ಟಬುಗೆ ಜಾಕಿಶ್ರಾಫ್ ಲೈಂಗಿಕ ಕಿರುಕುಳ ನೀಡಿದ್ದು ನಿಜಾನಾ? ಅದೇ ಕಾರಣಕ್ಕೆ ಇಬ್ಬರೂ ಒಟ್ಟಿಗೆ ನಟಿಸಲಿಲ್ವಾ?

ಅಂದು ಪಾರ್ಟಿಯಲ್ಲಿ ಆಗಿದ್ದೇನು?

1986ರಲ್ಲಿ ಜಾಕಿಶ್ರಾಫ್ ಹಾಗೂ ಫರಾ ನಾಝ್ ನಟನೆಯ ಸಿನಿಮಾ ಚಿತ್ರೀಕರಣ ಮಾರೀಷಸ್‌ನಲ್ಲಿ ನಡೀತಿತ್ತು. ಚಿತ್ರದ ಮುಖ್ಯಪಾತ್ರದಲ್ಲಿ ನಟಿಸ್ತಿದ್ದ ಡೇನಿ ಡೆಂಗ್ಜೋವಾ ಅಲ್ಲೇ ಇದ್ದ ತಮ್ಮ ಮನೆಯಲ್ಲಿ ಪಾರ್ಟಿ ಆಯೋಜಿಸಿದ್ದರು. ಪಾರ್ಟಿಯಲ್ಲಿ ಸಹೋದರಿ ಜೊತೆ ಟಬು ಕೂಡ ಭಾಗಿ ಆಗಿದ್ದರು. ಫರಾ ಕುಡಿದು ಪ್ರಜ್ಞೆ ತಪ್ಪಿದಾಗ ಅದನ್ನು ನೋಡಿ ಟಬು ಆತಂಕಗೊಂಡಿದ್ದರು. ಇದೇ ಸಮಯದಲ್ಲಿ ಕುಡಿದ ಮತ್ತಿನಲ್ಲಿ ನಟ ಜಾಕಿಶ್ರಾಫ್ ಟಬುಗೆ ಲೈಂಗಿಕ ಕಿರುಕುಳ ನೀಡಿದ್ದರಂತೆ. ಕೂಡಲೇ ಅಲ್ಲೇ ಇದ್ದ ಡೇನಿ ಡೆಂಗ್ಜೋವಾ ಪರಿಸ್ಥಿತಿಯನ್ನು ತಿಳಿಗೊಳಿಸಿ ಇಬ್ಬರನ್ನು ಅಲ್ಲಿಂಗ ಕಳುಹಿಸಿಕೊಟ್ಟಿದ್ದರಂತೆ.

ಘಟನೆ ಬಗ್ಗೆ ಟಬು ಮೌನ!

ಅಂದು ಪಾರ್ಟಿಯಲ್ಲಿ ನಡೆದ ಘಟನೆ ಬಗ್ಗೆ ಯಾರು ಮಾತನಾಡಿರಲಿಲ್ಲ. ಆದರೆ ನಟಿ ಫರಾ ನಾಝ್ ತನ್ನ ಸಹೋದರಿ ವಿಚಾರದಲ್ಲಿ ಜಾಕಿಶ್ರಾಫ್ ವರ್ತನೆ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದರು. ಈ ಬಗ್ಗೆ ಭಾರೀ ಆರೋಪಗಳನ್ನು ಮಾಡಿದ್ದರು. ಇದು ಅವತ್ತಿನ ಕಾಲಕ್ಕೆ ದೊಡ್ಡದಾಗಿ ಸದ್ದು ಮಾಡಿತ್ತು. ಆದರೆ ಈ ಬಗ್ಗೆ ಟಬು ಮಾತ್ರ ಮಾತನಾಡುವ ಗೋಜಿಗೇ ಹೋಗಲಿಲ್ಲ. ಬಾಲಿವುಡ್‌ನ ಸಾಕಷ್ಟು ಜನ ನಟರ ಜೊತೆ ನಟಿಸಿದ ಈ ಚೆಲುವೆ ಜಾಕಿಶ್ರಾಫ್ ಜೋಡಿಯಾಗಿ ಮಾತ್ರ ನಟಿಸಲೇ ಇಲ್ಲ. ಅಂದು ಪಾರ್ಟಿಯಲ್ಲಿ ನಡೆದ ಘಟನೆಯಿಂದಲೇ ಇವರಿಬ್ಬರು ನಟಿಸಲಿಲ್ಲ ಎಂದು ಹೇಳಲಾಗುತ್ತದೆ.

