Click it and Unblock the Notifications
Don't Miss!
-
ಟರ್ಕಿಯಲ್ಲಿ 7.8 ತೀವ್ರತೆಯ ಪ್ರಬಲ ಭೂಕಂಪ: ಅಧಿಕ ಸಾವುನೋವುಗಳ ಭೀತಿ! -
ಭಾರತದಲ್ಲಿ ಹೆಚ್ಚು ಪವರ್ಫುಲ್ ಆಗಿರುವ ಕಮ್ಮಿ ಬೆಲೆಯ ಕಾರುಗಳು: ಟಾಟಾದಿಂದ ಮಹೀಂದ್ರಾವರೆಗೆ... -
ಆಪಲ್ ಗ್ರಾಹಕರಿಗೆ ಬಿಗ್ ಶಾಕ್; ಆದ್ರೂ, ಗ್ರಾಹಕರಿಗೆ ಕೊನೆಯ ಅವಕಾಶ ನೀಡಿದೆ! -
WIPL 2023: ಮಹಿಳಾ ಐಪಿಎಲ್ಗಾಗಿ ತನ್ನ ಕೋಚಿಂಗ್ ಬಳಗ ಪ್ರಕಟಿಸಿದ ಮುಂಬೈ ಇಂಡಿಯನ್ಸ್ -
Horoscope Today 6 Feb 2023: ಸೋಮವಾರ : ದ್ವಾದಶ ರಾಶಿಗಳ ರಾಶಿಫಲ ಹೇಗಿದೆ? -
ಆಧಾರ್ ಕಾರ್ಡ್ ಸಂಖ್ಯೆಯಿಂದ ನಿಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಪರಿಶೀಲಿಸಿ, ಹೇಗೆ ಇಲ್ಲಿ ತಿಳಿಯಿರಿ -
KVS Recruitment 2022 : ಕೇಂದ್ರೀಯ ವಿದ್ಯಾಲಯ ಸಂಗತನ್ ದಲ್ಲಿ 13404 ಹುದ್ದೆಗಳ ನೇಮಕಾತಿ -
ಯಾವುದೇ ಚಿಂತೆ ಇಲ್ಲದೆ ಸುಖಕರ ಪ್ರಯಾಣ ಅನುಭವಿಸಲು ಇಲ್ಲಿದೆ ಸಲಹೆಗಳು
ಉತ್ತರ Vs ದಕ್ಷಿಣ: ಈ ಚರ್ಚೆಗೆ ಖಾರವಾಗಿ ಪ್ರತಿಕ್ರಿಯಿಸಿದ ಐಶ್ವರ್ಯಾ ರೈ ಬಚ್ಚನ್!
ಎವರ್‌ಗ್ರೀನ್ ಬ್ಯೂಟಿ ಐಶ್ವರ್ಯಾ ರೈ ತಮ್ಮ ಸಿನಿಮಾ 'ಪೊನ್ನಿಯಿನ್ ಸೆಲ್ವನ್' ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ. ಮಣಿರತ್ನಂ ನಿರ್ದೇಶನದ ಈ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಐಶ್ವರ್ಯಾ ಡಬಲ್ ರೋಲ್‌ನಲ್ಲಿ ನಟಿಸುತ್ತಿದ್ದಾರೆ. ಇದು ಮಣಿರತ್ನಂ ನಿರ್ದೇಶನದ ಮಹತ್ವಾಕಾಂಕ್ಷೆ ಸಿನಿಮಾ.
ಲೇಖಕ ಕಲ್ಕಿ ಕೃಷ್ಣಮೂರ್ತಿ 1974ರಲ್ಲಿ ಬರೆದಿದ್ದ ಕಾದಂಬರಿಯನ್ನು ಆಧರಿಸಿ ಈ ಸಿನಿಮಾವನ್ನು ನಿರ್ಮಾಣ ಮಾಡಲಾಗಿದೆ. ಈಗಾಗಲೇ ರಿಲೀಸ್ ಆಗಿರೋ ಈ ಸಿನಿಮಾ ಟ್ರೈಲರ್‌ನಲ್ಲಿ ಐಶ್ವರ್ಯಾ ರೈ ನಂದಿನಿಯಾಗಿ ಗಮನ ಸೆಳೆದಿದ್ದಾರೆ. ಇದೇ ಸಿನಿಮಾ ಐಶ್ವರ್ಯಾ ರೈ ಎರಡನೇ ಗೆಟಪ್‌ನಲ್ಲಿ ಮಂದಾಕಿನಿಯಾಗಿಯೂ ಕಾಣಿಸಿಕೊಳ್ಳಿದ್ದಾರೆ. ಈ ಕಾರಣಕ್ಕೆ ಐಶ್ವರ್ಯಾ ರೈ ಅಭಿಮಾನಿಗಳಿಗೆ ಈ ಸಿನಿಮಾ ದುಪ್ಪಟ್ಟು ಕುತೂಹಲವನ್ನು ಮೂಡಿಸಿದೆ.
