ರು.50 ಕೋಟಿ ಬಂಗಲೆಗೆ ತಾರೆ ಐಶ್ವರ್ಯಾ ರೈ?

ಹೊಸ ಬಂಗಲೆ ವಿಸ್ತೀರ್ಣ 8,000 ಚದರ ಅಡಿ

ಸದ್ಯಕ್ಕೆ ಅಭಿಷೇಕ್ ಬಚ್ಚನ್, ಐಶ್ವರ್ಯಾ ಹಾಗೂ ಆರಾಧ್ಯ ಇವರೆಲ್ಲಾ ಜಲ್ಸಾದಲ್ಲಿಯೇ ಇದ್ದಾರೆ. ಐಶ್ವರ್ಯಾ ರೈ ಹಾಗೂ ಅಭಿಷೇಕ್ ಹೊಸ ಬಂಗಲೆಗೆ ಸ್ಥಳಾಂತರವಾಗಲಿದ್ದಾರೆ ಎಂಬ ಸುದ್ದಿಯೂ ಇದೆ. ಈಗಿನ ಹೊಸ ಬಂಗಲೆ 8,000 ಚದರ ಅಡಿಗಳಷ್ಟು ಸವಿಸ್ತಾರವಾಗಿದೆ.

ಅಭಿಷೇಕ್, ಅಮಿತಾಬ್ ಹೆಸರಲ್ಲಿ ರಿಜಿಸ್ಟರ್ಡ್

ಈ ಹೊಸ ಬಂಗಲೆ ಅಭಿಷೇಕ್ ಬಚ್ಚನ್ ಹಾಗೂ ಅಮಿತಾಬ್ ಹೆಸರಲ್ಲಿ ರಿಜಿಸ್ಟರ್ಡ್ ಆಗಿದೆ. ಈಗಿನ ಜಲ್ಸಾ ನಿವಾಸಕ್ಕೆ ಹೊಂದಿಕೊಂಡಂತೆ ಹೊಸ ಬಂಗಲೆ ಇತ್ತು. ಆದರೆ ಎರಡೂ ಬಂಗಲೆಗಳನ್ನು ಕಾಂಪೌಂಡ್ ಬೇರ್ಪಡಿಸಿತ್ತು. ಈಗ ಈ ಕಾಂಪೌಂಡ್ ನ್ನು ಒಡೆದು ಎರಡಕ್ಕೂ ಒಂದೇ ಕಾಂಪೌಂಡ್ ಮಾಡಲಾಗಿದೆಯಂತೆ.

ಪ್ರತೀಕ್ಷಾದಲ್ಲಿ ನಡೆದ ಐಶ್ವರ್ಯಾ ರೈ ಮದುವೆ

ಬಿಗ್ ಬಿ ಅವರ ಮತ್ತೊಂದು ಬಂಗಲೆ ಪ್ರತೀಕ್ಷಾದಲ್ಲಿ ಅಭಿಷೇಕ್ ಹಾಗೂ ಐಶ್ವರ್ಯಾ ರೈ ಮದುವೆ ಅದ್ದೂರಿಯಾಗಿ ನೆರವೇರಿತ್ತು. ಒಟ್ಟಾರೆಯಾಗಿ ಅಮಿತಾಬ್ ಗೆ ಇಷ್ಟೆಲ್ಲಾ ಬಂಗಲೆಗಳ ಹುಚ್ಚು ಅದ್ಯಾಕಿದೆಯೋ ಏನೋ?

ಕುಟುಂಬ ವಿಸ್ತರಿಸಿದ್ದೂ ಒಂದು ಕಾರಣವೇ?

ತಮ್ಮ ಕುಟುಂಬ ಬೆಳೆಯುತ್ತಿರುವುದು. ಎಲ್ಲರೂ ಒಂದೇ ಕಡೆ ಇರುವುದು ಅಷ್ಟು ಕ್ಷೇಮ ಅಲ್ಲ ಎಂಬ ಕಾರಣಕ್ಕೋ ಏನೋ ಬಿಗ್ ಬಿ ಹೊಸ ಬಂಗಲೆಯನ್ನು ಖರೀದಿಸಿದ್ದಾರೆ.

ಮೂರೇ ಮೂರು ಜನ ಅದೇಗೆ ಇರುತ್ತಾರೋ?

ಇಷ್ಟಕ್ಕೂ 8,000 ಚದರ ಅಡಿಗಳಷ್ಟು ಸುವಿಶಾಲವಾದ ಸ್ಥಳದಲ್ಲಿ ಅಭಿಷೇಕ್, ಐಶ್ವರ್ಯಾ ರೈ ಹಾಗೂ ಪುಟ್ಟ ಪೋರಿ ಆರಾಧ್ಯ ಮೂರೇ ಮೂರು ಜನ ಅದು ಹೇಗೆ ಇರುತ್ತಾರೋ ಏನೋ ಎಂಬುದು ಸಿನಿಕರ ಅನ್ನಿಸಿಕೆ.