ಆಮಿರ್ ಖಾನ್ 'ಲಾಲ್‌ ಸಿಂಗ್' ಅವತಾರಕ್ಕೆ ಭಾರಿ ಮೆಚ್ಚುಗೆ!

ಹಾಲಿವುಡ್ ಚಿತ್ರದ ರಿಮೇಕ್ 'ಲಾಲ್‌ಸಿಂಗ್ ಚಡ್ಡ'!

'ಲಾಲ್‌ಸಿಂಗ್ ಚಡ್ಡ' ಹಾಲಿವುಡ್‌ನ 'ಫಾರೆಸ್ಟ್ ಗಂಪ್' ಸಿನಿಮಾದ ರಿಮೇಕ್. ಆಮಿರ್ ಖಾನ್‌ರ ಸಿನಿಮಾ ಎಂದರೆ ಅವರ ಪಾತ್ರಗಳ ಬಗ್ಗೆ ಹೆಚ್ಚಿನ ಕುತೂಹಲ ಇರುತ್ತೆ. ಯಾಕೆಂದರೆ ಪ್ರತಿ ಸಿನಿಮಾದಲ್ಲೂ ಆಮಿರ್ ಪಾತ್ರಕ್ಕೆ ವಿಭಿನ್ನ ಟಚ್ ಇದ್ದೆ ಇರುತ್ತೆ. ಹಾಗಾಗಿ ಟ್ರೈಲರ್‌ನಲ್ಲಿ ಕಾಣಿಸಿಕೊಂಡಿವ ಆಮಿರ್ ಪಾತ್ರ ಕುತೂಹಲ ಮೂಡಿಸಿದ್ದಾರೆ.

'ಲಾಲ್‌ಸಿಂಗ್ ಚಡ್ಡ' ರಿಲೀಸ್ ದಿನಾಂಕ ಫಿಕ್ಸ್!

ಚಿತ್ರದ ಟ್ರೈಲರ್ ಜೊತೆಗೆ ಚಿತ್ರದ ರಿಲೀಸ್ ದಿನಾಂಕವನ್ನು ಕೂಡ ಸಿನಿಮಾ ತಂಡ ಪ್ರಕಟ ಮಾಡಿದೆ. ಕೊರೊನಾ ಬಳಿಕ ಸಾಲು, ಸಾಲು ಸಿನಿಮಾಗಳು ರಿಲೀಸ್ ಆಗುತ್ತಿದೆ. ಚಿತ್ರ ರಿಲೀಸ್ ಮಾಡುವುದೇ ದೊಡ್ಡ ಸವಾಲಾಗಿ ಪರಿಣಮಿಸಿದೆ. ಹಾಗಾಗಿ ಈ ಹಿಂದೆ ಏಪ್ರಿಲ್ 14ಕ್ಕೆ ರಿಲೀಸ್ ಆಗ್ಬೇಕಿದ್ದ ಈ ಸಿನಿಮಾ ಕೂಡ ಮುಂದೆಕ್ಕೆ ಹೋಗಿದೆ. ಇದೀಗ ಆಗಸ್ಟ್ 11ಕ್ಕೆ 'ಲಾಲ್‌ಸಿಂಗ್ ಚಡ್ಡ' ಸಿನಿಮಾದ ರಿಲೀಸ್ ದಿನಾಂಕ ಫಿಕ್ಸ್ ಆಗಿದೆ.

100 ಸ್ಥಳಗಳಲ್ಲಿ ಚಿತ್ರದ ಶೂಟಿಂಗ್!

'ಲಾಲ್‌ಸಿಂಗ್ ಚಡ್ಡ' ಸಾಕಷ್ಟು ವಿಚಾರಗಳಲ್ಲಿ ದಾಖಲೆಯನ್ನು ಬರೆಯಲು ಸಜ್ಜಾಗಿದೆ. ಈ ಚಿತ್ರವನ್ನು 200 ದಿನಗಳ ದೀರ್ಘಾವಧಿ ಚಿತ್ರೀಕರಿಸಲಾಗಿದೆ. ನಟ ಆಮಿರ್ ಖಾನ್ 'ಲಗಾನ್' ಚಿತ್ರದ ಬಳಿಕ ಇಷ್ಟು ದಿನಗಳ ಕಾಲ ಕಾಲ್ ಶೀಟ್ ಕೊಟ್ಟಿರುವು ಇದೊಂದೇ ಸಿನಿಮಾಕ್ಕಾಗಿ ಅಂತೆ. ಜೊತೆಗೆ ಭಾರತದಾದ್ಯಂತ ಸುಮಾರು 100ಕ್ಕೂ ಅಧಿಕ ಸ್ಥಳಗಳಲ್ಲಿ ಚಿತ್ರೀಕರಣ ನಡೆದಿದೆ ಎಂದು ವರದಿ ಆಗಿದೆ.

ಆಮಿರ್ ಖಾನ್‌ಗೆ ಅಭಿಮಾನಿಗಳಿಂದ ಮೆಚ್ಚುಗೆ!

ಇನ್ನು ನಟ ಆಮಿರ್ ಖಾನ್ ಸಿನಿಮಾಗಳು, ಒಂದಲ್ಲ ಒಂದು ವಿಚಾರಕ್ಕೆ ಗಮನಸೆಳೆಯುತ್ತವೆ. ಹಾಗೆಯೇ ಆಮಿರ್ ಖಾನ್ ಪಾತ್ರದ ಬಗ್ಗೆ ಸಿಕ್ಕಾಪಟ್ಟೆ ಚರ್ಚೆ ಸೃಷ್ಟಿಯಾಗಿದೆ. ಆಮಿರ್ ಖಾನ್ ವಿಭಿನ್ನ ಲುಕ್‌ಗಳಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಈ ಹಿಂದೆ ತೆರೆಕಂಡ 'ದಂಗಲ್', 'ಪಿಕೆ' ಅಂತಹ ಸಿನಿಮಾಗಳಲ್ಲಿ ಆಮಿರ್ ಖಾನ್ ಹಲವು ಲುಕ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೀಗ ಲಾಗ್ ಸಿಂಗ್ ಚಡ್ಡ ಸಿನಿಮಾದಲ್ಲೂ 3, 4 ಲುಕ್‌ಗಳಲ್ಲಿ ಕಾಣಿಸಿಕೊಂಡಿದ್ದು, ಆಮಿರ್ ಪ್ರಯತ್ನಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.