ನಟಿ ಮಂದಿರಾ ಬೇಡಿಗೆ ಗಂಡು ಮಗು

ಕ್ರಿಕೆಟ್ ಕಾಮೆಂಟರಿ ಮೂಲಕ ಹೆಸರುವಾಸಿಯಾಗಿದ್ದ ನಟಿ ಮಂದಿರಾ ಬೇಡಿ ಈಗ ಅಮ್ಮನಾಗಿದ್ದಾರೆ. ಅವರು ಅಪ್ಪಂದಿರ ದಿನದಂದು ತನ್ನ ಪತಿ ರಾಜ್ ಕುಶಾಲ್‌ ಕೈಗೆ ಮುದ್ದಾದ ಗಂಡು ಮಗುವನ್ನು ಕೊಟ್ಟಿದ್ದಾರೆ. ಮದುವೆಯಾದ ಹನ್ನೊಂದು ವರ್ಷಗಳ ಬಳಿಕ ತಾಯಿಯ ಸೌಭಾಗ್ಯ ಕಾಣುತ್ತಿದ್ದಾರೆ ನಟಿ ಮಂದಿರಾ ಬೇಡಿ.

ಮುಂಬೈನ ಲೀಲಾವತಿ ಆಸ್ಪತ್ರೆಯಲ್ಲಿ ಗಂಡು ಮಗುವಿಗೆ ಮಂದಿರಾ ಜನ್ಮ ನೀಡಿದ್ದಾರೆ. ಮುದ್ದಾದ ಮಗುವಿಗೆ ವಿರ್ ಎಂದು ನಾಮಕರಣ ಮಾಡಿದ್ದಾರೆ ಮಂದಿರಾ ಕುಶಾಲ್ ದಂಪತಿಗಳು. ರಾಜ್ ಕುಶಾಲ್ ಮಾತನಾಡುತ್ತಾ, ನನಗಂತೂ ತುಂಬಾ ಸಂತಸವಾಗುತ್ತಿದೆ. ತಾಯಿ ಮತ್ತು ಮಗು ಇಬ್ಬರೂ ಸೂಪರ್. ಈ ಸಂಭ್ರಮವನ್ನು ಇಬ್ಬರೂ ಹಂಚಿಕೊಳ್ಳುತ್ತಿದ್ದೇವೆ ಎಂದಿದ್ದಾರೆ.

ರಾಜ್ ಕುಶಾಲ್ ಅವರನ್ನು ಮದುವೆಯಾದ ಬಳಿಕ ಸುದೀರ್ಘ ಸಮಯ ಕಾದರೂ ಮಂದಿರಾ ಬೇಡಿಗೆ ಸಂತಾನ ಭಾಗ್ಯ ಸಿಕ್ಕಿರಲಿಲ್ಲ. ಕೆಲ ತಿಂಗಳ ಹಿಂದಿನಿಂದಲೂ ಮಂದಿರಾ ಗರ್ಭಿಣಿ ಎಂಬ ಸುದ್ದಿ ಬಾಲಿವುಡ್‌ನಲ್ಲಿ ಖುಲ್ಲಂ ಖುಲ್ಲ ಸದ್ದು ಮಾಡಿತ್ತು. (ಏಜೆನ್ಸೀಸ್)