ಮುಖಪುಟ

ಬಾಲಿವುಡ್

'ದಬಾಂಗ್' ಬೆಡಗಿ ಸೋನಾಕ್ಷಿ ಸಿನ್ಹಾ ರು.25 ಲಕ್ಷ ಬೆಲಬಾಳುವ ವಜ್ರಾಭರಣವನ್ನು ಸೆಟ್ಸ್‌ನಲ್ಲಿ ಕಳೆದುಕೊಂಡಿದ್ದಾರೆ. "ದಯವಿಟ್ಟು ಯಾರಿಗಾದರೂ ಸಿಕ್ಕಿದರೆ ಹುಡುಕಿಕೊಡಿ" ಅಂಥ ಮಾತ್ರಅವರು ವಿನಂತಿಸಿಕೊಂಡಿಲ್ಲ. ಸದ್ಯಕ್ಕೆ ಅವರು ವಜ್ರದ ಆಭರಣದಆಸೆ ಬಿಟ್ಟಿದ್ದಾರೆ. 'ಜೋಕರ್' ಚಿತ್ರೀಕರಣದ ವೇಳೆ ಈ ಘಟನೆ ನಡೆದಿದೆ.

ಮೈಮೆಲೆ ವಜ್ರದ ಆಭರಣ ಇಲ್ಲ ಎಂದು ಗೊತ್ತಾಗುತ್ತಿದ್ದಂತೆ, ಅಲ್ಲೆಲ್ಲಾ ಹುಡುಕಾಡಿದ್ದಾರೆ. ಬಳಿಕ ಮರೆತು ಪೆಟ್ಟಿಗೆಯಲ್ಲೇ ಇಟ್ಟಿದ್ದೇನೋ ಏನೋ ಎಂದು ಹೋಗಿ ಹುಡುಕಿದ್ದಾರೆ. ಆದರೆ ಅಲ್ಲೂ ಇರಲಿಲ್ಲ. ಮತ್ತೊಬ್ಬರಾಗಿದ್ದರೆ ಅತ್ತು ರಾದ್ಧಾಂತ ಮಾಡುತ್ತಿದ್ದರೋ ಏನೋ. ಆದರೆ ಸೋನಾಕ್ಷಿ ಮಾತ್ರ ತಡಮಾಡದೆ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ.

ಚಿತ್ರದ ನಿರ್ದೇಶಕ ಶಿರೀಶ್ ಕುಂದರ್ ಅವರ ಹುಟ್ಟುಹಬ್ಬವನ್ನು ಚಿತ್ರತಂಡ ಆಚರಿಸಿಕೊಂಡು ಸಂಭ್ರಮಿಸಬೇಕಾದರೆ ಈ ಘಟನೆ ನಡೆದಿದೆ. ಈ ಘಟನೆಯಿಂದ ಚಿತ್ರತಂಡ ಕೂಡ ಕಿರಿಕಿರಿ ಅನುಭವಿಸುವಂತಾಯಿತು ಎಂದಿದ್ದಾರೆ ಚಿತ್ರದ ನಿರ್ದೇಶಕರು. ಈ ಸಂಬಂಧ ಸೋನಾಕ್ಷಿ ಪೊಲೀಸರಿಗೂ ದೂರು ನೀಡಿದ್ದಾರೆ. (ಏಜೆನ್ಸೀಸ್)