ಟ್ರೋಲ್ ಮಾಡುವವರಿಗೆ ಮುಲಾಜಿಲ್ಲದೇ ತಿರುಗೇಟು ಕೊಟ್ಟ ಅಭಿಶೇಕ್ ಬಚ್ಚನ್.!

ಎಲ್ಲಾ ಶುರುವಾಗಿದ್ದು ಈ ಟ್ವೀಟ್ ನಿಂದ.!

ಅನುರಾಗ್ ಕಶ್ಯಪ್ ನಿರ್ದೇಶನದ 'ಮನ್ಮರ್ಝಿಯಾ' ಸಿನಿಮಾದಲ್ಲಿ ಅಭಿಶೇಕ್ ಬಚ್ಚನ್ ಅಭಿನಯಿಸಿದ್ದಾರೆ. ''ಸೆಪ್ಟೆಂಬರ್ 21 ರಂದು 'ಮನ್ಮರ್ಝಿಯಾ' ಬಿಡುಗಡೆ ಆಗುವ ಮುನ್ನವೇ ಟೊರೆಂಟೋ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನ ಆಗಲಿದೆ'' ಎಂದು ಅನುರಾಗ್ ಕಶ್ಯಪ್ ಟ್ವೀಟ್ ಮಾಡಿದ್ದರು. ಈ ಟ್ವೀಟ್ ನೋಡಿ ಹಲವರು ಅಭಿಶೇಕ್ ಬಚ್ಚನ್ ಕಾಲೆಳೆಯಲು ಶುರು ಮಾಡಿದರು.

ಟ್ರೋಲ್ ಶುರು

''ಕೆಕೆ ಮೆನನ್ ರಿಂದ ಹಿಡಿದು ಜಾನ್ ಅಬ್ರಹಾಂ, ಅಭಯ್ ಡಿಯೋಲ್, ಮನೋಜ್ ಬಾಜ್ಪೈ, ವಿಕ್ಕಿ ಕೌಶಲ್... ಎಲ್ಲರೂ ಒಳ್ಳೆಯ ಆಯ್ಕೆ. ಆದ್ರೆ, ಅಭಿಶೇಕ್ ಬಚ್ಚನ್ ಯಾಕೆ.? ನೀವು ಕೆ.ಜೋ (ಕರಣ್ ಜೋಹರ್) ಖಾಯಿಲೆಯಿಂದ ಬಳಲುತ್ತಿದ್ದೀರಾ.? ಸಿನಿಮಾ ತಾರೆಯರನ್ನು ಪ್ರೀತಿಸುವ ಕೆಲಸ ಇದು'' ಎಂದು ಟ್ರೋಲಿಗರೊಬ್ಬರು ಟ್ವೀಟ್ ಮಾಡಿದರು.

ವ್ಯಂಗ್ಯವಾಗಿ ಉತ್ತರ ಕೊಟ್ಟ ಅಭಿಶೇಕ್ ಬಚ್ಚನ್.!

''ಅವರು ನನ್ನನ್ನ ಸಿನಿಮಾ ತಾರೆ ಎಂದು ಕರೆದರು.!'' ಎಂದು ವ್ಯಂಗ್ಯವಾಗಿ ಅಭಿಶೇಕ್ ಬಚ್ಚನ್ ಟ್ವೀಟ್ ಮಾಡುತ್ತಿದ್ದಂತೆಯೇ ''ನಾನು ಹೇಳಲು ಹೊರಟ್ಟಿದ್ದು ಸಿನಿಮಾ ತಾರೆಯ ಮಗ ಅಂತ. ಕರಣ್ ಜೋಹರ್ ಫ್ರೆಂಡ್ ಸರ್ಕಲ್ ನಲ್ಲಿ ಇರುವ ಕಾರಣ ಆಯ್ಕೆಗಳು ಅವರಂತೆಯೇ ಇರುತ್ತದೆ. ರಣ್ಬೀರ್, ಅಭಿಶೇಕ್.. ಮುಂದೇನು ತುಷಾರ್ ಕಪೂರ್?'' ಎಂದು ಆ ಟ್ರೋಲಿಗ ಸ್ಪಷ್ಟನೆ ನೀಡಿದ. ಆಗ, ''ಓ.. ನೀವು ಅರ್ಥೈಸಿದ್ದು ಹಾಗಾ... ಆಯ್ತು ಅದನ್ನ ನಾನು Freudian slip ಅಂತ ಪರಿಗಣಿಸುವೆ. ತುಷಾರ್ ಕಪೂರ್ ಕೂಡ ಉತ್ತಮ ಆಯ್ಕೆಯೇ'' ಎಂದು ಅಭಿಶೇಕ್ ಬಚ್ಚನ್ ಚಾಟಿ ಬೀಸಿದರು.

ದುಡ್ಡು ಹೇಗೆ ಬಂತು.?

''ಮೂರು ವರ್ಷಗಳಿಂದ ಕೆಲಸ ಮಾಡಿಲ್ಲ. ಆದ್ರೆ, ಫಾರಿನ್ ನಲ್ಲಿ ಟ್ರಿಪ್ ಮಾಡಲು ದುಡ್ಡು ಇದೆ. ಹೇಗೆ.?'' ಎಂದು ಇನ್ನೊಬ್ಬ ಟ್ವೀಟ್ ಮಾಡಿದ್ದಕ್ಕೆ, ''ಯಾಕಂದ್ರೆ, ನಟನೆ ಹಾಗೂ ಚಿತ್ರ ನಿರ್ಮಾಣ ಬಿಟ್ಟು ಬೇರೆ ಬಿಸಿನೆಸ್ ಗಳನ್ನೂ ನಾನು ನೋಡಿಕೊಳ್ಳುತ್ತೇನೆ. ಅದರಲ್ಲಿ ಕ್ರೀಡೆ ಕೂಡ ಒಂದು'' ಎನ್ನುವ ಮೂಲಕ ಟ್ರೋಲ್ ಮಾಡಿದವರೆಲ್ಲರ ಬಾಯಿ ಮುಚ್ಚಿಸಿದ್ದಾರೆ ಅಭಿಶೇಕ್ ಬಚ್ಚನ್.