ಪ್ರಿಯಾಂಕಾ ಮಾಡಬೇಕಿದ್ದ ಚಿತ್ರವನ್ನ ಐಶ್ವರ್ಯ ರೈ ಒಪ್ಪಿದ್ದೇಕೆ?

ಸೌಂದರ್ಯ ಲೋಕದ ಮಾದಕ ತಾರೆ ಶಹನಾಜ್ ಹುಸೇನ್ ಅವರ ಬಯೋಪಿಕ್ ನಲ್ಲಿ ಮಾಜಿ ವಿಶ್ವಸುಂದರಿ ಐಶ್ವರ್ಯ ರೈ ಬಚ್ಚನ್ ಕಾಣಿಸಿಕೊಳ್ಳಲಿದ್ದಾರಂತೆ. ಇದಕ್ಕು ಮೊದಲು ಈ ಪಾತ್ರದಲ್ಲಿ ಪ್ರಿಯಾಂಕಾ ಅಭಿನಯಿಸುತ್ತಾರೆ ಎನ್ನಲಾಗಿತ್ತು. ಆದ್ರೆ, ಹಾಲಿವುಡ್ ಚಿತ್ರದ ಬಿಜಿ ಶೆಡ್ಯೂಲ್ ನಿಂದ ಪಿಗ್ಗಿ ಸಿನಿಮಾದಿಂದ ಹೊರಗುಳಿದಿದ್ದಾರಂತೆ.

ಚಿತ್ರದ ಬರಹಗಾರ ಕಮಲೇಶ್ ಪಾಂಡೆ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದು, ಐಶ್ವರ್ಯ ರೈ ಅವರನ್ನ ಗಮನದಲ್ಲಿಟ್ಟುಕೊಂಡು ಚಿತ್ರಕಥೆ ಸಿದ್ದಮಾಡುತ್ತಿದ್ದಾರಂತೆ. ಈ ಚಿತ್ರಕ್ಕೆ ಐಶ್ ಮೊದಲ ಆಯ್ಕೆಯಾಗಿದ್ದು, 16ನೇ ವಯಸ್ಸನಿಂದ 60ರ ವಯಸ್ಸಿನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ತಿಳಿಸಿದ್ದಾರೆ.

ಸದ್ಯ, ಅನಿಲ್ ಕಪೂರ್, ರಾಜ್ ಕುಮಾರ್ ರಾವ್ ಜೊತೆ 'ಫೆನ್ನಿಖಾನ್' ಸಿನಿಮಾದಲ್ಲಿ ಐಶ್ ನಟಿಸುತ್ತಿದ್ದು, ಆ ಚಿತ್ರದ ನಂತರ ಈ ಬಯೋಪಿಕ್ ಸಿನಿಮಾ ಮಾಡಲಿದ್ದಾರಂತೆ.

ಐಶ್ವರ್ಯ ರೈ ಅವರನ್ನ ಕೊನೆಯದಾಗಿ 2016ರಲ್ಲಿ ತೆರೆಕಂಡಿದ್ದ 'ಎ ದಿಲ್ ಹೈ ಮುಷ್ಕಿಲ್' ಚಿತ್ರದಲ್ಲಿ ಅಭಿನಯಿಸಿದ್ದರು.