ಪ್ರಿಯಾಂಕಾ ಚೋಪ್ರಾ ಜೊತೆ ರಾಮ್ ಚರಣ್ ತೇಜ

ಬಾಲಿವುಡ್ ತಾರೆ ಪ್ರಿಯಾಂಕಾ ಚೋಪ್ರಾ ಜೊತೆ ನಟಿಸಲು ಚಿರಂಜೀವಿ ಪುತ್ರ ರಾಮ್ ಚರಣ್ ತೇಜ ತುದಿಗಾಲಲ್ಲಿ ನಿಂತಿದ್ದಾರೆ. ಅಮಿತಾಬ್ ಬಚ್ಚನ್ ಅಭಿನಯದ ಅಪೂರ್ವ ಚಿತ್ರ 'ಝಂಜೀರ್' (1973) ರೀಮೇಕ್ ಮಾಡಲಾಗುತ್ತಿದೆ. ಈ ಚಿತ್ರಕ್ಕೆ ನಾಯಕ ನಟ ರಾಮ್ ಚರಣ್ ತೇಜ.

ಏಪ್ರಿಲ್‌ ಮಧ್ಯಂತರದಲ್ಲಿ ಸೆಟ್ಟೇರಲಿರುವ ಈ ಚಿತ್ರಕ್ಕೆ ಪ್ರಿಯಾಂಕಾ ಚೋಪ್ರಾ ನಾಯಕಿ. ಈ ಹಿಂದೆ ಈ ಚಿತ್ರಕ್ಕೆ ನಾಯಕಿ ದೀಪಿಕಾ ಪಡುಕೋಣೆ ಎಂಬ ಸುದ್ದಿಯಿತ್ತು. ಕಡೆಗೆ ಚಿರು ಪುತ್ರನ ಜೊತೆ ಅಭಿನಯಿಸುವ ಚಾನ್ಸ್ ಪ್ರಿಯಾಂಕಾ ಚೋಪ್ರಾ ಪಾಲಾಗಿದೆ. ಇನ್ನು ಅಧಿಕೃತವಾಗಿ ಸುದ್ದಿ ಹೊರಬೀಳಬೇಕಾಗಿದೆ ಅಷ್ಟೇ.

'ಶೂಟೌಟ್ ಅಟ್ ಲೋಖಾಂಡವಾಲಾ' ಚಿತ್ರ ನಿರ್ದೇಶಿಸಿದ್ದ ಅಪೂರ್ವ ಲಖಿಯಾ ಆಕ್ಷನ್ ಕಟ್‌ನಲ್ಲಿ ಚಿತ್ರ ಮೂಡಿಬರಲಿದೆ. ರಿಲಯನ್ಸ್ ಎಂಟರ್‌ಟೈನ್‌ಮೆಂಟ್ ಸಂಸ್ಥೆಯೊಂದಿಗೆ ಜಂಟಿಯಾಗಿ ಅಮಿತ್ ಮೆಹ್ರಾ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಈ ಚಿತ್ರಕ್ಕೆ ರಾಮ್ ಚರಣ್ ತೇಜಾಗೆ ರು.11 ಕೋಟಿ ಸಂಭಾವನೆ ನೀಡಲಾಗಿದೆಯಂತೆ. (ಏಜೆನ್ಸೀಸ್)