ಮಗಳ ಕೈಹಿಡಿದು ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡ ಐಶ್ವರ್ಯ ರೈ, ಕಾಲೆಳೆದ ನೆಟ್ಟಿಗರು

ಬಾಲಿವುಡ್ ಐಶ್ವರ್ಯ ರೈ, ಪತಿ ಅಭಿಷೇಕ್ ಬಚ್ಚನ್ ಹಾಗೂ ಮಗಳು ಆರಾಧ್ಯ ಬಚ್ಚನ್ ಕಳೆದ ರಾತ್ರಿ ಮುಂಬೈ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರೀಕರಣ ಕಾರಣದಿಂದ ಚೆನ್ನೈಗೆ ತೆರಳಿದ್ದ ಐಶ್ ಕುಟುಂಬ ಫೆಬ್ರವರಿ 16 ರಂದು ಸಂಜೆ ಮುಂಬೈಗೆ ಬಂದಿಳಿದಿದೆ.

ಮಣಿರತ್ನಂ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಪೊನ್ನಿಯನ್ ಸೆಲ್ವನ್ ಸಿನಿಮಾದಲ್ಲಿ ಐಶ್ವರ್ಯ ರೈ ಸಹ ಅಭಿನಯಿಸುತ್ತಿದ್ದು, ಶೂಟಿಂಗ್ ಮುಗಿಸಿ ಬಂದಿದ್ದಾರೆ.

ಏರ್‌ಪೋರ್ಟ್‌ನಿಂದ ಹೊರಗೆ ಬರುವ ವೇಳೆ ಮಗಳು ಆರಾಧ್ಯ ಬಚ್ಚನ್ ಕೈ ಹಿಡಿದುಕೊಂಡು ಐಶ್ ಹೆಜ್ಜೆ ಹಾಕಿದ್ದರು. ಇದನ್ನು ಗಮನಿಸಿರುವ ಕೆಲವು ನೆಟ್ಟಿಗರು ''ಇನ್ನು ಎಷ್ಟು ದಿನ ಆರಾಧ್ಯ ಕೈಹಿಡಿದು ಸಾಗುತ್ತೀರಾ...?'' ಎಂದು ಪ್ರಶ್ನಿಸುತ್ತಿದ್ದಾರೆ.

''ಇಷ್ಟು ಎಷ್ಟು ವಯಸ್ಸಿನವರೆಗೂ ಐಶ್ವರ್ಯ ತಮ್ಮ ಮಗಳ ಕೈ ಹಿಡಿದು ಹೋಗ್ತೀರಾ...?'' ಎಂದು ನೆಟ್ಟಿಗನೊಬ್ಬ ಕಾಮೆಂಟ್ ಮಾಡಿದ್ದಾನೆ. ''ಅರೇ ಐಶ್ವರ್ಯ ಅವರೇ ಆರಾಧ್ಯಳನ್ನು ಸ್ವತಂತ್ರವಾಗಿ ನಡೆಯಲು ಬಿಡಿ'' ಎಂದು ಹೇಳಿದ್ದಾನೆ.

''ಐಶ್ವರ್ಯ ಅವರೇ ನಿಮ್ಮ ಮಗಳನ್ನು ಎತ್ತುಕೊಂಡು ಹೋಗಿ, ಭೂಮಿ ಮೇಲೆ ನಡೆಯಲು ಬಿಡಬೇಡಿ'' ಎಂದು ಮತ್ತೊಬ್ಬ ವ್ಯಕ್ತಿ ಕಾಮೆಂಟ್ ಮಾಡಿದ್ದಾನೆ.

ಒಬ್ಬ ತಾಯಿಯಾಗಿ ಮಗಳ ಬಗ್ಗೆ ಎಚ್ಚರಿಕೆ ವಹಿಸುವುದು ಸಹಜ. ಆದರೆ, ಅದನ್ನು ನೆಟ್ಟಿಗರು ತಪ್ಪು ಎನ್ನುವಂತೆ ಪ್ರಶ್ನಿಸುತ್ತಿದ್ದಾರೆ. ಐಶ್ವರ್ಯ ಅವರಿಗೆ ಮಗಳ ವಿಚಾರದಲ್ಲಿ ಅಭದ್ರತೆ ಇರಬೇಕು ಎಂದು ಕೆಲವು ಅನುಮಾನ ವ್ಯಕ್ತಪಡಿಸುತ್ತಿದ್ದಾರೆ.

2018ರಲ್ಲಿ ತೆರೆಕಂಡ ಫೆನ್ನಿಖಾನ್ ಸಿನಿಮಾದಲ್ಲಿ ಐಶ್ವರ್ಯ ಕೊನೆಯದಾಗಿ ಕಾಣಿಸಿಕೊಂಡಿದ್ದರು. ಈಗ ಮಣಿರತ್ನಂ ನಿರ್ದೇಶನದ ಪೊನ್ನಿಯನ್ ಸೆಲ್ವನ್ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.