ಸಲ್ಮಾನ್ ದಾರಿಯಲ್ಲಿ ಶಾರುಖ್ ವಿರುದ್ಧ ಅಮೀರ್ ನಡೆ

ಟೆಲಿ ಶೋ 'ಸತ್ಯಮೇವ ಜಯತೆ' ಉದ್ಘಾಟನಾ ಸಮಾರಂಭದ ಪ್ರೆಸ್ ಕಾನ್ಫರೆನ್ಸ್ ನಲ್ಲಿ ಅಮಿರ್ ಖಾನ್, ಶಾರುಖ್ ಬಗ್ಗೆ ಕೇಳಲಾದ ಪ್ರಶ್ನೆಗೆ ಅಸಡ್ಡೆ ವ್ಯಕ್ತಪಡಿಸಿದರು. ಅಮೀರ್ ಹೇಳಿದ ಮಾತು "ನಾನು ಅಮಿತಾಬ್ ರ 'ಕೌನ್ ಬನೇಗಾ ಕರೋಡ್ ಪತಿ' ಅಭಿಮಾನಿ. ಹೃತಿಕ್ ಡಾನ್ಸ್ ಶೋ ಹಾಗೂ ಸಲ್ಮಾನ್ ರ 'ದಸ್ ಕಾ ದಮ್' ಕಾರ್ಕ್ರಮಗಳನ್ನು ನೋಡಿ ಬಹಳಷ್ಟು ಎಂಜಾಯ್ ಮಾಡಿದ್ದೇನೆ. ಆದರೆ 'ಬಿಗ್ ಬಾಸ್' ನೋಡಿಲ್ಲ" ಎಂದಿದ್ದಾರೆ.

ಕೆಬಿಸಿ ಮೂರನೇ ಆವೃತ್ತಿ ಹಾಗೂ 'ಜೋರ್ ಕಾ ಜಟಕಾ', ಕ್ಯಾ ಆಪ್ ಪಾಂಚವಿ ಪಾಸ್ ಸೇ ತೇಜ್ ಹೈ' ಯನ್ನು ಹೋಸ್ಟ್ ಮಾಡಿದ ಶಾರುಖ್ ಬಗ್ಗೆ ಪ್ರತ್ಯೇಕವಾಗಿ ಕೇಳಲಾಗಿ "ನಾನು ಗೇಮ್ ಶೋದಲ್ಲಿ ಭಾಗವಹಿಸಲು ಇಷ್ಟಪಡುತ್ತೇನೆ, ಆದರೆ ಅದನ್ನು ಹೋಸ್ಟ್ ಮಾಡಲು ನನಗಿಷ್ಟವಿಲ್ಲ" ಎನ್ನುವ ಮೂಲಕ ಶಾರುಖ್ ಬಗ್ಗೆ ಹೇಳುವುದನ್ನು ತಪ್ಪಸಿಕೊಂಡಿದ್ದಾರೆ. ಇವೆಲ್ಲ ಎಲ್ಲಿಯವರೆಗೋ..! (ಏಜೆನ್ಸೀಸ್)