ಕೊಲವೆರಿ ಡಿ ಹಾಡಿಗೆ ಸೊಂಟ ಬಳುಕಿಸಿದ ಕರೀನಾ

ರಜನಿಕಾಂತ್ ಅಳಿಯ ಧನುಷ್ ಹಾಡಿರುವ "ವೈ ದಿಸ್ ಕೊಲವೆರಿ ಡಿ" ಹಾಡಿಗೆ ಬಾಲಿವುಡ್ ತಾರೆ ಕರೀನಾ ಕಪೂರ್ ಸೊಂಟ ಬಳುಕಿಸಿದ್ದಾರೆ. ಆದರೆ ತೆರೆಯ ಮೇಲೆ ಅಲ್ಲ. ಶೆವರ್ಲೆ ಅಪ್ಸರಾ ಪ್ರಶಸ್ತಿ 2012 ಪ್ರದಾನ ಸಮಾರಂಭದಲ್ಲಿ.

ಬುಧವಾರ ಸಂಜೆ (ಜ.25) ಮುಂಬೈನ ಯಶ್‌ರಾಜ್ ಸ್ಟುಡಿಯೋದಲ್ಲಿ ನಡೆದ ವರ್ಣರಂಜಿತ ಕಾರ್ಯಕ್ರಮದಲ್ಲಿ ಕರೀನಾ ಹೆಜ್ಜೆ ಹಾಕಿದ್ದು ವಿಶೇಷವಾಗಿತ್ತು. ಇದಿಷ್ಟೇ ಅಲ್ಲದೆ 'ದಿ ಡರ್ಟಿ ಪಿಕ್ಚರ್‌'ನ (ತೆಲುಗು ಡಬ್ಬಿಂಗ್) ಹಾಡಿಗೂ ಕರೀನಾ ಕಪೂರ್ ಹೆಜ್ಜೆ ಹಾಕಿದರು.

ತೆಲುಗು ಮತ್ತು ತಮಿಳಿನ ಹಲವು ಜನಪ್ರಿಯ ಹಾಡುಗಳಿಗೂ ಕರೀನಾ ಸೊಂಟ ಬಳುಕಿಸಿ ಸಭಿಕರನ್ನು ರಂಜಿಸಿದರು. ಬಾಲಿವುಡ್ ಮತ್ತೊಬ್ಬ ಬೆಡಗಿ ಅಮಿಷಾ ಪಟೇಲ್ ಕೂಡ ದಿ ಡರ್ಟಿ ಪಿಕ್ಚರ್‌ನ ಊ ಲಾ ಲಾ ಹಾಗೂ ಅಗ್ನಿಪಥ್ ಚಿತ್ರದ ಚಿಕಿನಿ ಚಮೇಲಿ ಹಾಡಿಗೆ ಕುಣಿದು ರಂಜಿಸಿದರು. (ಎಜೆನ್ಸೀಸ್)