ಇಂದು( ಸೆಪ್ಟೆಂಬರ್ 26) 'ಪೊನ್ನಿಯಿನ್ ಸೆಲ್ವನ್' ಸಿನಿಮಾ ತಂಡ ದೆಹಲಿಗೆ ಆಗಮಿಸಿತ್ತು. ಸಿನಿಮಾ ತಂಡದ ಜೊತೆ ಐಶ್ವರ್ಯಾ ರೈ ಬಚ್ಚನ್ ಕೂಡ ಉಪಸ್ಥಿತಿ ಇತ್ತು. ಈ ವೇಳೆ ಐಶ್ವರ್ಯಾ ಸದಾ ವಿವಾದ ಸೃಷ್ಟಿಸೋ ಉತ್ತರ Vs ದಕ್ಷಿಣ ವಿವಾದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ.
ಐಶ್ವರ್ಯಾಗೆ ಇದೂವರೆಗೂ ತಮಿಳು ಹಾಗೂ ಹಿಂದಿ ಎರಡೂ ಭಾಷೆಯಲ್ಲೂ ಉತ್ತಮ ಸಿನಿಮಾಗಳು ಸಿಕ್ಕಿವೆ. ಹೀಗಾಗಿ " ಟಿಪಿಕಲ್ ಆಗಿ ಕಲಾವಿದರು ಹಾಗೂ ಸಿನಿಮಾವನ್ನು ನೋಡುವುದಕ್ಕೆ ಬ್ರೇಕ್ ಹಾಕಲು ಇದೊಂದು ಅದ್ಭುತ ಸಮಯ ಅಂತ ಅನಿಸುತ್ತೆ. ಈ ಎಲ್ಲಾ ಅಡೆತಡೆಗಳೂ ಈಗ ಮುಗಿದು ಹೋಗಿವೆ. ಜನರು ಈಗ ಸಿನಿಮಾವನ್ನು ರಾಷ್ಟ್ರವ್ಯಾಪಿ ನೋಡುತ್ತಿದ್ದಾರೆ. ಈಗ ದೇಶದ ಎಲ್ಲಾ ಭಾಗದ ಸಿನಿಮಾವನ್ನು ನೋಡಲು ಇಷ್ಟಪಡುತ್ತಿದ್ದಾರೆ." ಎಂದು ಐಶ್ವರ್ಯಾ ರೈ ಹೇಳಿದ್ದಾರೆ.
"ದೇಶಾದ್ಯಂತ ಪ್ರತಿಯೊಬ್ಬರೂ ಯಾವ ಸಿನಿಮಾವನ್ನಾದರೂ ನೋಡಬಹುದು. ಈ ರೀತಿ ವಿವಾದಾತ್ಮಕವಾಗಿ ಯೋಚಿಸುವುದನ್ನು ನಿಲ್ಲಿಸಿ, ನಮ್ಮ ವೀಕ್ಷಕರಿಗೆ ಸರಿಯಾದ ದಾರಿಯನ್ನು ತೋರಿಸಬೇಕಿದೆ. ನಮ್ಮ ಓದುಗರೂ ಕೂಡ ಈ ಹೀಗೆ ಟಿಪಿಕಲ್ ನೋಡುವುದನ್ನು ಬಯಸುವುದಿಲ್ಲ." ಎಂದು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿರುವ ಉತ್ತರ Vs ದಕ್ಷಿಣ ವಿವಾದಕ್ಕೆ ಪ್ರತಿಕ್ರಿಯಿಸಿದ್ದಾರೆ.
'ಪೊನ್ನಿಯಿನ್ ಸೆಲ್ಬನ್' ಸಿನಿಮಾ ವಿಶ್ವದಾದ್ಯಂತ ಸೆಪ್ಟೆಂಬರ್ 30ಕ್ಕೆ ರಿಲೀಸ್ ಆಗುತ್ತಿದೆ. ತಮಿಳು, ತೆಲುಗು, ಕನ್ನಡ, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲಿ ಈ ಸಿನಿಮಾ ಬಿಡುಗಡೆಯಾಗುತ್ತಿದೆ. ಐಶ್ವರ್ಯಾ ರೈ ಬಚ್ಚನ್ ಜೊತೆ ವಿಕ್ರಮ್, ಜಯಂ ರವಿ, ಕಾರ್ತಿ, ತ್ರಿಶಾ ಸೇರಿದಂತೆ ದಿಗ್ಗಜರೇ ನಟಿಸಿದ್ದಾರೆ.
