'ಸಾಹೋ' ರಿಜೆಕ್ಟ್ ಮಾಡಿದ ಶ್ರದ್ಧಾ, 'ಬಾಹುಬಲಿ' ಪ್ರಭಾಸ್ ಬಗ್ಗೆ ಹೇಳಿದ್ದೇನು?

ಟ್ವಿಟ್ಟರ್ ಸಂಭಾಷಣೆ

ನಟಿ ಶ್ರದ್ಧಾ ಕಪೂರ್ ಇತ್ತೀಚೆಗೆ ತಮ್ಮ 'ಹಸೀನಾ ಪಾರ್ಕರ್' ಚಿತ್ರದ ಪ್ರಮೋಷನ್ ಗಾಗಿ ಅಭಿಮಾನಿಗಳೊಂದಿಗೆ ಟ್ವಿಟ್ಟರ್ ನಲ್ಲಿ ಸಂಭಾಷಣೆ ನಡೆಸುತ್ತಿದ್ದರು. ಈ ವೇಳೆ ಅಭಿಮಾನಿಯೊಬ್ಬರು 'ಬಾಹುಬಲಿ' ಪ್ರಭಾಸ್ ಬಗ್ಗೆ ನಿಮ್ಮ ಅಭಿಪ್ರಾಯ ಹೇಳಿ ಎಂದು ಪ್ರಶ್ನಿಸಿದ್ದರು. ಅದಕ್ಕೆ ಶ್ರದ್ಧಾ ಉತ್ತರ ಮುಂದಿನಂತಿದೆ.

ಪ್ರಭಾಸ್ ರನ್ನು ಪ್ರಶಂಸಿಸಿದ ಶ್ರದ್ಧಾ

ಅಭಿಮಾನಿಯೊಬ್ಬ 'ಪ್ರಭಾಸ್ ಬಗ್ಗೆ ಒಂದು ಪದದಲ್ಲಿ ಹೇಳಿ #ಹಸೀನಾ' ಎಂದು ಟ್ವೀಟ್ ಮಾಡಿದ್ದರು. ಅದಕ್ಕೆ ಶ್ರದ್ಧಾ ಕಪೂರ್ ರೀಪ್ಲೇ ಮಾಡಿ 'ನ್ಯೂ ಬ್ಲಾಕ್‌ಬಸ್ಟರ್ ಕಿಂಗ್' ಎಂದು ಉತ್ತರಿಸಿದ್ದರು. ಡಾರ್ಲಿಂಗ್ ಪ್ರಭಾಸ್ ಅಭಿಮಾನಿಗಳೆಲ್ಲಾ ಈ ಉತ್ತರಕ್ಕೆ ಖುಷಿಯಾಗದೇ ಇರಲಾರರು.

'ಸಾಹೋ'ಗೆ ಮೊದಲ ಆಯ್ಕೆ ಶ್ರದ್ಧಾ

'ಬಾಹುಬಲಿ' ನಂತರ ಪ್ರಭಾಸ್ ನಟಿಸುತ್ತಿರುವ 'ಸಾಹೋ' ಚಿತ್ರ ತೆಲುಗು. ತಮಿಳು, ಹಿಂದಿ ಭಾಷೆಗಳಲ್ಲಿ ಮೂಡಿಬರುತ್ತಿದೆ. ಈ ಚಿತ್ರದ ಫೀಮೇಲ್ ಲೀಡ್ ಕ್ಯಾರೆಕ್ಟರ್ ಗೆ ಮೊದಲು ಶ್ರದ್ಧಾ ಕಪೂರ್ ಅವರನ್ನು ಅಪ್ರೋಚ್ ಮಾಡಲಾಗಿತ್ತು. ಈ ಬಗ್ಗೆ ಇಂಡಿಯಾ.ಕಾಂ ವರದಿ ಸಹ ಮಾಡಿತ್ತು.

ಸಂಭಾವನೆ ಕಾರಣ ಹಿಂದೆ ಸರಿದ ಚಿತ್ರತಂಡ

ನಟಿ ಶ್ರದ್ಧಾ ಕಪೂರ್ 'ಸಾಹೋ' ಚಿತ್ರದಲ್ಲಿ ನಟಿಸಲು ಬರೋಬರಿ 8 ಕೋಟಿ ಬೇಡಿಕೆ ಇಟ್ಟಿದ್ದರಂತೆ. ಈ ಹಣ ನೀಡಲು ಚಿತ್ರತಂಡ ಸಾಧ್ಯವಾಗದಿದ್ದಾಗ ಶ್ರದ್ಧಾ ಚಿತ್ರಕ್ಕೆ ನೋ ಎಂದಿದ್ದರು. ಅಲ್ಲದೇ ತೆಲುಗು ಸಿನಿ ಅಂಗಳದಲ್ಲಿ ನಟಿಯರಿಗೆ ಈ ಸಂಭಾವನೆ ಬಹುದೊಡ್ಡ ಮೊತ್ತವೇ ಆದ್ದರಿಂದ ಚಿತ್ರತಂಡ ಶಾಕ್ ಸಹ ಆಗಿತ್ತು. ಆದರೆ ಈವರೆಗೂ 'ಸಾಹೋ' ಚಿತ್ರಕ್ಕೆ ನಟಿ ಆಯ್ಕೆ ಅಂತಿಮಗೊಂಡಿಲ್ಲ.

ಚಿತ್ರ ಪ್ರಮೋಷನ್ ನಲ್ಲಿ ಶ್ರದ್ಧಾ ಬ್ಯುಸಿ

ನಟಿ ಶ್ರದ್ಧಾ ಕಪೂರ್ ಸದ್ಯದಲ್ಲಿ ಬಹುನಿರೀಕ್ಷಿತ ಚಿತ್ರ 'ಹಸೀನಾ: ಕ್ವೀನ್ ಆಫ್ ಮುಂಬೈ' ಪ್ರಮೋಷನ್ ಕಾರ್ಯದಲ್ಲಿ ಬ್ಯುಸಿ ಆಗಿದ್ದಾರೆ. ಈ ಚಿತ್ರದಲ್ಲಿ ಅವರು ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ತಂಗಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಚಿತ್ರ ಆಗಸ್ಟ್ 18 ರಂದು ತೆರೆಕಾಣಲಿದೆ.