ಹೈದರಾಬಾದ್‌ನಲ್ಲಿ ಹುಟ್ಟಿಬೆಳೆದ ಟಬು

ಹೈದರಾಬಾದ್‌ನ ಮುಸ್ಲಿಂ ಕುಟುಂಬದಲ್ಲಿ ಹುಟ್ಟಿ ಬೆಳೆದ ನಟಿ ಟಬು ಅಲ್ಲೇ ಸೆಂಟ್ ಆನ್ಸ್ ಶಾಲೆಯಲ್ಲಿ ಎಸ್‌ಎಸ್‌ಎಲ್‌ಸಿ ಮುಗಿಸಿದ್ದರು. ನಂತರ ಅಲ್ಲಿಂದ ಮುಂಬೈಗೆ ಶಿಫ್ಟ್ ಆಗಿದ್ದ ಚೆಲುವೆ ಸೆಂಟ್ ಜೇವಿಯರ್ಸ್ ಕಾಲೇಜ್‌ನಲ್ಲಿ ಪಿಯುಸಿ ಮುಗಿಸಿದ್ದರು. ಹೈದರಾಬಾದ್‌ನಲ್ಲಿ ಓದುತ್ತಿರುವಾಗಲೇ ಟಬು, ಸ್ಮಿತಾಪಾಟೀಲ್ ಅಭಿನಯದ 'ಬಜಾರ್' ಚಿತ್ರದಲ್ಲಿ ಬಾಲನಟಿಯಾಗಿ ನಟಿಸಿದ್ದಾರೆ. ನಂತರ 1985ರಲ್ಲಿ ದೇವಾನಂದ್‌ ನಟನೆಯ 'ಹಮ್‌ ನವ್‌ ಜವಾನ್‌' ಚಿತ್ರದಲ್ಲಿ ಟೀನೇಜ್‌ ಹುಡುಗಿಯಾಗಿ ಮಿಂಚಿದ್ದರು. ಆ ನಂತರ ತೆಲುಗು ಸಿನಿಮಾ ಮೂಲಕ ನಾಯಕಿಯಾಗಿ ಪರಿಚಿತರಾದರು.

ಸೂಪರ್ ಹಿಟ್ ಚಿತ್ರಗಳಲ್ಲಿ ಟಬು ನಟನೆ

ಆರಂಭದಲ್ಲಿ ಬಾಲಿವುಡ್ ಸಿನಿಮಾಗಳು ಸೋಲುಂಡರು ನಿಧಾನವಾಗಿ ಟಬು ಬಾಲಿವುಡ್ ಪ್ರೇಕ್ಷಕರ ಮನಗೆದ್ದರು. 'ವಿರಾಸತ್, 'ಬಾರ್ಡರ್', 'ಚಾಚೀ 420', 'ತಕ್ಷಕ್', 'ಚಾಂದಿನಿ ಬಾರ್', 'ಮಕ್ಬೂಲ್', 'ಚೀನೀ ಕಮ್', 'ಹೈದರ್', 'ಅಂಧಾದುನ್' ಟಬು ನಟನೆಯ ಕೆಲ ಪ್ರಮುಖ ಸಿನಿಮಾಗಳು. ಬೋಲ್ಡ್ ಅವತಾರದಿಂದ ಮೋಡಿ ಮಾಡಿದ್ದು ಅಷ್ಟೇ ಅಲ್ಲ, ಟಬು ಅದ್ಬುತ ಅಭಿನಯದಿಂದಲೂ ಮೋಡಿ ಮಾಡಿದ್ದಾರೆ. ಇತ್ತೀಚೆಗೆ 'ಅಲಾ ವೈಕುಂಟಪುರಂಲೋ' ತೆಲುಗು ಚಿತ್ರದಲ್ಲಿ ಪೋಷಕ ನಟಿಯಾಗಿ ನಟಿಸಿದ್ದರು. ಇದಕ್ಕಾಗಿ ಸೈಮಾ ಅವಾರ್ಡ್ ಕೂಡ ಟಬುಗೆ ಸಿಕ್ಕಿತ್ತು.