ್ದಾರೆ. ಇದರಿಂದ ವಿಶ್ವದ ಅತಿ ದೊಡ್ಡ ಚಿತ್ರ ನಿರ್ಮಾಣ ಕ್ಷೇತ್ರದಲ್ಲಿನ economicsಗೆ ಸಂಬಂಧಿಸಿದಂತೆ ಅವರು ವಿದ್ಯಾರ್ಥಿಗಳಿಗೆ ಉಪನ್ಯಾಸ ನೀಡುವ ಸಾಧ್ಯತೆಯಿದೆ.