ವಿದ್ಯಾಬಾಲನ್ ನಟನೆಯ ಹಿಂದಿ ಚಿತ್ರ ಇಷ್ಕಿಯಾ

By Staff

Published: Tuesday, May 26, 2009, 14:52 [IST]

ಸಂಗೀತ ನಿರ್ದೇಶಕ ವಿಶಾಲ್ ಭಾರದ್ವಾಜ್ ನಿರ್ಮಿಸುತ್ತಿರುವ ಹಿಂದಿ ಚಿತ್ರ 'ಇಷ್ಕಿಯಾ.' ನಿರ್ಮಾಣದ ಜವಾಬ್ದಾರಿಯೊಂದಿಗೆ ಈ ಚಿತ್ರಕ್ಕೆ ಸಂಗೀತವನ್ನು ಅವರೇ ಸಂಯೋಜಿಸುತ್ತಿದ್ದಾರೆ. ಅಭಿಷೇಕ್ ಚೌಬೆ ಈ ಚಿತ್ರದನಿರ್ದೇಶಕರು.

ಅರ್ಷದ್ ವಾರ್ಸಿ, ವಿದ್ಯಾಬಾಲನ್ ಜೊತೆಯಾಗಿ ನಟಿಸಿರುವ ಚಿತ್ರ.ನಾಸಿರುದ್ದೀನ್ ಷಾ ಪ್ರಧಾನ ಪಾತ್ರಧಾರಿ. ಕಳ್ಳತನಗಳ ಸುತ್ತಲೂ ಹೆಣೆದುಕೊಂಡ ಚಿತ್ರವಿದು. ನಾಸಿರುದ್ದೀನ್, ಅರ್ಷದ್ ಕಳ್ಳರ ಪಾತ್ರದಲ್ಲಿ ನಟಿಸಿದ್ದಾರೆ. ವಿದ್ಯಾಬಾಲನ್ ರೊಂದಿಗಿನ ಅವರ ಸಂಬಂಧ ಏನು ಎಂಬುದು ಸದ್ಯಕ್ಕೆ ಸಸ್ಪೆನ್ಸ್.

ಈ ಚಿತ್ರ ಬಹುತೇಕ ಮಹರಾಷ್ಟ್ರದಲ್ಲಿ ಚಿತ್ರೀಕರಣಗೊಂಡಿದೆ. ಚಿತ್ರದ ಮುಖ್ಯ ಸನ್ನಿವೇಶಗಳನ್ನು ಉತ್ತರ ಪ್ರದೇಶದಲ್ಲೂ ಚಿತ್ರೀಕರಿಸಲಾಗಿದೆ. ಚಿತ್ರೀಕರಣ ಮುಕ್ತಾಯವಾಗಿದ್ದು ನಿರ್ಮಾಣ ನಂತರದ ಚಟುವಟಿಕೆಗಳಲ್ಲಿದೆ. ಇಷ್ಕಿಯಾ ಚಿತ್ರ ಶೀಘ್ರದಲ್ಲೇ ಪ್ರೇಕ್ಷಕರ ಮುಂದೆ ಬರಲಿದೆ. ಈ ಚಿತ್ರದಲ್ಲಿ ವಿದ್ಯಾಬಾಲನ್, ಅರ್ಷದ್ ನಡುವಿನ ಗುಸುಗುಸು ಸುದ್ದಿಗಳ ನಡುವೆ ಚಿತ್ರ ಬಿಡುಗಡೆಯಾಗುತ್ತಿರುವುದು ಪ್ರೇಕ್ಷಕರಲ್ಲಿ ಬಹಳಷ್ಟು ಕುತೂಹ ಮೂಡಿಸಿದೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)

More from Filmibeat