ಅಪರೂಪಕ್ಕೆ ಸಹನಟಿಯ ಹೊಗಳಿದ ಕಂಗನಾ, ಅಚ್ಚರಿ ವ್ಯಕ್ತಪಡಿಸಿದ ನೆಟ್ಟಿಗರು

ಪ್ರಿಯಾಂಕಾ ಚೋಪ್ರಾ ಅನ್ನು ಹೊಗಳಿದ ಕಂಗನಾ

ಹೌದು, ಕಂಗನಾ ರಣೌತ್, ಖ್ಯಾತ ನಟಿ ಪ್ರಿಯಾಂಕಾ ಚೋಪ್ರಾ ಅವರನ್ನು ಹೊಗಳಿದ್ದಾರೆ. ಕಂಗನಾ ತನ್ನ ಸಿನಿಜೀವನದ ಆರಂಭ ದಿನದಲ್ಲಿದ್ದಾಗ ಪ್ರಿಯಾಂಕಾ ಚೋಪ್ರಾ ಜೊತೆಗೆ ಫ್ಯಾಷನ್ ಸಿನಿಮಾದಲ್ಲಿ ನಟಿಸಿದ್ದರು. ಆ ಸಿನಿಮಾದ ನೆನಪುಗಳನ್ನು ಮೆಲುಕು ಹಾಕಿ, ಪ್ರಿಯಾಂಕಾ ಚೋಪ್ರಾರನ್ನು ಹೊಗಳಿದ್ದಾರೆ ಕಂಗನಾ.

ನನ್ನನ್ನು ಹೊಸಬಳಂತೆ ಕಾಣುತ್ತಿರಲಿಲ್ಲ ಪ್ರಿಯಾಂಕಾ: ಕಂಗನಾ

ಫ್ಯಾಷನ್ ಸಿನಿಮಾದ ಸೆಟ್‌ನಲ್ಲಿ ಪ್ರಿಯಾಂಕಾ ಒಮ್ಮೆಯೂ ಸಹ ನನ್ನನ್ನು ಹೊಸಬರಂತೆ ಅಥವಾ ಜೂನಿಯರ್ ನಟಿ ಎಂಬಂತೆ ಕಾಣಲಿಲ್ಲ. ಆಕೆ ಸದಾ ನನ್ನನ್ನು ಗೆಳತಿಯಂತೆಯೇ ನೋಡಿದ್ದರು, ನನ್ನೊಂದಿಗೆ ಆಹಾರ ಹಂಚಿಕೊಂಡು ತಿನ್ನುತ್ತಿದ್ದರು, ನನ್ನ ಸಲಹೆಗಳನ್ನು ಸಹ ಕೇಳಿ ಪಡೆಯುತ್ತಿದ್ದರು ಎಂದಿದ್ದಾರೆ ನಟಿ ಕಂಗನಾ.

ಪ್ರಿಯಾಂಕಾ ಚೋಪ್ರಾಳ ಸಿನಿಮಾ ನೋಡಿ ಬೆಳೆದಿದ್ದೆ: ಕಂಗನಾ

'ಫ್ಯಾಷನ್ ಸಿನಿಮಾ ಮಾಡುವ ಹೊತ್ತಿಗೆ ಪ್ರಿಯಾಂಕಾ ದೊಡ್ಡ ಸ್ಟಾರ್, ನಾನು ಆಕೆಯ ಸಿನಿಮಾಗಳನ್ನು ನೋಡಿ ಬೆಳೆದಿದ್ದೆ, ಸೆಟ್‌ನಲ್ಲಿ ಸಹ ಆಕೆಯನ್ನು ಅಚ್ಚರಿಯಿಂದ ನೋಡುತ್ತಿದ್ದೆ, ಆದರೆ ಆಕೆ ಎಲ್ಲರೊಂದಿಗೆ ಸರಳವಾಗಿ ಬೆರೆಯುತ್ತಿದ್ದರು, ಆಕೆ ಬಹಳ ಕೂಲ್' ಎಂದಿದ್ದಾರೆ ಕಂಗನಾ.

ರಾಷ್ಟ್ರಪ್ರಶಸ್ತಿ ನಿರೀಕ್ಷೆ ಮಾಡಿರಲಿಲ್ಲ: ಕಂಗನಾ

ಫ್ಯಾಷನ್ ಸಿನಿಮಾಕ್ಕಾಗಿ ರಾಷ್ಟ್ರ ಪ್ರಶಸ್ತಿ ಸಿಕ್ಕ ಬಗ್ಗೆ ಮಾತನಾಡಿದ ಕಂಗನಾ, ರಾಷ್ಟ್ರ ಪ್ರಶಸ್ತಿಯನ್ನು ನಾನು ನಿರೀಕ್ಷಿಸಿರಲಿಲ್ಲ. ಅದಕ್ಕೂ ಮುನ್ನಾ ಗ್ಯಾಂಗ್‌ಸ್ಟರ್‌ ಹಾಗೂ ವೋ ಲಮ್ಹೆ ಸಿನಿಮಾಗಳಲ್ಲಿ ನಾನು ಒಳ್ಳೆಯ ನಟನೆ ನೀಡಿದ್ದೆ, ಆದರೆ ಅದಕ್ಕೆ ರಾಷ್ಟ್ರ ಪ್ರಶಸ್ತಿ ಸಿಗದೆ ಫ್ಯಾಷನ್‌ಗೆ ಸಿಕ್ಕಾಗ ನನಗೆ ಆಶ್ಚರ್ಯವಾಗಿತ್ತು ಎಂದಿದ್ದಾರೆ ಕಂಗನಾ.

Recommended Video

ಮುನಿರತ್ನ ಬೆಂಬಲಕ್ಕೆ ಅಣ್ಣ ದರ್ಶನ್ ಜೊತೆಗೆ ಬಂದ ಅಮೂಲ್ಯ | Darshan | Amulya | Munirathna

ಪ್ರಿಯಾಂಕಾ-ಕಂಗನಾ ಗೆ ರಾಷ್ಟ್ರಪ್ರಶಸ್ತಿ

ಫ್ಯಾಷನ್ ಸಿನಿಮಾ ಬಿಡುಗಡೆಯಾಗಿ ಅಕ್ಟೋಬರ್ 29 ಕ್ಕೆ ಹನ್ನೆರಡು ವರ್ಷವಾಯಿತು. ಆ ಸಿನಿಮಾಕ್ಕಾಗಿ ಪ್ರಿಯಾಂಕಾ ಚೋಪ್ರಾಗೆ ಅತ್ಯುತ್ತಮ ನಾಯಕ ನಟಿ ರಾಷ್ಟ್ರಪ್ರಶಸ್ತಿ ಹಾಗೂ ಕಂಗನಾ ಗೆ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ ದೊರಕಿತ್ತು. ಫ್ಯಾಷನ್ ಸಿನಿಮಾ ಕಂಗನಾ ರ ಇಮೇಜ್ ಅನ್ನೇ ಬದಲಾಯಿಸಿತು.